පොහොර හොරා කෑ සමාගම් පහක ලොක්කන්ට වැඩ වරදී

(බිමල් ශ්‍යාමන් ජයසිංහ)

ගොවීන්ට සහනාධාර පොහොර වශයෙන් ආනයනය කරන ලද යුරියා පොහොර ගොවීන් වෙත ලබා නොදී රුපියල් කෝටි 100 කට අධික මුදලක් වංචා කිරීම සම්බන්ධයෙන් ප්‍රධාන පෙළේ පොහොර සමාගම් කීපයක ප්‍රධාන තනතුරු දරන්නන් 10 දෙනකු පමණ තව දින කීපයක් තුළදී අත්අඩංගුවට ගැනීමට රහස් පොලිසිය මගින් යුහුසුළුව කටයුතු කරනු ඇතැයි ජාතික පොහොර ලේකම් කාර්යාල අභ්‍යන්තර ආරංචි මාර්ග සඳහන් කරයි.

එම අත්අඩංගුවට පත්වන පුද්ගලයන් අතර කාන්තාවන්ද සිටින බව දැනගන්නට ඇත.

ප්‍රධාන පෙළේ සමාගම් පහක ප්‍රධාන තනතුරු දරන්නන් ද ඒ අතර සිටින බව දැනගන්නට ඇත.

2018 වසරේ සිට ගොවීන්ට ලබා දීමට නියමිතව තිබූ සහනාධාර පොහොර ගොවීන් වෙත ලබා නොදී විවිධ වංචනික ක්‍රම මගින් වැඩි මිලට හොරණ, කෑගල්ල හා මාදම්පේ ප්‍රදේශවල පිහිටා තිබෙන ප්‍රධාන පෙළේ කර්මාන්ත අංශයේ සමාගම් වෙත ලබා දී ඇති බව මේ වනවිට අනාවරණය වී ඇති බව පොහොර ලේකම් කාර්යාල අභ්‍යන්තර ආරංචි මාර්ග කියයි.

යූරියා පොහොර මිටියක් රුපියල් 2500/= ආනයනය කර ගොවීන් වෙත පොහොර සහනාධාරය ලබාදීමේ වැඩසටහන යටතේ රුපියල් 1100/= මිලකට ලබාදිය යුතුව වුවත් එම පොහොර ගොවීන් වෙත ලබා නොදී රුපියල් 3500/= අධික මිලකට කූට ලේඛන සකසා අලෙවි කර රජයේ මුදල් අවභාවිතා කිරීම සම්බන්ධයෙන් රහස් පොලිසියට ලද පැමිණිල්ලකට අනුව මූල්‍ය අපරාධ විමර්ශන අංශය විමර්ශන කරන බව එම ආරංචි මාර්ග සඳහන් කරයි.

මෙම පොහොර මෙරටට ආනයනය කර ඇත්තේ ජාතික පොහොර ලේකම් කාර්යාලයේ බලපත්‍ර ලබා ගත් පොහොර සමාගම් 18ක් මගිනි.

අදහස් (8)

පොහොර හොරා කෑ සමාගම් පහක ලොක්කන්ට වැඩ වරදී

chandima Tuesday, 13 February 2024 10:21 PM

රටම හොරා කාපු උන්ට මහ බැංකුව හොරාකාපු උන්ට මොනවත්ම ප්‍රශ්නයක් නැතිද ?රටගිය මිනිස්සු සල්ලි එවලා ආර්ථිකය ගොඩ ඇවිත් ආයෙත් හොරා කෑමට කල් එළඹෙනතුරු චිරාත් කාලයක් යෙහෙන් වැජඹේවා

: 6 21

Perera Wednesday, 14 February 2024 03:32 AM

අර අසූචි නැවක් එහෙම් පිටින්ම ගිලිලා රටටම වංචා කරපු තොල්බරියා ඕකුන් අතරේ ඉන්නවද ?

: 2 27

අප්පුහාමි Wednesday, 14 February 2024 05:57 AM

රහස් පොලිසිය අල්ලගන්න කලින් පත්තරේට නිවුස් එක දීල අල්ලනවා කියලා. රට පනින්න කල් දෙන්න එපැයි පුතා

: 3 25

පිටරටවැසියා Wednesday, 14 February 2024 10:09 AM

චීන අසුචි පොහොර ගෙන්නපු, රටේ ජනතාවගේ බදු මුදලින් ඩොලර් මිලියන 6.7 ක් ගිලපු රාජ්‍ය ඇමතිට සහ නිලධාරීන්ට වැඩ වරදින්නේ කවදාද ???

