(බිමල් ශ්‍යාමන් ජයසිංහ)

රැල්ලෙන් රැල්ලට නගර වැසීමේ විලාසිතාවට බණ්ඩාරගම නගරය නතු නොකරන බව බණ්ඩාරගම ප්‍රාදේශීය සභා සභාපති දේවේන්ද්‍ර පෙරේරා මහතා පවසයි.

කොරෝනා වසංගතය හේතුවෙන් බණ්ඩාරගම නගරයේ වෙළඳසැල් වැසිය යුතු ද ? නැද්ද ? යන්න බණ්ඩාරගම වෙළඳ සංගමය හා පැවති සාකච්ඡාවෙන් අනතුරුව මාධ්‍යයට අදහස් දක්වමින් සභාපතිවරයා මේ බව කීය.

බණ්ඩාරගම නගරයේ සියලුම වෙළඳ වෙළඳ ප්‍රජාවටත් මේ වන විට එන්නත් දෙකම ලබා දී තිබෙනවා .පෙට්ටි කඩේ සිට සුපිරි වෙළඳසැල දක්වා .ඒ වගේම බණ්ඩාරගම සෞඛ්‍ය වෛද්‍ය නිලධාරී බල ප්‍රදේශයේ පදිංචි ජනතාවගෙන් සියයට 70 කට අධික ප්‍රමාණයකට එන්නත ලබා දීලා තිබෙනවා .ඒ වගේම එන්නත් කරණයත් ඉතාමත් සාර්ථකව සිදු කරමින් පවතිනව.

බණ්ඩාරගම නගරයේ පමණක් නොව ඕනෑම නගරයක වෙළඳසල් වැසීමෙන් කොරෝනා වයිරසය පාලනය කරන්න බැහැ .ඒකට තමන්ම ස්වෙච්ඡාවෙන් සෞඛ්‍ය පුරුදු නිවැරදිව වගේම සංචරණ සීමා සිදුකර අනවශ්‍ය ගමන්බිමන්වලින් වැළකීමෙන් වයිරසය පැතිරීම වළක්වා ගන්න පුළුවන් .

දවසක්, දෙකක්, දවස් දහයක් මෙලෙස වෙළඳසල් වැසුවොත් නැවත මෙම වෙළඳ සැල් විවෘත කරන විට මේ කොරොනා වසංගතය අවසන් වෙලා තියෙනවා නම් වෙළඳසැල් වැසුවට කමක් නැහැ.

විශේෂඥ වෛද්‍යවරු කියන්නේ තවත් වසරක් දෙකක් යනකන් මේ කොරෝනා වයිරසය සමග අපට ජීවත්වෙන්න වෙනවා කියලා.කොරෝනා වසංගතය සමග අපිට ජීවත්වෙන්න හුරු වෙන්න වෙනවා.

තත්ත්වය එසේ නම් රැල්ලක් ලෙස නගරවල වෙළඳසැල් වසා ගෙන යන එක තේරුමක් නැහැ, පලක් නැහැ.කොරෝනා වසංගතයක් එක්ක සෞඛ්‍ය ආරක්ෂිතව ජීවත් වෙන්න හුරු වෙමු,පුරුදු වෙමු,