2024 නොවැම්බර් මස 18 වන සඳුදා
(ඩයනා උදයංගනී)
පාසල්වල පළමු ශ්‍රේණියට දරුවන් ඇතුළු කිරීමේදී පදිංචිය සහතික කිරීම සඳහා ඔප්පුවක් නොමැති අවස්ථාවලදී වසර පහක් අඛණ්ඩව ඡන්ද නාමලේඛනයේ නම සඳහන් වීමත්, ප්‍රදේශයේ ග්‍රාම සේවක ඇතුළු අදාළ බලධාරීන් විසින් පදිංචිය තහවුරු කිරීමත් ප්‍රමාණවත් බවට අමාත්‍ය මණ්ඩලය තීරණය කර තිබේ.
පළමු ශ්‍රේණියට දරුවන් ඇතුළු කිරීමේදී ඔප්පුවක් ඉදිරිපත් කළහොත් ලකුණු 20ක් ලබාදෙන බවත්, එසේ ඔප්පු නොමැති වීමෙන් පාසලට ඉතා ආසන්නයේ පදිංචි දරුවන්ට පවා පාසල අහිමි වන බවටත් අධ්‍යාපන අමාත්‍ය ජී.එල්. පීරිස් මහතා අමාත්‍ය මණ්ඩලයට ඉදිරිපත් කළ කරුණු සැලකිල්ලට ගෙන අමාත්‍ය මණ්ඩලය මෙම තීරණය ගත් බව කැබිනට් ප්‍රකාශක, ජනමාධ්‍ය අමාත්‍ය කෙහෙළිය රඹුක්වැල්ල මහතා ඊයේ (29) පැවැසීය.
එබැවින් නිශ්චිත ඔප්පු නැති අය වෙනුවෙන් මෙම නීතිය ඇතුළත් චක්‍රලේඛය ඉදිරියේදී නිකුත් කෙරෙනු ඇතැයි ද ඇමැතිවරයා සඳහන් කළේය.
අමාත්‍යවරයා මේ බව පැවැසුවේ රජයේ ප්‍රවෘත්ති දෙපාර්තමේන්තුවේ දී ඊයේ (29) පැවැති කැබිනට් තීරණ දැනුම්දීමේ මාධ්‍ය හමුවේදී අදහස් දක්වමිනි.
මීට අමතරව ඉදිරියේදී පාසල් දරුවන්ගේ නිල ඇඳුම් වවුචර වෙනුවට මෙරට නිෂ්පාදිත රෙදි ලබාදීමට අමාත්‍ය මණ්ඩල අනුමැතිය හිමි වූ බව ද කැබිනට් ප්‍රකාශකවරයා කීවේය.
ඒ අනුව ලබන වසරේ සිට පාසල් දරුවන් ශ්‍රේණි අනුව කාණ්ඩ 6කට බෙදා රෙදි ලබාදීමට පියවර ගෙන ඇතැයි ද ඇමැති කෙහෙළිය රඹුක්වැල්ල මහතා පැවැසීය.
එලෙස කාණ්ඩ 6කට බෙදා රෙදි කැපීමේදී විශාල රෙදි ඉතුරුවක් සිදුවන බව ද ඇමැතිවරයා සඳහන් කළේය.
දේශීය රෙදි නිෂ්පාදකයන් එම රෙදි නිපදවීම ආරම්භ කර ඇති අතර ලබන ජනවාරි අවසානය වනවිට පාසල් දරුවන්ට නිල ඇඳුම් රෙදි ලබාදීමට හැකිවනු ඇතැයි ද ඇමැතිවරයා කීවේය.
පරාජයට පත් වූ මන්ත්‍රීවරුන් 30 දෙනෙකු මාදිවෙල මන්ත්‍රී නිල නිවාස වලින් පිටව ගිය බව පාර්ලිමේන්තු ආරංචි මාර්ග සඳහන් කළේය.
