දේශපාලන බලපෑම් නැති පොලිසියක් ඇති කරනවා

(යොහාන් භාසසුර)

ජාතික ජනබලවේගයේ මන්ත්‍රීවරු සහ ඇමතිවරු පොලිස් ස්ථානාධිපතිවරු පත්කිරීමට මැදිහත් නොවන බවත් මීට පෙර පාලකයන් අනුගමනය කළ එම දේශපාලන සංස්කෘතිය වෙනස් කරන බවත් මහජන ආරක්‍ෂක අමාත්‍ය විජිත හේරත් මහතා අද (25) පැවසීය.

බත්තරමුල්ලේ පිහිටි මහජන ආරක්‍ෂක අමාත්‍යංශයේදී වැඩ භාරගැනීමෙන් පසුව විජිත හේරත් මහතා අද (25) පෙරවරුවේ එසේ පැවසීය.

වර්තමාන ආණ්ඩුව යටතේ එවැනි දේ නොවීම නිසා පරණ සංස්කෘතිය වෙනස් කර අලුත් සංස්කෘතියක් ඇති කළ යුතු බවත් දේශපාලන වශයෙන් ජාතික ජනබලවේගයට හිතවත් කෙනෙක් වරදක් කළත් විශේෂයෙන් සැළකීමේ අවශ්‍යතාවක් නොමැති බවත් ඒ මහතා කීය.

එවැනි වෙනසක් බලාපොරොත්තුවෙන් මෙරට ජනතාව ජාතික ජනබලවේගයට බලය දුන් බව කී විජිත හේරත් මහතා පොලිසිය සම්බන්ධයෙන් පසුගිය කාලයේ ජනතාව තුළ විශ්වාසය බිඳ වැටී තිබූ බව ද සඳහන් කළේය.

නීති හා සාමය රැකීමේ වගකීම පොලිසියේ වගකීම වන නිසා එයට ඉඩ ප්‍රස්තාව දෙමින් කටයුතු කිරීමට බලාපොරොත්තු වන බවත් වැරදි ක්‍රම වෙන්ස් කර දේශපාලන මැදිහත්වීම් නොමැති පොලිස් සේවයක් ඇති කළ යුතු බවත් විජිත හේරත් මහතා වැඩි දුරටත් පැවසීය.

අදහස් (16)

දේශපාලන බලපෑම් නැති පොලිසියක් ඇති කරනවා

karolis Wednesday, 25 September 2024 02:17 PM

එතකොට පොලිස් නිලධාරියෙක් වෙරි මරගාතේ වාහනයක් එලවලා හප්පලා අහුවුනොත් මොකද කරන්නේ? උසස් වීමක් දෙනවැයි ලේකම්තුමාට වගේ...!

: 51 107

JagathWednesday, 25 September 2024 02:38 PM

එවැනි දේකට නීතිය ක්‍රියාත්මක කරන්න පොලිස් කොමිසම තියෙනවා.

: 6 50

Susa Wednesday, 25 September 2024 05:03 PM

අපේ ජනාධිතිතුමා යහපාලනේ කාලෙත් ව්‍යවස්ථාදායක සභාවේ හිටියානේ. ඒ කාලේ චම්පික රණවක අතින් හැප්පුණා කියන ළමයාගේ කේස් එක බැලුවේ පූජිත් ජයසුන්දර. චම්පිකත් ඔය සභාවේ හිටියා. පූජිත් ජයසුන්දරව පොලිස්පතිකමට නිර්දේශ කරේ චම්පික. සභාවම අත ඉස්සුවා. ඒ නිසා ඒ ප්‍රශ්න අපි අහන්න හොඳ නෑ. ප්‍රභාකරන් ඉඳන් කිව්වේ අපිට මතක සුමනයයි හරි දෙකයි හරි කියලා...

: 0 0

gamageWednesday, 25 September 2024 02:58 PM

බලන්න කියන දේ තේරුම දන්නවද මන්දා?

: 3 9

අරවින්ද මොනරවිල Wednesday, 25 September 2024 02:27 PM

දැනට සිටින පොලිස් ස්ථානාධිපතිවරුන් සියල්ලටම ස්ථාන මාරුවීම් දිය යුතුය හිටපු පොලිස්පතිවරයා කී පරිදි ස්ථානාධිපතිවරුන්ගෙන් සීයයට අනුනමයක්ම දේශපාලන පත්වීම් ලැබ සේවයට පැමිණි අය නිසා.

