පියුමි තවත් පැටලැවිල්ලක

(බිමල් ශ්‍යාමන් ජයසිංහ)

රුපියල් කෝටි හයකට අධික වටිනා කුශ් හා කොකේන් ගුවන් තැපැල් මගින් ආනයනය කිරීම සම්බන්ධයෙන් අත්අඩංගුවට ගත් කෝටිපති ව්‍යාපාරිකයාගේ නාවල දෙමහල් නිවසේ ගරාජයේ තිබී නිරූපණ ශිල්පිනි පියුමි හංසමාලි මහත්මියගේ නමට ලියාපදිංචි කරන ලද බී.එම්. ඩබ්ලිව්. වර්ගයේ සුඛෝපභෝගී මෝටර් රථයක් හමුවූ බව පොලිස් මත්ද්‍රව්‍ය නාශක කාර්යාංශය කියයි.

මෙම වසර මුලදී කුෂ්‍ මත්ද්‍රව්‍ය කිලෝ 5 ක් හා කොකේන් මත්ද්‍රව්‍ය ගෑම් 500 කූරියර් සේවා ආයතනයකට ගුවන් තැපැල් මගින් ආනයනය කර ලබා ගැනීම සඳහා වෙනත් පුද්ගලයකු යොමු කර තිබූ සැකකාර කෝටිපති ව්‍යාපාරිකයා පොලිසිය මගහරිමින් කාලයක් තිස්සේ සැඟව සිටියදී ඔහු අත්අඩංගුවට ගැනීම සඳහා විමර්ශන ක්‍රියාත්මක කර තිබිණි.

මරදාන ප්‍රදේශයේ ප්‍රධාන පෙළේ වාහන අමතර කොටස් ගෙන්වන ආයතනයක හිමිකරු වන සැකකරු සම්බන්ධයෙන් පොලිස් මත්ද්‍රව්‍ය නාශක කාර්යාංශයේ බුද්ධි අංශයේ ස්ථානාධිපති පොලිස් පරීක්ෂක පැතුම් කුමාර මහතා ඇතුළු කණ්ඩායමක් සිදු කළ දීර්ඝ විමර්ශනයක ප්‍රතිඵලයක් ලෙස ලද තොරතුරු අනුව සැකකරු නාරහේන්පිට ප්‍රදේශයේ පුද්ගලික රෝහලක සිට පිටතට පැමිණෙමින් සිටියදී විමර්ශන අංශයේ උප පොලිස් පරීක්ෂක සිරිවංශ මහතා ඇතුළු නිලධාරීන් පිරිසක් අත්අඩංගුවට ගෙන තිබිණි.

සැකකරු මෙම වසර මුලදී නාවල කොස්වත්ත ප්‍රදේශයේ සුපිරි නිවසක කුලී පදනම මත පදිංචිව සිටියදී මත්ද්‍රව්‍ය තොගය පොලිස් මත්ද්‍රව්‍ය නාශක කාර්යාංශය මගින් අත්අඩංගුවට ගැනීමත් සමගම එම නිවස අත්හැර දමා නාවල පාසල් මාවත ආසන්නේ සුපිරි නිවසකට පදිංචිය මාරු කර ඇති බව අනාවරණය වී යැයි පොලිසිය කියයි.

අදහස් (14)

පියුමි තවත් පැටලැවිල්ලක

Achini Friday, 05 July 2024 10:14 PM

මෙතරම් මුදලක් උපයා ගැනීමට, සුඛෝපභෝගී ජීවිතයක් ගත කිරීමට යමක් තිබිය යුතුය. අපිත් අවුරුදු ගාණක් උපයනවා ඒත් තාම වාහනයක් ගන්න බැරි වුණා

: 0 18

සමන් Friday, 05 July 2024 10:22 PM

පියුමිගේ ඔක්කොම කුඩු සල්ලි තමයි

: 1 15

Bandula Friday, 05 July 2024 10:22 PM

මුන් ඔක්කොම එකතු වෙලා රට කනව හොර හැත්ත

: 0 18

රංබොඩ Friday, 05 July 2024 11:30 PM

කුරා කූඹියෙකු හෝ අමාරුවේ වැටෙනවා දැක සතුටුවීමේ හදවතක් අප සතුව නැත. වැරැදි මාර්ග වලින් ආදායම් උපයා සැප, සතුට භුක්ති විඳිය හැක්කේ ඉතා කෙටි කාලයකි. සාධාරණව ජීවත් වෙමින් උපන් රටටත් සමාජයට හානියක් නොකර සිටී නම් සතුට හැමදා රැකේවි.

