(අතුල බණ්ඩාර)

අනුරාධපුර ශාන්ත ජෝෂොප් දෙව් මැදුර ඉදිරිපිට වැව් බැම්මේ තිබී සැකකටයුතු ලෙස මියගිය පුද්ගලයෙකුගේ සිරුරක් හමුවූ බව අනුරාධපුර පොලිසිය පවසයි.

වැව් බැම්මේ තණ කොළ ගොන්නේ පුද්ගලයෙකු වැටී සිටිනු දුටු එම වැවේ මසුන් අල්ලන ධීවරයින් , 1990 ට ඇමතුමක් දී "සුවසැරිය" ගිලන්රථයක් ගෙන්වාගෙන රෝහලට ගෙනයෑමට හදද්දී එම ගිලන්රථයේ පැමිණි සේවකයින් එම පුද්ගලයා පරීක්ෂා කරද්දී මියගොස් සිටින බව දැනගෙන ,ඒ බව ධීවරයින්ට පවසා පොලිසියට දැනුම්දෙන ලෙස උපදෙස්දී ආපසු හැරී ගොස් තිබිණි.

අනතුරුව ධීවරයින් කළ දැනුම්දීම මත පැමිණි අනුරාධපුර පොලිසියේ නිලධාරින් සිදුකළ මුලික විමර්ශනවලදී අවුරුදු 60 ත්  65 ත් අතර වයසේ පුද්ගලයෙකු වන අනන්‍යතාව තහවුරු නොවන  මේ තැනැත්තා ගේ මරණය සැකකටයුතු බැවින් මහේස්ත්‍රාත් පරීක්ෂණයක් පැවැත්වීමට තීරණය කර තිබිණි.

පොලිසිය අනුරාධපුර මහේස්ත්‍රාත් අධිකරණයට කරුණු වාර්තා කිරීමෙන් පසු , අද   (06) අනුරාධපුර මහේස්ත්‍රාත්වරයා මළසිරුර තිබෙන ස්ථානයට ගොස් ස්ථානීය පරීක්ෂණය සිදු කිරීමට නියමිතව තිබුණි.