නව ප්‍රජාතන්ත්‍රවාදී පෙරමුණේ ජාතික ලැයිස්තු මන්ත්‍රීවරයෙක් ලෙස රවී කරුණානායක මහතාගේ නම සඳහන් කරමින් ගැසට් නිවේදනයක් නිකුත් කර තිබේ.
එක්සත් ජාතික පක්ෂයේ කිසිදු අනු දැනුමකින් තොරව නව ප්‍රජාතන්ත්‍රවාදී පෙරමුණට හිමි ජාතික ලැයිස්තු මන්ත්‍රී ධුරයක් සඳහා රවී කරුණානායක මහතාගේ නම මැතිවර
බාල වයස්කාර පාසල් සිසුවියන් දෙදෙනෙකුට ලිංගික අතවර කිරිම සම්බන්ධයෙන් ඇල්පිටිය කොට්ඨාසයේ පාසලක ගුරුවරයෙක් අද සවස අත්අඩංගුවට ගත් බව ගාලු දිසා බාර නියෝ
ජාත්‍යන්තර මූල්‍ය අරමුදල විසින් ක්‍රියාත්මක කෙරෙන වැඩසටහනේ ඉදිරි පියවර පිළිබඳව සාකච්ඡා කිරීම සඳහා එහි ජ්‍යෙෂ්ඨ දූත මණ්ඩල ප්‍රධානී පීටර් බෲවර් මහතා
හිටපු නියෝජ්‍ය ඇමතිවරයකු වන චන්දන කත්‍රිආරච්චි මහතා නව ප්‍රජාතන්ත්‍රවාදී පෙරමුණ පක්ෂයෙන් ජාතික ලැයිස්තු මන්ත්‍රී ධූරයකට පත් කරන්නැයි ඉල්ලමින්
2024 නොවැම්බර් මස 05
368
0
වසර විසිපහක විශිෂ්ට ඉතිහාසයක් සහිත BMS කැම්පස් ආයතනය නවෝත්පාදනයන් පෝෂණය කරමින් අනාගත නායකයින් නිර්මාණය කරමින් සහ හැඩගස්වමින් විශිෂ්ට ආයතනයක් බවට මේ ව
2024 ඔක්තෝබර් මස 18
641
0
සියපත ෆිනෑන්ස් පීඑල්සී දීප ව්‍යාප්ත ශාඛා ජාලයේ 51 වැනි ශාඛාව කලූතර දිස්ත‍්‍රික්කයේ අර්ධ නාගරික ජනාකීර්ණ නගරයක් වූ මතුගම නගරයේදී පසුගියදා විවෘත කෙරිණ.
ඔබ භාවිත කරනුයේ කුඩා යතුරු පැදියක් හෝ අධි සුඛෝපභෝගී මෝටර් රියක් හෝ වේවා එහි බැටරියට හිමිවනුයේ ප‍්‍රධාන අංගයකි. වාහනයක් කරදර වලින් තොරව සිත්සේ භාවිත කර
පළමු ශ්‍රේණියට දරුවන් ඇතුළු කිරීමේදී ඔප්පුවේ බර ලිහිල් කරයි
sharm warn Wednesday, 30 September 2020 06:43 AM
අනේ ළමයින්ට ඉගෙන ගන්න දෙන්න. අපිට ඕනෑ කුඩු විකුණන අයගේ ගෝලයෝ හදන්න නෙමෙයි. කාලකණ්ණි දේශපාලකයින්ගේ පස්සෙන් යන ඇම්බැට්ටයෝ හදන්නත් නෙමෙයි. රටට සෙතක් කරන්න පුළුවන් පරපුරක් හදන්න.
