(යොහාන් භාසුර සහ ගයාන් සූරියආරච්චි)
මෙරට මත්ද්රව්ය ජාවාරම සහ පාතාල ක්රියාකාරකම් මැඩලීම සඳහා ක්රියාත්මක කරන ‘යුක්තිය’ මෙහෙයුමේ 50 වැනිදා දිනය වන විට අපරාධ සම්බන්ධයෙන් සැකකරුවන් 56,541 ක් අත්අඩංගුවට ගෙන ඇති බව මහජන ආරක්ෂක අමාත්යංශය පැවසීය.
පසුගිය දෙසැම්බර් මස 17 වැනිදා ආරම්භ කළ ‘යුක්තිය’ මෙහෙයුමට අද (6) දින 50 සම්පූර්ණ විය.
එහිදී මත්ද්රව්ය වැරදි සම්බන්ධ සැකකරුවන් 49,558 ක් සහ අපරාධ අංශ වෙත යොමු කළ ලැයිස්තුවේ සිටි සැකකරුවන් 6,983 ක් අත්අඩංගුවට ගත් බවත් මත්ද්රව්ය වැරදි සම්බන්ධයෙන් අත්අඩංගුවට ගත් සැකකරුවන් 49,558 අතරින් සැකකරුවන් 1,817 කට රැදවුම් නියෝග මත වැඩිදුර විමර්ශන කරන අතර මත්ද්රව්යවලට ඇබ්බැහිවුවන් 1,981 ක් පුනරුත්තාපනය සඳහා යොමු කළ බවත් එම අමාත්යංශය කීය.
සැකකරුවන් 234 ක් සම්බන්ධයෙන් නීති විරෝධී වත්කම් විමර්ශන ආරම්භ කළ බවත් පොලිස් මත්ද්රව්ය නාශක කාර්යංශය සහ පොලිස් විශේෂ කාර්යංශයේ ලැයිස්තුවේ සිටි සැකකරුවන් 3,083 ක් ද අත්අඩංගුවට ගෙන ඇති බවත් එම අමාත්යංශ සඳහන් කළේය.
අත්අඩංගුවට ගෙන ඇති මුළු මත්ද්රව්යවල වෙළෙඳපොල වටිනාකම රුපියල් කෝටි 775 කට ආසන්න බවත් භාරයට ගත් දේපලවල වෙළඳපොල වටිනාකම කෝටි 73 කට ආසන්න බවත් එම අමාත්යංශය කියයි. එම දින 50 තුළ හෙරොයින් කිලෝ 142 ක්, අයිස් කිලෝ 208 ක්, කොකේන් ග්රෑම් 974 ක්, අබිං කිලෝ 49 ක්, හෂීෂ් කිලෝ 7 ක්, ඈෂ් කිලෝ 36 ක්, ගංජා කිලෝ 2678 ක් සහ මත්පෙති 360,821 ක් ඇතුළු මත්ද්රව්ය විශාල ප්රමාණයක් අත්අඩංගුවට ගත් බව ද මහජන ආරෂක අමාත්යංශය සඳහන් කළේය.
අපරාධ අංශ වෙත යොමු කළ ලැයිස්තුවට ඇතුළත්ව සිටියදී අත්අඩංගුවට ගත් සැකකරුවන් 6,983 අතර මත්ද්රව්ය වැරදි සම්බන්ධව විවෘත වරෙන්තු නිකුත්ව සිටි සැකකරුවන් 1,117 ක් සහ මත්ද්රව්ය නොවන වැරදි සම්බන්ධව විවෘත වරෙන්තුකරුවන් 5,286 ක් සිටින බව ද මහජන ආරෂක අමාත්යංශය පවසයි.
ජීවිත ආරක්ෂාව සඳහා සිවිල් පුද්ගලයන්ට ලබා දී ඇති සියලුම වර්ගයේ ගිනි අවි සහ පතුරම් නැවත බාර ගැනීමට රජය තීරණය කර ඇත.
ඉදිරි පළාත් පාලන මැතිවරණය සඳහා අලියා ලකුණින් තරග කිරීමට එක්සත් ජාතික පක්ෂය තීරණය කර තිබේ.
ශ්රී ලාංකිකයින් විදෙස් රැකියා සඳහා යාමපසුගිය වසරේ සැප්තැම්බර් මාසයට සාපේක්ෂව සියයට දහයකින් ඉහළ ගොස් ඇතැයි ශ්රී ලංකා විදේශ සේවා නියුක්ති කාර්යාසය
රථ වාහන වරදක් කළ පුද්ගලයෙකුට එරෙහිව නීතිය ක්රියාත්මක නොකර රියදුරු බලපත්රයක් මුදා හැරීම සඳහා රුපියල් 1000ක අල්ලසක් ඉල්ලා ලබා ගැනීමේ චෝදනාවන් දෙකට වරද
ඩුබායි රාජ්යයේදී පහරකෑමට ලක්ව කෝමා තත්ත්වයට පත්ව මෙරටට පැමිණ කොළඹ ජාතික රෝහලේ ප්රතිකාර ලබමින් සිටි පුද්ගලයකු ඊයේ (3) මියගොස් ඇති බව ගුවන්තොටුපොළ පොල
ස.තො.ස. ආයතනයට ගෙන්වු කැරම් බෝඩ් සහ දාම් බෝඩ් පසුගිය ජනාධිපතිවරණ සමයේදී දේශපාලන අරමුණු හේතූවෙන් ක්රීඩා සංගම්වලට බෙදාදී රජයට රුපියල් කොටි 05 කට අධික පාඩ
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
දින 50කදී ‘යුක්තියට’ 56,541ක් කොටු
Prabha Tuesday, 06 February 2024 04:51 PM
ශ්රී ලංකා පොලීසිය පිහිටුවලා දවස් 50ද? මීට කළින් සිද්ධාලේප වෙද මහත්තයා හිටියේ ඉන්දියන් පොලිසියේද?
Perera Wednesday, 07 February 2024 08:20 AM
ඔය අල්ලන අයගෙන් කී දෙනෙකුට විරුද්ධව මේ වෙනකොට නඩුදාලාද කියලා කියන්නකෝ. අල්ලපු පමණින් නඩුදාන්න බැරි බවත්, නඩු දාපු පමණින් හිරේයන්නේ නැති බවත් වැඩ බලන අය දන්නේ නැද්ද?