(මනෝප්රිය ගුණසේකර සහ රෝෂන් තුෂාර)
ශ්රී ලංකා නිදහස් පක්ෂයේ වැඩ බලන ලේකම් ධුරයේ කටයුතුවලට බාධා කිරීම සහ එම ධුරයේ කටයුතුවලට බාධා වන ආකාරයේ ප්රකාශන නිකුත් කිරීමෙන් පක්ෂයේ හිටපු ප්රධාන ලේකම් පාර්ලිමේන්තු මන්ත්රී දයාසිරි ජයසේකර මහතා වළක්වමින් කොළඹ ප්රධාන දිසා විනිසුරු සඳුන්විතාන මහතා වාරණ නියෝගයක් අද (08) නිකුත් කළේය.
ලබන 22 වැනිදා තෙක් බලපැවැත්වෙන අන්දමට මෙම වාරණ නියෝගය නිකුත් කළ දිසා විනිසුරුවරයා එදින අධිකරණයේ පෙනී සිටින ලෙස දැනුම් දෙමින් වගඋත්තරකාර දයාසිරි ජයසේකර මහතාට නොතීසි ද නිකුත් කළේය.
හිටපු ජනාධිපති හා ශ්රී ලංකා නිදහස් පක්ෂ සභාපති මෛත්රීපාල සිරිසේන සහ පක්ෂයේ වැඩ බලන ලේකම් සාරථි දුෂ්මන්ත මහත්වරුන් ගොනු කළ පැමිණිල්ලක් සලකා බැලීමෙන් අනතුරුව දිසා විනිසුරුවරයා එලෙස නියම කළේය.
නීතිඥ සංජීව කළුආරච්චි මහතා මාර්ගයෙන් හිටපු ජනාධිපති හා ශ්රී ලංකා නිදහස් පක්ෂ සභාපති මෛත්රීපාල සිරිසේන සහ පක්ෂයේ වැඩ බලන ලේකම් සාරථි දුෂ්මන්ත මහත්වරුන් ගොනු කළ මෙම පෙත්සමේ වගඋත්තරකරු වශයෙන් ශ්රී ලංකා නිදහස් පක්ෂයේ ප්රධාන ලේකම්වරයා වශයෙන් කටයුතු කළ පාර්ලිමේන්තු මන්ත්රී දයාසිරි ජයසේකර මහතා නම් කර ඇත.
පෙත්සම්කරුවන් වෙනුවෙන් පෙනී සිටි ජනාධිපති නීතිඥ ෆයිසර් මුස්තාපා මහතා කරුණු දක්වමින් වගඋත්තරකාර දයාසිරි ජයසේකර මහතා ශ්රී ලංකා නිදහස් පක්ෂයේ ප්රධාන ලේකම්වරයා වශයෙන් කටයුතු කළත් 2023 සැප්තැම්බර් 05 වැනිදා සිට ඔහුගේ පක්ෂ සාමාජිකත්වය අත්හිටුවා ප්රධාන ලේකම් ධූරයෙන් ඉවත් කර ඇතැයි දැනුම් දුන්නේය.
ඉන් අනතුරුව ඔහු ශ්රී ලංකා නිදහස් පක්ෂයේ ප්රධාන ලේකම් ධූරය පිළිබඳ සාවද්ය ප්රකාශ නිකුත් කරමින් සිටින බවත් පක්ෂයේ වැඩබලන ලේකම්වරයාගෙ කටයුතුවලට බාධා වන ආකාරයේ ප්රකාශ නිකුත් කරමින් සිටින බවත් කී ජනාධිපති නීතිඥ ෆයිසර් මුස්තාපා මහතා පක්ෂ සාමාජිකත්වය අත්හිටුවා ඇති හිටපු ලේකම්වරයා පක්ෂයේ වැඩබලන ලේකම්වරයාගේ කටයුතුවලට බාධා පැමිණවීම නිත්යානුකූල නොවන්නේ යැයි පෙන්වා දුන්නේය.
ඒ තත්වය මත පක්ෂයේ වැඩ බලන ලේකම් ධුරයේ කටයුතුවලට බාධා කිරීම සහ එම ධුරයේ කටයුතුවලට බාධා වන ආකාරයේ ප්රකාශන නිකුත් කිරීම වළකාලමින් වාරණ නියෝගයක් නිකුත් කරන්නැයි ජනාධිපති නීතිඥ ෆයිසර් මුස්තාපා මහතා ඉල්ලීමක්ද කළේය.
ඉදිරිපත් වු කරුණු සලකා බැලීමෙන් අනතුරුව අදාළ වාරණ නියෝගය නිකුත් කළ දිසා විනිසුරුවරයා පෙත්සම ලබන 22 වැනිදා යළි කැඳවීමටද නියම කළේය.
පෙත්සම්කරුවන් වෙනුවෙන් නීතිඥ පුලස්ති රූපසිංහ මහතා සමඟ ජනාධිපති නීතිඥ ෆයිසර් මුස්තාපා මහතා පෙනී සිටියේය.
දූෂණ විරෝධී නව පනත් කෙටුම්පත බලාත්මක වී වසරකට වැඩි කාලයක් ගතවී ඇතත් ඒ පනතේ විධිවිධාන ප්රකාරව අල්ලස් හෝ දූෂණ චෝදනා විමර්ශන කොමිෂන් සභාව ස්වාධීන ආයත
පොලිස් ස්ථානවල ගොඩ ගැසී ඇති විවිධ පැමිණිලි ඉදිරි සති දෙක තුළ අවසන් කළ යුතු බවට වැඩ බලන පොලිස්පති ප්රියන්ත වීරසූරිය මහතා නියෝග කර ඇති බව පොලිස් මාධ්ය
ඉලංගෙයි තමිල් අරුසු කච්චි පක්ෂය එම පක්ෂයේ ලකුණ යටතේ ඉදිරි මහ මැතිවරණයට තරග වදින බව හිටපු පාර්ලිමේන්තු මන්ත්රී එම්. ඒ සුමන්තිරන් මහතා පැවසීය.
ගම්පොළ බෝවල ප්රදේශයේ පිහිටි ගම්මාන පහක් තුල පරම්පරා කිහිපයක් පුරා ජල අවශ්යතා සපුරා ගැනීමට නොහැකි වීමෙන් දරුවන් හදා වඩා ගැනීම සීමා කිරීම හා ගම්මාන හ
නියෝජ්ය පොලිස්පති ධම්මික ප්රියන්ත මහතා රාජ්ය බුද්ධි සේවයේ අධ්යක්ෂ ලෙස පත් කරනු ලැබ සිටින අතර ඔහු හෙට (07) වැනි දා එම තනතුරේ වැඩ භාර ගැනීමට නියමිතය.
අරගලයෙන් පසු ජීවිත ආරක්ෂාව සඳහා රිපීටර් වර්ගයේ ෂොට් ගන් තුවක්කු මිලදී ගත් හිටපු පාර්ලිමේන්තු මන්ත්රීවරුන්ටද එම අවි නැවත භාරදෙන ලෙස ආරක්ෂක අමාත්යා
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
දයාසිරිට වාරණයක්