දළදා වන්දනාකරුවන්ට ටෙම්ලින් උද්‍යානය

(ඩයනා උදයංගනී)

මහනුවර දළදා මාලිගාවට පැමිණෙන වන්දනාකරුවන් සඳහා පොදු පහසුකම් සහිත මධ්‍යස්ථානයක් ලෙස සකස් කළ ටොම්ලින් උද්‍යානය සහ නාගරික රථගාල මත ඉදිකළ පොදු පහසුකම් උද්‍යානය විවෘත කිරීම අග්‍රාමාත්‍ය මහින්ද රාජපක්‍ෂ මහතා අතින් අනිද්දා (8) සිදුකෙරේ.

නාගරික සංවර්ධන හා නිවාස අමාත්‍යාංශය යටතේ ක්‍රියාත්මක “සියක් නගර” සංවර්ධන ව්‍යාපෘතිය යටතේ මෙම රථගාල හා පොදු පහසුකම් මධ්‍යස්ථානය ඉදිකර තිබේ.

කොළඹින් පිට නගර සංවර්ධනය කිරීමේ අරමුණින් ක්‍රියාත්මක මෙම උපාය මාර්ගික නගර සංවර්ධන ව්‍යාපෘතිය 2014 වසරේ දී නාගරික සංවර්ධන හා ආරක්ෂක අමාත්‍යාංශය යටතේ ක්‍රියාත්මක කිරීමට සැලසුම් කර තිබූ බවත්, ජනාධිපති ගෝඨාභය රාජපක්ෂ මැතිතුමාගේ “සෞභාග්‍යයේ දැක්ම” ප්‍රතිපත්ති ප්‍රකාශය යටතේ ක්‍රියාත්මක සංවර්ධන ව්‍යාපෘතිවලට සමඟාමීව එය ක්‍රියාත්මක කෙරෙන බවත් නාගරික සංවර්ධන හා නිවාස අමාත්‍යාංශය පවසයි.

ලෝක බැංකු සහ ශ්‍රී ලංකා රජයේ ප්‍රතිපාදන යටතේ ක්‍රියාත්මක මෙම ව්‍යාපෘතිය යටතේ මහනුවර, ගාල්ල සහ යාපනය යන නගර සංවර්ධනය කිරීම සිදුකෙරේ.

මහනුවර නගර සංවර්ධන ව්‍යාපෘතිය යටතේ රථවාහන තදබදය අඩුකිරීම සඳහා ප්‍රවාහන පද්ධතිය වැඩිදියුණු කිරීම, මහනුවර නාගරික ජල සම්පාදන ක්‍රමය වැඩිදියුණු කිරීම, නාගරික වැසි ජල අපවහන පද්ධතිය ප්‍රතිසංස්කරණය කිරීම සහ නාගරික පොදු පහසුකම් වැඩිදියුණු කිරීම සිදුවේ.

මහනුවර දළදා මාලිගාවට පැමිණෙන වන්දනාකරුවන් සඳහා ඉදිකර ඇති මෙම නාගරික රථගාල තුළ වාහන 700 ක් නවතා තැබීමේ පහසුකම් ඇති අතර මෙමඟින් මහනුවර නගරයේ රථවාහන තදබදය අවම කිරීම ද සිදුවන බව නාගරික සංවර්ධන හා නිවාස අමාත්‍යාංශය සඳහන් කරයි.

මීට අමතරව ජනතාවට වඩාත් සුවපහසු මගී ප්‍රවාහන සේවාවක් ලබාදීම සඳහා දැනට පවතින ගුඩ්ෂෙඩ් භූමියේ නව බහුවිධ ප්‍රවාහන මධ්‍යස්ථානයක් ඉදිකිරීම ද යෝජිත බවත්, මෙම බහුවිධ ප්‍රවාහන මධ්‍යස්ථානය දුම්රිය සහ බස්රථ නැවතුම් මධ්‍යස්ථානයක් ලෙස ඉදිකෙරෙන බවත් එම අමාත්‍යාංශයේ ප්‍රකාශකයෙක් පැවසීය.

