(ප්‍රියන්ත දසනායක)

යතුරුපැදියකින් ගමන් කරමින් සිටි පියට සහ පුතාට එල්ල කළ වෙඩි ප්‍රහාරයකින් පියා මියගොස් පුතා තුවාල ලබා ඇතැයි පොලිසිය කියයි.

වැලිගම - අකුරැස්ස මාර්ගයේ පිටදෙණියේදී මෙම වෙඩි ප්‍රහාරය එල්ල වි ඇත.

ඔවුන් ගමන් ගත් යතුරුපැදිය පිටුපසින් හඹා ආ නාදුනන තුවක්කුකරුවකු වෙඩි ප්‍රහාරය එල්ල කොට පළා ගොස් ඇත.

වෙඩි වැදීමෙන් පියා එම ස්ථානයේදීම මිය ගොස් ඇත.

එසේ මියගොස් ඇත්තේ කමල් චමින්ද නැමැත්තෙකි ඔහුගේ දේහය මාතර මහ රෝහලේ තැන්පත් කර ඇත.

මියගිය පියා සමග පැමිණි පුතු යතුරුපැදියෙන් පැන දිව යද්දී ඔහුට ද වෙඩි ප්‍රහාරයක් එල්ල කර ඇති අතර එම වෙඩි ප්‍රහාරයෙන් බරපතළ තුවාල ලබා අසාධ්‍ය තත්ත්වයෙන් මාතර මහ රෝහල  ඇතුළත් කර ඇත. වැලිගම පොලීසිය පරීක්ෂණ පවත්වති.