(ටෝනි කරුණානායක) 
 
නිරෝධායන ඇදිරි නීතිය කඩකරමින් වැලිවේරිය ,නැදුන්ගමුව ප්‍රදේශයේ පිහිටි නිවසක් පිටුපස නිධන් හාරමින් සිටි ව්‍යාපාරිකයෙකු ඇතුළු සිව්දෙනකු  අද(15) අලුයම අත්අඩංගුවට ගත් බව වැලිවේරිය පොලිසිය පවසයි .
 
ගම්පහ මිරිස්වත්ත ප්‍රදේශයේ ගොඩනැගිලි ද්‍රව්‍ය අලෙවිසැල් හිමිකරු වෙකු ,නැදුන්ගමුවේ පදිංචි නිවෙස් හිමිකරු  සහ බණ්ඩාරවෙල ප්‍රදේශයේ පදිංචි කරුවන් දෙදෙනෙකු ඇතුළු සැකකරුවන් සිවුදෙනකු මෙසේ අත්අඩංගුවට ගෙන තිබේ .
 
සැකකරුවන් විසින් නිවස පිටුපස විවිධ හැඩතලයෙන් අඩි 34 ක් යටට කපා ඉන්අනතුරුව දෝනාවක් කැපිම ආරම්භ කර තිබූ බවත් සැකකරුවන් ඒ සදහා උපයෝගී කර ගත් උදලු 02 ක්  , අලවංගුවක්   , ලණුවක් ඇතුළු බිමකැපිම සදහා යොදා ගෙන තිබූ තවත් උපකරණ රැසක් අත්අඩංගුවට ගත් බව පොලිසිය පවසයි .
 සැකකරුවන් සිවුදෙනා ගම්පහ මහෙස්ත්‍රාත් අධිකරණය හමුවට ඉදිරිපත් කිරීමට නියමිතව තිබූ අතර ගම්පහ කොට්ටාශ බාර ජේ පො අ .තුසිත කුමාර මහතා ගේ උපදෙස් මත වැලිවේරිය පොලිසිය වැඩිදුර පරික්ෂණ සිදු කරනු ලබයි .