ටොම්ලින් උද්‍යානය වන්දනාකරුවන්ට විවේක ගැනීම සඳහා කාමර පහසුකම්, සනීපාරක්ෂක පහසුකම් සහ වෙළඳකුටි 16 කින් සමන්විත වේ.

රථගාල සහ පොදු පහසුකම් උද්‍යානය දේශීය ආහාර වෙළදාම් කිරීමේ පහසුකම්, මහනුවරට ආවේණික පාරම්පරික ද්‍රව්‍ය ප්‍රදර්ශනය සහ වෙළදාම් කිරීම සඳහා වන වෙළඳ කුටි 100 කින්, සංස්කෘතික සංදර්ශන වැනි දෑ පැවැත්වීම සඳහා වේදිකාවක් සහ ආසන 600 ක් සහිත විවෘත ස්ථානයක් ආදියෙන් සමන්විත වේ.

අදහස් (21)

දළදා වන්දනාකරුවන්ට ටෙම්ලින් උද්‍යානය

Rakitha Friday, 07 January 2022 09:03 AM

මොන අඩු පාඩු තිබුනත් මහින්ද ගෝඨාභය යන මහත්වරු නොහිටින්න මේ වගේ දේවල් ලංකාවට ලැබෙන්නේ නැහැ

: 72 38

AnuraFriday, 07 January 2022 03:22 PM

සමහරුන්ට තවම තේරිලා නැහැ. අප්පච්චි මේවා හදන්න ගත්ත ණය හින්දා තමයි අපි අද ගෑස්, තෙල්, කිරිපිටි, හාල් පෝලිම්වල ඉන්නේ...

: 11 47

seneFriday, 07 January 2022 03:39 PM

මෙම ව්‍යාපෘතිය කාගෙද සොයා බලන්න ඔබ සඳහන් කොරන ඇයෝ අනුන්ගේ දේවල් තමන්ගෙ ලෙස පෙනෙන්නට හරි හපන්නු .

: 7 36

Bunny Preena Friday, 07 January 2022 09:27 AM

බොහොම සුබ ආරංචියක්... මහනුවර දැනට තියෙන රථවාහන ගාල් කිරීමේ අපහසුතාවලට හොඳ සහනයක් වේවි. මේවගේ දේවල් කරන්න රාජජක්ෂලා ඉන්න ඕනේ..

: 62 30

සුධීර Friday, 07 January 2022 11:09 AM

හොඳ වැඩක්... නමුත් පහසුකම් දළදා වන්දනාකරුවන්ට කිව්වට දළදා වන්දනාවට එන අයටද ඒවා ලැබෙන්නේ කියලා ඔප්පු කරන්නේ කොහොමද?

: 7 38

Akila Friday, 07 January 2022 12:31 PM

මෙහෙම තැනක අවශ්‍යතාවයක් දැඩිව තිබ්බද නැත්නම් බලෙන් අවශ්‍යතාවක් කරපු දෙයක් ද ?

: 19 20

චන්දන Saturday, 08 January 2022 09:23 PM

වෙනත් පළාත්වල ඉඳලා නුවර ගිය අයනම් දන්නවා මෙවැනි දේක අවශ්‍යතාවය... වාහනයක් නවත්වන්න තැනක් නැහැ. මාලිගාවට යනඅය දුක් විඳිමින් ඉන්නවා...

: 2 5

kamal Friday, 07 January 2022 12:48 PM

තව වහල් පරම්පරා කීයක් උගස් තිබ්බද මේ සංදර්ශනයට..?

: 21 38

Wikum Friday, 07 January 2022 01:16 PM

මේ කාර් පාක් එක කළින් ඉඳන්ම තියෙනවා. අමුතුවෙන් හදන්න දෙයක් තිබුණේ නැහැ. කාටද මේ බොරු කරන්නේ..? කාර් පාර්ක් එක උඩ වහලයක් ගහලා මිනිස්සුන්ට ඉන්න හදපු එක නම් හොඳයි.