: 5 20

Malika Wednesday, 25 September 2024 02:41 PM

ඒ වගේම දීර්ඝ කාලයක් එකම පොලිසියේ ඉඳලා, අවුරුදු 10ටත් වඩා, ඉන්න අයට වහාම ගමේ ඉඳලා කිලෝ මිටර් 10 දුරක්වත් මාරු කරන්න. මේ අය කවම දාකවත් නීතීයට නම් වැඩ කරන්නේ නෑ. වරද දැක දැක දෙපැත්තෙන්ම පගාව අරන් වැරැදි කරන්න ඒ අයට උපදෙසුත් දෙනවා. අත්දැකීමෙන් කියන්නේ. පගාව දුන් නැත්නම් නිවැරැදි පාර්ශවයට හරියට කරදර කරනවා. ගම්පහ දිස්ත්‍රික්කයේ කොළඹට ඉතාම ළඟ පොලිසියක මෙවැනි වැරැදි හරියට කරනවා....

: 0 23

සෙනෙවිරත්න Wednesday, 25 September 2024 02:50 PM

කරෝපිස්ලා තවමත් කුලියට කොටනවා, ඔය ගතිය ඇරිලා යයි, රට හරිය කියන පැත්තට එරෙහිව යන අය ඉතිහාසයේ කුණු කූඩයට යනවා...

: 8 23

karolisWednesday, 25 September 2024 03:08 PM

මිස්ටර් සෙනෙවිරත්න අපි නම් ඔයා වගේ අයට කියන්නේ ලෝන්ඩරි කියලා. තමන්ගේ පක්ෂේ වුණත් වැරැද්ද වැරැද්ද විදියට කියන්න පුළුවන් කශේරුකාවක් හදා ගන්න නැත්තන් ඉතින් ලොක්කා තව අවුරුදු 5 ට පස්සෙත් කියයි මම ඉන්ද්‍රජාලිකයෙක් නොවේ කියලා...!

: 17 9

රම්බොඩ Wednesday, 25 September 2024 02:58 PM

එහෙම වෙනවා නම් හොඳයි. මේ වෙනකොට හැම ආයතනයකම ඉන්න සභාපතිවරු, ආණ්ඩුකාරවරු වෙනස් කරනවා. ඒක තමයි මෙච්චර කාලයක් අනිත් පක්ෂ දෙකම කරගෙන ආපු පිළිවෙළ. ඒවට ජාතික ප්‍රතිපත්ති ඉදිරියේ දි හෝ හැදුණොත් හොඳයි.

: 0 12

sarath Wednesday, 25 September 2024 03:07 PM

ඇමැතිතුමා පොලිසිය ස්වාධින කිරීම වගේම පොලිසියේ අය කරන වැරැදි වලට ක්ෂණිකවම දඬුවම්කරන ක්‍රමයකුත් හදන්න ඕනෑ. මොකද පොලිසිය පසුගිය කාලේ වැරැදි කලේ දේශපාලන ඇඟිලි ගැසීම් නිසා පමණක්ම නොවෙයි...!

: 0 20

saparamadu Wednesday, 25 September 2024 05:19 PM

කරුණාකරලා රාජපක්ෂවරු ඇතුළු සියලු දේශපාලකයන්ට දී ඇති පොලිස් සහ හමුදා ආරක්ෂාව ඉවත් කර ඒ පොලිස් නිලධාරීන් හා හමුදා නිලධාරීන් නිසි සේවාවල යොදවන්න.

: 1 13

අරවින්ද මොනරවිල Wednesday, 25 September 2024 06:16 PM

බීමතින් රිය පදවා අනතුරක් වුණොත් ඒක මහ බැංකුව කොල්ල කෑවා වගේ හෝ පාස්කු ප්‍රහාරය සැලසුම් කෙරුවා වගේ අපරාධයක් නොවෙයි කියලා කරෝලිස්ගේ කුඩා මොළයට තේරෙන්නේ නැතුව ඇති. අනික රවී සෙනෙවිරත්න ඒක කරලා දේශපාලකයින් හෝ පොලිසියේ ලොක්කෝ පස්සේ ගිහින් හැංගෙන්න හැදුවේ නැහැ. නීතිය ඉස්සරට ආවා. ඇවිත් තීන්දුව පිළිගත්තා. ඒක මහත්මා ගතියක් කියලා කරොලිස් නොදන්නවා ඇති...

