(සන්ඩේ ටයිම්ස්)
පුද්ගලික වාහන ආනයනය කිරීම සඳහා පනවා ඇති තහනම ඉවත් කිරීම ලබන වසර මුල දක්වා ප්රමාද කිරීමට රජය තීරණය කර ඇති බව ආරංචි මාර්ග ප්රකාශ කළේය.
මෙරට ආර්ථිකය තවමත් ස්ථාවර නොවීම සහ ඒ සඳහා පහසුකම් සැලැසීමට ප්රමාණවත් විදෙස් සංචිත ප්රමාණයක් මහ බැංකුව සතුව නොමැතිවීම යන කරුණු මත පදනම්ව එලෙස තහනම ඉවත් කිරීම ලබන වසර මුල දක්වා ප්රමාද කිරීමට රජය තීරණය කර ඇතැයි ජ්යෙෂ්ඨ භාණ්ඩාගාර නිලධාරියකු පැවැසුවේය.
පුද්ගලික වාහන ආනයනය කිරීම ආරම්භ කිරීමත් සමඟ ඇමෙරිකානු ඩොලර් බිලියන 1 ක මුදල් ප්රමාණයක් සෑම වසරකම මෙරටින් පිටතට ගලා යනු ඇතැයි එම නිලධාරියා ප්රකාශ කළේය.
කෙසේ නමුත් ලොරි, බස් සහ ට්රක් රථ මෙන්ම සංචාරය ක්ෂේත්රය සඳහා යොදා ගන්නා වෑන් රථ වැනි වාණිජ පදනමකින් යුත් වාහන ආනයනය කිරීම සඳහා පනවා ඇති තහනම ලබන මස සිට ඉවත්වනු ඇති බවද ආරංචි මාර්ග පැවැසුවේය.
එනමුත් රාජ්ය අමාත්යාංශ සහ අනෙකුත් ආයතන සඳහා අවශ්ය වාහන ආනයනය කිරීම ආරම්භ වන්නේ ලබන වසරේ පුද්ගලික වාහන ආනයනය කිරීම සඳහා පනවා ඇති තහනම ඉවත් කිරීමෙන් පසුව බවද ආරංචි මාර්ග ප්රකාශ කළේය.
මීට පෙර විද්යුත් වාහන සහ පුද්ගලික මෝටර් රථ ආනයනය කිරීම සඳහා මෙම වසර අවසානයේ සිට අවසර ලබා දීමට රජය සැලැසුම් කර තිබිණි. නමුත් මෙයද ලබන වසර දක්වා ප්රමාද කිරීමට රජය තීරණය කර ඇතැයි ආරංචි මාර්ග පැවැසුවේය. ආනයනය කරනු ලබන පුද්ගලික වාහන වලින් වැඩිම ප්රමාණය ත්රී රෝද රථ සහ යතුරු පැදි වේ. ඒ හේතුවෙන් පුද්ගලික වාහන ආනයනය ඉවත් කිරීම ලබන වසරේ මැයි හෝ ජූනි දක්වා ප්රමාද වනු ඇතැයි ආරංචි මාර්ග ප්රකාශ කළේය.
600 සීසී සිට 800 සීසී දක්වා කාණ්ඩයට අයත් මෝටර් රථ පාලනයක් සහිතව ආනයනය කිරීමට රජය අවසර ලබා දෙනු ඇති බවත් මුල් අදියරේදී බලයලත් නියෝජිතයන්ට සහ මව් සමාගම්වලට ඒ සඳහා අවසර ලැබෙනු ඇති බවත් ආරංචි මාර්ග පැවැසුවේය.
වාහන ආනයනය ලබන වසරේ ආරම්භ වූ පසු වාහන අමතර කොටස් ආනයනය කර මෙරටදී වාහන එකලස් කරන සමාගම් සඳහා රජය ප්රමුඛතාව ලබා දෙනු ඇති බවද ආරංචි මාර්ග ප්රකාශ කළේය.