: 0 20

Tom Saturday, 06 July 2024 08:21 AM

මේවාට රැවටෙන්න එපා. ආණ්ඩුව මේ කරන්නේ එයාලගේ මාධ්‍ය පාවිච්චි කරලා news මවන්න. රටේ ඇත්ත ප්‍රශ්න යට ගහන්න.

: 24 19

MO77 Saturday, 06 July 2024 08:48 AM

ව්‍යාපාරිකයාගේ නම හෙළි කරන්නේ නැද්ද?

: 1 27

de silva berlin Saturday, 06 July 2024 11:40 AM

පියුමිගේ මොනවා මොනවා හරි හොර ජාවාරම්, කලුසල්ලි ආදායම් මාර්ග තිබෙනවා.. නැතිනම් මේ විදිහට කෙටි කාලයක් තුළදී ලංකාවේ ක්‍රීම් වර්ග සහ රූපලාවණ්‍ය දේවල් විකුණලා ප්‍රකෝටි ගණන් හොයන්න බැහැ. මේවා සත්‍යනම් දිගුකලක් (උදාහරණ ජනෙට් වසර 30-40) මෙවැනි රූපලාවන්‍ය ව්‍යාපාර කරන පුද්ගලයින්ට සහ ක්‍රීම් වර්ග තොග වශයෙන් ලංකාවට ගෙන්වන පිටකොටුවේ මුදලාලිලාට අර ඩඩ්ලි සිරිසේනලාට, ධම්මික පෙරේරාට වගේ සල්ලි තිබෙන්න ඕනේ.. මේ වාහන දෙකේ වටිනාකම පමණක් රුපියල් කොටි 10-14 අතර වෙනවා .. සමාජයේ ඉහලින් වැජඹෙන රෙන්ජ්රෝවර් වලින් යන එන නළු නිලියෝ , ක්‍රිකට් ක්‍රීඩකයන්ගේ දේපළ ගැනත් සොයලා බලන්න ඕනේ... මේ ගොල්ලන් මේවා මිලදී ගෙන තිබෙන්නේ නීත්‍යානුකූලවද, එහෙම නැතිනම් අල්ලස් අරන්ද, මේ ගොල්ලන් නිසි ලෙස ආදායම් බදු ගෙවනවාද කියලා..!

: 1 45

ALWAYS BREAK DOWN Saturday, 06 July 2024 11:59 AM

එලිවන ජාමෙට හොඳ හොඳ සෙල්ලම් බලාගන්න පුළුවනි..

: 1 23

Ajith Saturday, 06 July 2024 01:19 PM

වෙන රටවල් වල හැම ආදායම් විස්තරයක්ම අඩු ගානේ මාසයකට වතාවක්වත් රජයට යනවා. ඊට අමතරව ගිණුම් වල ශේෂය අසාමන්‍ය ලෙස ඉහළ ගියහොත් රජය ඒ පුද්ගලයින්ගෙන් ප්‍රශ්න කරනවා. ලංකාවේ කව්රු හරි පැමිණිලි කරනකන් රජයවත්, අරක්ෂක අංශවත් දන්නේ නෑ. හරි ක්‍රම වේදයක් තියනවා නම් අයුතු ක්‍රියාකාරකම් කල්තියා දැනගන්න පුළුවන්...

: 1 30

de silva berlin Saturday, 06 July 2024 02:38 PM

ලංකාවේ මුලින්ම කරන්නේ හොරකම් ගැන පැමිණිලි කරන සංජය මහවත්ත වැනි මිනිස්සු රිමාන්ඩ් කරන එක...

: 1 13

අමල් Saturday, 06 July 2024 04:40 PM

දැන් හරි හරියට පියුමි හංසමාලි එක්ක හිටපු අය, මේක බොරුවක්, දේශපාලන පලිගැනීමක්, ඉරිසියාවට කරන දෙයක් කියන්නකෝ.. !