ලලිත් ජයවර - අම්බලන්ගොඩ Wednesday, 30 September 2020 10:57 AM
එකෙන් නොවෙයි, වැඩේ පටන් ගන්නේ දෙකෙන්. දෙකේදී මේ මොකවත් ඕනෑ නැහැ. ලක්ෂයක්, දෙකක් දුන්නාම වැඩේ ගොඩයි. අම්බලන්ගොඩ කුලරත්න විදුහලේ බොහෝ පන්තිවල නාම ලේඛන දෙක දෙක තියෙනවා. නොදන්න කෙනෙක් නැහැ. වැඩේ යන්නේ සල්ලිවලට බව. ලේකම් සහ නිලධාරීන් අම්බලන්ගොඩ පැත්තේ ආවාම විදුහල්පති තමයි කන්න බොන්න දෙන්නේ. කලාප කාර්යාලයේ තියෙන හැම උත්සවයකටම වියදම් කරන්නේ විදුහල්පති. මෑතක් වෙනකම් පවත්වාගෙන ගිය නීති විරෝධි පන්ති පහෙන් වසරකට උපයා ගත් මුදල කෝටියකට වඩා වැඩියි. පරීක්ෂණයක් කරන්න. මම එන්නම් විමර්ශනය කරන හැටි කියලා දෙන්න. දකුණු පළාත් සභාවෙදි මේ ප්‍රශ්නේ ඇහුවාම අහපු මන්ත්‍රීන්ට මොනවද දීලා වැඩේ ෂේ්ප් කර ගත්තු බව කවුරුත් දන්නවා. ඇත්තටම විදුහල්පතිවරු බොහොමයක් ඉන්න ඕනෑ විදුහල්පති පුටුවේ නොවෙයි. හිර ගෙවල් වල. ඒත් එහෙම වෙන්නේ නැහැ. පව් පලිසන් දෙන්න.., තව පව් එකතු වුණාම. එක ගුරෙක් ඉන්නව නෝනට කාර් එකයි. එයාට කාර් එකයි. දරුවෝ ඇමරිකාවේ ඉගෙන ගන්නේ... දෙන්නා දෙපාරට තමයි දරුවො බලන්න යන්නේ. කාගෙද මේ සල්ලි? අර ළමයි පාසලට දාන්න ගන්න සල්ලි. මේවා මහ ඇමති නොදන්නවා නොවෙයි. හැම ඇමතිම දන්නවා. ඒ නිසා හොරුන්ට ඔප්පුව එච්චර කොක්කක් නොවෙයි. හැබැයි පලදෙනවා මයි. ටිකක් කල් යයි.
vikum Wednesday, 30 September 2020 03:17 PM
සියල්ල වාණිජකරණය හමුුවේ අධ්‍යාපනය පමණක් එසේ නොවේ යැයි කිව නොහැක, මාගේ විශ්වාසයට අනුව ජනප්‍රිය පාසැල්වලට ළමුන් ඇතුළත් කිරීමට ඒ ආසන්නයේ සිටින ළමුන්ට මූලික වශයෙන් අවස්ථාව ලබාදී යම් කෙනෙක් කැමති නම් සාධාරණ මුදලක් පාසලට ගෙවා ළමයෙක් ඇතුළත් කිරීමට අවස්ථාවක් ලැබිය යුතුයි. අධ්‍යාපනය නිදහස් නම් තමන් කැමති පාසලක ඉගෙන ගැනීමේ අයිතිය තිබිය යුතුයි. මොකද ලංකාවේ පැවති ක්‍රමයට අනුව පාසලේ නමත් එක් එක් අවස්ථා යටතේ එහි ලබන අධ්‍යාපනයට වඩා ඔහු හෝ ඇය ගිය පාසලට රැකියාව, දේශපාලනය ක්‍රීඩාව වැනි බොහෝ දේ තීරණය කරනු ඇත...
ලියන Thursday, 01 October 2020 04:26 AM
ඔප්පු බැලුවේ නැත්තම් නියමෙට තියේවි. ග්‍රාම සේවක අල්ලා ගන්න කෙනා ගොඩ.