වාහන ආනයනය කිරීම සඳහා අවසර ලැබී නැති වෛද්යවරුන්ගේ සහ රජයේ ඉහළ නිලධාරීන්ගේ වාහන බලපත්ර සඳහා අවසර ලබාදීම තීරණය කරනු ලබන්නේද ලබන වසරේදී බව ආරංචි මාර්ග පැවැසුවේය. අවසරය ලබා ගැනීම සඳහා පෝලිමේ තිබෙන ආනයන බලපත්ර 10,000 සඳහා එකවර අවසර නොලැබෙනු ඇති බවද ආරංචි මාර්ග ප්රකාශ කළේය.
එසේම අනෙකුත් වාහනද පාලනයක් සහිතව ආනයනය කරනු ඇතැයිද ආරංචි මාර්ග පැවැසුවේය.
ජනාධිපති අනුර දිසානායක මහතා සහ මහ බැංකු අධිපති නන්දලාල් වීරසිංහ මහතා අතර රටේ ආර්ථික තත්ත්වය සම්බන්ධයෙන් විශේෂ සාකච්ඡාවක් ජනාධිපති කාර්යාලයේදී අද පස
පාර්ලිමේන්තුව ජනාධිපතිවරයා විසින් අද (24) මධ්යම රාත්රි 12.00 සිට විසුරුවා හරිනු ලැබීය.
රටේ පැවති දූෂිත, දුර්දාන්ත, අකාර්යක්ෂම හා අදූරදර්ශි රාජ්ය පාලනය වෙනුවට ගොඩනගන්නට බලාපොරොත්තු වූ රට පිලිබඳව තවමත් සිහින දකින බව ෆීල්ඩ් මාර්ෂල් සරත් ෆ
අනුරට රට කරගෙන යාමට හැකියාව තිබෙන බව හිටපු ජනාධිපති මහින්ද රාජපක්ෂ මහතා පැවසීය.
මෙවර පහ වසර ශිෂ්යත්ව විභාගයේ පළමු ප්රශ්න පත්රයේ ප්රශ්න තුනක් වට්ස්අප් මාර්ගයෙන් බෙදා හැරි බව කියන ශිෂ්යත්ව ගුරුවරයෙක් අද (24) අපරාධ පරීක්ෂණ දෙපාර
පියාගේ තුරුලේ නිදාගෙන සිටි 5 හැවිරිදි දැරියක් පැහැරගෙන ගොස් අපයෝජනය කිරීමට සූදානම් වෙද්දී මවගේ විමසිලිමත්භාවයත් සමග දැරිය අත්හැර දමා පලා ගොස් සිටියද
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
පෞද්ගලික වාහන ආනයන තහනම ඉවත් කිරීම කල් යයි
Giahn Sunday, 21 July 2024 02:14 PM
ජපානයේ කාර් එකක් ලංකාවට 10,00000 ගේන්න වැඩ පිළිවෙලක් හරි ගැසීම තමයි හොඳ. ත්රී වීල් එපා...
JanahithaMonday, 22 July 2024 01:18 AM
හා හා නොමිලේම ගෙනැල්ලා දේවි... ඩොලර් වැහි වැහැලා දැන් තියෙන්නේ...!
sugath Monday, 22 July 2024 03:26 AM
ගත්තු ණය ගෙවන්න ඩොලර් නැහැ. හැබැයි කාර් ගේන්ට ඩොලර් තියෙනවා...
Perera Monday, 22 July 2024 06:11 AM
ඒ වුණාට කතාව ආර්ථිකය ගොඩ දැම්මා කියලා...!
ජයනාත් Monday, 22 July 2024 06:33 AM
දැං කිවුවේ ආරංචි සුබයි කියලා . පච කෙලින කොට අහුවෙන්නේ නැති වෙන්න කියන්න ඕන .
sachith Monday, 22 July 2024 06:51 AM
මේක අලුත් දෙයක්ද කාලෙන් කාලේට වාහන සේල් කාරයෝ මේ වගේ පචයක් යවනවා... බයවෙලා විකුණන ටික අඩුවට ගන්නවා ඊට පස්සේ ඉතින් අබසරණයි වාහනයක් ගන්න ඉන්න මනුස්සයෙක්ට