: 4 10

karolisWednesday, 25 September 2024 07:30 PM

පොලිසියේ උසස් නිලධාරියෙක් වෙලත් රටේ පවතින නීතියට ගරු නොකරපු කෙනෙක් ට පොලිසිය බාරදෙන එක පුනරුදයක් හදන්න කයිවාරු ගහන ජනාධිපතිගේ පළමු කාරියක් වීම සුදුසු නෑ කියලා මිස්ටර් මොනරවිලට තේරෙන්නේ නැත්තේ නැට්ට උස්සලා ගොම දාන කෙනෙක් හින්දාද?

: 10 3

Karolis ge piyaWednesday, 25 September 2024 11:04 PM

අනේ කරෝලිස් ගිහින් කරෝල ටිකක් විකුණන් ඉන්න.

: 0 0

Perera Thursday, 26 September 2024 09:50 AM

karolis, ravi senevirathna නීතිය කැඩුව එකට දඬුවම් වින්දා මොකද්ද ප්‍රශ්නේ ?

: 1 2

samarapala Thursday, 26 September 2024 03:27 PM

ඔහොම කෙනෙක් ඉන්නවා බොරලැස්ගමුව පොලිසියේ උසාවි යන...

: 0 0

ඔබේ අදහස් එවන්න

දියත

කෝටි 7 කොල්ලයේ ප්‍රධාන සැකකරුවෝ මාට්ටු

2024 නොවැම්බර් මස 27 42 0

මිනුවන්ගොඩ රුපියල් කෝටි 7- 1/2 කොල්ලයේ ප්‍රධාන සැකකරුවන් දෙදෙනා මිනුවන්ගොඩ ප්‍රදේශයේ පාළු නිවසක සැඟව සිටියදී අත්අඩංගුවට ගත් බව ගම්පහ කොට්ඨාස අපරාධ විම

කාර්තිවු ගසාන ගිය සිසුන් 4 කගේ සිරුරු සොයා ගැනෙති

2024 නොවැම්බර් මස 27 986 1

කාර්තිව් - මාවඩිපල්ලිය ප්‍රධාන මාර්ගයේදී සැඩ පහරට අසුව ගසාගෙන ගොස් අතුරුදන් වූ සිසුන් හය දෙනාගෙන් සිව් දෙනකුගේ සිරුරු මේ වන විට සො බව කාර්තිව් පොලිසි

ලංකාවට ඕන වෙලාවක උදව් කරන්න කැමති බව ඕස්ට්‍රේලියාව කියයි

2024 නොවැම්බර් මස 27 179 0

අල්ලස් දූෂණ වලින් තොර නව රජයේ වැඩපිළිවෙළ ආයෝජකයින් ආකර්ෂණය කරන බව ශ්‍රී ලංකාවේ ඕස්ට්‍රේලියානු මහ කොමසාරිස් පෝල් ස්ටීවන්ස් (Paul Stephens) මහතා ප්‍රකාශ කළේය.

නැ‘හිර මුස්ලිම් පාසල් දින දෙකක් වහයි

2024 නොවැම්බර් මස 27 68 0

පවතින අයහපත් කාලගුණය සැලකිල්ලට ගෙන නැගෙනහිර පළාතේ මුස්ලිම් පාසල් සඳහා හෙට (28) හා අනිද්දා (29) නිවාඩු ලබා දුන් බව පළාත් අධ්‍යාපන අමාත්‍යාංශය කියයි .

ණය ප්‍රතිව්‍යුහගත මෙහෙයුම් ගැන ජනපති කාර්යාලයෙන් නිවේදනයක්

2024 නොවැම්බර් මස 27 264 0

ශ්‍රී ලංකාවේ ණය ප්‍රතිව්‍යුහගත කිරීමේ මෙහෙයුම් සඳහා ණය හිමියන්ගේ ඉහළ සහභාගීත්වයේ දැඩි අවශ්‍යතාව ජාත්‍යන්තර මූල්‍ය අරමුදල (IMF) අවධාරණය කර ඇතැයි ජනාධි

වව්නියාවේ වැව් 29ක් කැඩී යයි

2024 නොවැම්බර් මස 27 325 0

පවතින අයහපත් කාලගුණික තත්වය හේතුවෙන් වවුනියාව දිස්ත්‍රික්කයේ වැව් 29ක් කැඩීගොස් අ‍ැතැයි වවුනියාව දිස්ත්‍රික් ලේකම් පි.ඒ.සරත්චන්ද්‍ර මහතා පැවසීය.