: 3 28

fairoos Wednesday, 14 February 2024 11:59 AM

රට මේ තත්වයට පත්කරපු කාලකණ්ණින්ට නම් හොඳක් සිද්ද වෙන්නේ නැහැ...

: 2 14

නිහාල් Wednesday, 14 February 2024 12:56 PM

ඉක්මණින් විදේශගතවන ලෙස ලබා දෙන ඉඟියයි මේ...!

: 3 18

ගමේ එකාලා Wednesday, 14 February 2024 08:41 PM

රටේ නායකයා අවතැන් වූ අසරණයන්ට ලැබුණු සුනාමි ආධාරත් හොරාකාපු දූෂිතයෙක් නම් අනික් අය ගැන කවර කතාද ?.

: 0 0

Bunny Preena Thursday, 15 February 2024 08:52 AM

මට කියන්න තියෙන්නේ හොරා කාපු එවුන් සහ උන්ගේ පවුල් වල එවුන් හැඳි ගෑවිලාම පලයන් කියලයි

: 0 1

ඔබේ අදහස් එවන්න

දියත

වැස්ස

2024 නොවැම්බර් මස 27 5 0

පවතින අධික වැසි හේතුවෙන් වැව් විශාල ප්‍රමාණයක් වාන් දමමින් පවතින අතර ප්‍රධාන ජලාශ බොහෝමයකද වාන් දොරටු හැර තිබේ.

බී ලූනූ සොරාගත් ලොරි රියදුරු- සහායක ඇතුළු 12ක් මාට්ටු

2024 නොවැම්බර් මස 27 366 0

ලොරියකින් ප්‍රවාහනය කරමින් තිබූ රුපියල් ලක්ෂ 6 කට ආසන්න වටිනා බී ලූනූ තොගයක් සොරාගත් එම ලොරියේ රියදුරු , සහයකයා ඇතුළු 12 දෙනෙකු ඊයේ (26) අත්අඩංගුවට ගත් බව ප

බෝවතැන්න ගලයි:ගම් තුනක් තනිවෙයි

2024 නොවැම්බර් මස 27 496 0

නාවුල බෝවතැන්න ජලාශයේ වාන්දොරටු හයක් අඩි දෙක බැගින් විවෘත කිරීම හේතුවෙන් අඹන් ගඟ දෙපස ගම්මාන 09 ක ජනතාවට දින දෙකක සිට ගමනා ගමන කටයුතු සහ ගමෙන් පිටවීමට න

බඹරු ඇන 18 ක් රෝහලේ

2024 නොවැම්බර් මස 27 97 0

කිතුල් ගසක බැද තිබූ බඹර කූඩුවකට උකුස්සෙකු පහරදීම හේතුවෙන් කුඩුව ඇවිස්සීමෙන් පසු බඹර ප්‍රහාරයට ලක්ව පුද්ගලයන් 18 දෙනෙකු පමණ තුවාල ලබා පිඹුර රෝහලට ඇතුළු

‘ග්ලේන්ෆෝල්‘ ඇල්ල නාය යයි

2024 නොවැම්බර් මස 27 1097 0

පවතින අධික වර්ෂාව හේතුවෙන් නුවරඑළිය නගරය සමීපයේ පිහිටි ග්ලේන්ෆෝල් දියඇල්ලේ පහළ ප්‍රදේශයේ කොටසක් නායයෑමකට ලක්ව තිබේ.

ජලාශ බාර නිලධරයන්ගේ නිවාඩු අවලංගු කරයි

2024 නොවැම්බර් මස 27 424 0

වාරිමාර්ග දෙපාර්තමේන්තුවේ හා මහවැලි අධිකාරියේ ජලාශ භාර ඉන්ජිනේරුවරුන් හා තාක්ෂණික නිලධාරීන් තම සේවා ස්ථානවල රැඳී සිටිය යුතු බව කෘෂිකර්ම, පශු සම්පත්,