: 0 11

Lakvidu Saturday, 06 July 2024 05:16 PM

බලන ශෝ එකක් දැන්ම බලාගනිල්ලා! චන්දෙ ඉවරඋනු ගමන් ශෝ එක ඉවරයි !!!!!!

: 2 10

අරවින්ද මොනරවිල Saturday, 06 July 2024 06:42 PM

පියුමි ගොඩක් දේවල් වලට පැටලිලා වගේ, මොනවා වුණත් තව මාස දෙක තුනයි තියෙන්නේ, ඊට පස්සේ ඇත්ත කතන්දරේ එළියට එයි.

: 1 11

Ruwan De Silva Saturday, 06 July 2024 07:12 PM

ලංකාවේ අපි දන්නවා ඉන්දීයාවේ ශාරුක් ඛාන්ගේ වත්කම්, ඇමරිකාවේ එලොන් මස්ගේ වත්කම් හැබැයි අපි දන්නේ නෑ ලංකාවේ ව්‍යාපාරිකයව්ගේ, නළු නිළියෝන්ගේ වත්කම්

: 1 10

ඔබේ අදහස් එවන්න

දියත

ගම්පහ නාඩු පාලන මිල පැනලා

2024 නොවැම්බර් මස 23 421 0

ගම්පහ ප්‍රදේශයේ නාඩු අලෙවිය සඳහා පවතින මුත් පාලන මිලට ලබා ගැනීමේ හැකියාවක් නොමැති බව පාරිභෝගික ජනතාව පෙන්වා දෙති.

බස්නාහිර,සබරගමුව,මධ්‍යම සහ දකුණට තද වැසි

2024 නොවැම්බර් මස 23 394 0

උතුරු, උතුරු - මැද සහ නැගෙනහිර පළාත්වල විටින් විට වැසි හෝ ගිගුරුම් සහිත වැසි ඇතිවන බව කාලගුණ විද්‍යා දෙපාර්තමේන්තුව කියයි.

ඉකුත් පාලනය රටවිරු වාහනයටත් විදලා

2024 නොවැම්බර් මස 22 2493 0

විදෙස් ගත ශ්‍රමිකයන්ට (රට විරුවන්ට) විද්‍යුත් වාහන ගෙන්වීමට ලබා දී තිබූ බලපත්‍ර දහසකට අධික සංඛ්‍යාවක් පසුගිය කාලයේදී අවභාවිත කර ඇතැයි ජාතික විගණන ක

නීතීපතිවරයාගේ ස්ථාවරය පිළිබඳ වැලිසර මහෙස්ත්‍රාත් විමතිය පළ කරයි

2024 නොවැම්බර් මස 22 2655 0

‘කොවිඩ්’ පරීක්‍ෂණ සිදුකරන ලෙස හා ‘කොරෝනා’ ආසාධනය වු රැඳවියන්ට ප්‍රතිකාර ලබාදෙන ලෙස ඉල්ලා මහර බන්ධනාගාරයේ රඳවා සිටි රැඳවියන් කළ විරෝධතාවයකදී වෙඩි තබ

චීනයේ කර්මාන්ත ශාලාවක රොබෝ කැරැල්ලක්

2024 නොවැම්බර් මස 22 3636 0

චීනයේ ෂැන්හායි නගරයේ ප්‍රදර්ශනාගාරයක සේවය කළ රොබෝ යන්ත්‍රවලට වෘත්තීය සමිති නායකයකු වූ කෘතීම බුද්ධියෙන් බල ගැන්වුණු එර්බායි නැමැති කුඩා රෝබෝ යන්ත්‍

ලොව උසම කත සහ මිටිම කත හමු වී

2024 නොවැම්බර් මස 22 2725 0

මෙම වසරේ ගිනස් ලෝක වාර්තා දිනය සැමරීම සඳහා ලොව උසම කාන්තාව සහ ලොව මිටිම කාන්තාව ලන්ඩනයේ සැවෝයි හෝටලයේදී පසුගියදා තේ පැන් සංග්‍රහයක් සඳහා මුණ ගැසුණාය.