: 14 45

දීෂාන් Friday, 07 January 2022 01:20 PM

හදන්න කමිෂන් අරන් මහජනතාවගේ මුදල් වියදම් කරලා විවෘර්ත කරනවා

: 10 33

Prabha Friday, 07 January 2022 01:58 PM

මේ අර වේල්ස් සිනමා ශාලාව කලා හදපු රතගාලනේ.ඕක හදලා අවුරුදු විස්සක්වත් ඇති

: 7 39

Hashan Sachinthana Friday, 07 January 2022 02:22 PM

මරු නියමයි. ජනතාව වියරු වැටී ඇත. මෙසේ වීම සාධාරණ වේ. සෞභාග්‍යයේ දැක්ම නම් පට්ට...

: 9 16

Eranga perera Friday, 07 January 2022 02:30 PM

දැන් දියුණුවෙන් දියුණුවට පත්වෙයි , ඇමරිකන් මොලයක තරම

: 9 17

siri Friday, 07 January 2022 03:04 PM

මේකට සිංහල නමක් දාන්න තිබ්බේම නැද්ද? නැත්නම් සල්ලි වියදම් කලේ ටෙම්ලින් කියලා සමාගමක්ද? රට යන අත...

: 2 27

kamalSunday, 09 January 2022 04:40 PM

මේක හැදුවේ සිංහල සල්ලිවලින් නෙමෙයි, ඩොලර්වලින්... ඒකයි ඉංග්‍රීසි නම...

: 0 5

Shan Saturday, 08 January 2022 01:56 PM

හදන්නේ දළදා මාලිගාවට කියලා.. නම ටෙම්ලින්. බොරු සංදර්ශන දැම්මට මේකත් පොහොට්ටු හොරෙක්ගේ වැඩක්... අපි නොදන්න පොහොට්ටුවෝ...

: 2 21

sampath Saturday, 08 January 2022 10:57 PM

මේ හෙළබොජුන් අලෙවිසල් තිබුණු තැන නේද? මේ දාපු නමනම් මහ විකාරයක්... නුවර ප්‍රෞඩත්වයට ගැලපෙන නමක් දාන්න තිබුණා. ඇහැලේපොළ කුමාරිහාමි මාවත වෙනස් කළා වගේ වැඩක් මේකත්...

: 0 7

kamalSunday, 09 January 2022 04:50 PM

නුවර ප්‍රෞඩත්වය තිබුණට සල්ලි නැහැනේ... ඉතින් වංසෙ කබල් ගානවා ඇරෙන්න වෙන කරන්න පුළුවන් දෙයක් නෑ. මේක හැදුවේ ඩොලර්වලින්... ඉතින් සුද්දගේ නම...

: 1 4

rose herath Sunday, 09 January 2022 03:57 PM

ඉන්දියාව වගේ රටවල් සුද්දා දාපු නම් අයින් කරලා දේශිය නම් දානවා. අපි තව තවත් විදේශීය නම් දානවා. පරගැති කමක මහත...

: 2 5

sharm warn Monday, 10 January 2022 10:02 AM

අපිව උගස් කරලා ණය අරන් ලොකු කොමිස් එකක් කාලා පොඩි වැඩකුත් කර්ලා සංදර්ශනයක් තිබ්බම.ඔන්න ඉතින් වහල් බයියන්ට හරි ඉහලයි ඉතින්.මේ කෙරුවාවල් නිසා තමයි ඩොලර් හිඟ වෙලා රට අන්තයටම වැටිලා තියෙන්නේ .චීනයත් දැන් ණය දෙන්න පස්ස ගහන තත්වයක් තියෙන්නේ.බූරුවන්ට මේවා තේරෙන් නැහැනේ

: 0 4

lalith fernando Monday, 10 January 2022 02:53 PM

ඉතා හොඳයි

: 0 0