(උපාලි ආනන්ද)
මිහින්තලේ ප්රදේශයේ ජල ව්යාපෘතියක් විවෘත කිරීම සදහා ජනාධිපතිවරයා මේ මස 15 දින පැමිණෙන බැවින් එම අවස්ථාවේ ගොවීන් පිරිසක් සංවිධානය කර ඇති විරෝධතාව වලක්වාලමින් තහනම් නියෝගයක් නිකුත් කරන ලෙස මිහින්තලේ පොලිස් ස්ථානාධිපති රංජිත් චන්ද්රසිරි මහතා අනුරාධපුර අධිකරණයෙන් කළ ඉල්ලීමක් අතිරේක මහේස්ත්රත් රුද්රිකා ද සිල්වා හේවාවසම් මහත්මිය අද තරයේ ප්රතික්ෂේප කළාය.
මිහින්තලේ පොලිසිය අධිකරණයට කරුණු දක්වමින් කියා සිටියේ ජල ව්යාපෘතියක් විවෘත කිරීම සදහා ජනාධිපතිවරයා මිහින්තලේ ප්රදේශයට පැමිණිමට නියමිතව ඇති බවයි.
ජනාධිපතිවරයා එලෙස පැමිණෙන අවස්ථාවේ ගොවීන් පිරිසක් මිහින්තලේදී විරෝධතාවයක් පැවැත්වීමට සංවිධානය කර ඇති බවද අධිකරණයට කියා සිටි පොලිසිය එළෙස ජනාධිපතිවරයා පැමිණෙන අවස්ථාවේ විරෝධතාවයක් පැවැතිය හොත් ජනාධිපතිවරයා ඇතුළු ප්රභූවරුන්ගේ ආරක්ෂාවට තර්ජනයක් විය හැකි බව කීවේය
මෙම ජල ව්යාපෘතිය විවෘත කිරීමේ අවස්ථාවට ජපන් නියෝජිත පිරිසක් සහ තවත් ප්රභූන් රැසක් එක්වීමට නියමිත බවද අධිකරණයට සැළකල පොලිසිය එම අවස්ථාවේ විරෝධතා ෙපැවතිය හොත් ජාත්යාන්තරය ඉදිරියේ ශ්රි ලංකාව අපකීර්තියට පත් වන බව ද පොලිසිය අධිකරණය හමුවේ කරුණු දක්වමින් සඳහන් කළේය
විරෝධතාවක් පැවැතියහොත් යාපනය මහනුවර ප්රධාන මාර්ගයේ වාහන ගමනා ගමනයට දැඩි ලෙස බාධා එල්ල වන බවත් සැළ කර සිටියේය
මෙම කරුණ සැළකිල්ලට ගෙන අදාළ විරෝධතා පැවැත්වීම වළකාලමින් අපරාධ නඩු විධාන සංග්රහයේ 106 වන වගන්තිය ප්රකාරව තහනම් නියෝගයක් නිකුත් කරන්නැයිද පොලිසිය අධිකරණයෙන් අයැද සිටියේය.
මෙහිදි මිහින්තලේ ජනතාවගේ අයිතිවාසිකම් වෙනුවෙන් පෙනී සිටි නීතිඥ භාග්ය ශ්රි හේරත් මහතා අධිකරණයට කරුණු දක්වමින් පැවසුවේ ශ්රි ලංකාව මේ වන විටත් ජාත්යාන්තරය ඉදිරියේ අපකීර්තියට පත්ව ඇති බවයි.
මිහින්තලේ පොලිසිය ප්රභූවරුන් යැයි හඳුන්වන පිරිස් ඊට වගකිව යුතු බවද නීතිඥවරයා කීවේය.
විරෝධතා පැවැත්වීමට ආන්ඩුක්රම ව්යාවස්ථාවෙන් මහජනතාවට හිමිකර දී ඇති අයිතිය අහුරා දැමීමේ අරමුණින් පොලිසිය කරන අනීතික ඉල්ලීම ප්රතික්ෂේප කරන්නැයිද නීතිඥ භාග්ය ශ්රි හේරත් මහතා අධිකරණයෙන් ඉල්ලා සිටියේය.
දෙපාර්ශවයේ කරුණු දැක්වීම් සැළකිල්ලට ගත් අතිරේක මහේස්ත්රාත් රුද්රිකා ද සිල්වා හේවාවසම් මහත්මිය එම ඉල්ලීම තරයේ ප්රතික්ෂේප කළාය.
උතුරු, නැගෙනහිර සහ ඌව පළාත්වල ස්ථාන ස්වල්පයක සවස් කාලයේදී හෝ රාත්රී කාලයේදී වැසි හෝ ගිගුරුම් සහිත වැසි ඇතිවේ.
ලෙබනනයේ බේරූට් අගනුවර, ‘රෆික් හරීරි’ ජාත්යන්තර ගුවන්තොටුපොළ අසල හිස්බුල්ලා ඉලක්කවලට ඊශ්රායල ගුවන් හමුදාව එල්ල කළ ප්රහාරවලින් 37 දෙනකු මියගිය බවත්
පරිපාලන වියදම් අවම කිරීමේ අරමුණින්, පකිස්තාන රජය, ජාත්යන්තර මූල්ය අරමුදලේ ඩොලර් බිලියන 7ක ණය ගනුදෙනුව යටතේ එකඟ වූ ප්රතිසංස්කරණවලට අනුව, රජයේ තනතුරු
නිවෙසක් නොමැතිකම හේතුවෙන් වන අලින්ගෙන් තම ජීවිත බේරා ගැනීමට කාලයක සිට ගසක් උඩ ඉදි කළ පැලක වාසය කරමින් ඉතා දුෂ්කර ජීවිතයක් ගත කරන දරු පවුලක් පිළිබඳව අන
ශ්රී ලංකා රජයේ සංවර්ධන ව්යාපෘති සඳහා මූල්ය සහාය ලබාදීමට කොරියානු එක්සීම් බැංකුව එකඟතාවය පළ කර තිබේ.
බොහෝ හිටපු ඇමතිවරුන්ගේ කොළඹ බංගලාවල ආයතන රැසකට අයත් බඩුමුට්ටුවලින් පිරී තිබී සොයාගෙන ඇතැයි රාජ්ය පරිපාලන ස්වදේශ කටයුතු අධිකරණ පළාත් සභා පළාත් පාලන
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
පොලිසිය ඉල්ලූ තහනම් නියෝගය අධිකරණය විසි කරයි
ජගත් ලියනගේ Tuesday, 13 February 2024 08:12 AM
ජයවේවා ! ඉස්සර වගේ දැන් සෙල්ලම් කරන්න බැහැ .
Bamunuarachchi Tuesday, 13 February 2024 09:11 AM
ඔය වක්රව කියන්නේ ගහපිය වතුර කියලා. ඔය ජේවීපී අමුඩ කල්ලිය. ගහන්න වතුර.
Lal Tuesday, 13 February 2024 11:56 AM
පිං පඩි කාලකන්නි ජෙප්පෝ ...