(ඉන්දිකා රාමනායක)

නීති විරෝධී ලෙස ධීවර කටයුතු වල නිරත වෙමින් සිටි  ධීවරයන් අත්අඩංගුවට ගැනීම සදහා නාවික හමුදාව  සිදුකළ සෝදිසි මෙහෙයුම් වලින් මේ දක්වා  ධීවරයන් 442ක් සමඟ  ධීවර යාත‍්‍රා 153 ක් අත්අඩංගුවට ගත් බව නාවික හමුදාව කියයි.

ඉකුත්  මස 01 වැනි දින සිට ජුනි මස 30 දක්වා කාලය තුළ මෙම මෙහෙයුම් සිදුකර තිබිණි.

නැගෙනහිර,  ගිනිකොන,  වයඹ,  උතුරු මැද, උතුර  යන නාවික විධාන කේනද්‍ර කරගනිමින් මෙම මෙයෙහුම් සිදුකර තිබිණි.

 වලංගු  බලපත‍්‍ර නොමැතිව ධීවර කටයුතු වල නිරත වීම, නීති විරෝධී දැල් භාවිත කිරීම, බලපත‍්‍ර රහිතව රාති‍්‍ර කාලයේ  කිමිදුම් කටයුතු වල නිරත වී ධීවර කටයුතු වල නිරත වීම,  මුහුදු කූඩැල්ලන් ඇල්ලීම, විවිධ ආලෝක ධාරා  භාවිතා කරමින්  ධීවර කර්මාන්තයේ නිරත වීම, අනවසර   ප‍්‍රදේශවල ධීවර කටයුතු වල නිරත වීම, සම්බන්ධයෙන් මෙම පිරිස අත්අඩංගුවට ගත බව නාවික හමුදාව කියයි.

අත්අඩංගුවට ගත් ධීවරයින්  වයස අවුරුදු 16- 60 අතර වයසේ පසුවන්නන් බවද  නාවික හමුදාව කියයි.