පළා බබාලා නැතත් කෝටි 14,000ක් වැඩිපුර ගිලලා

(මුදිතා දයානන්ද)

පළාත් සභාවලට නියෝජිතයන් පත්ව නැති තත්වයක් තුළ වුවද පසුගිය වසරේ පළාත් සභාවල වියදම් සඳහා 2019 වසරට සාපේක්ෂව රුපියල් කෝටි 14,136 ක මුදලක් වැඩිපුර වැය කර ඇති බව මුදල් කොමිෂන් සභා වාර්තා පෙන්වා දෙයි.

පළාත් සභා නියෝජිතයන් සිටි 2019 වසරේදී පළාත් සභාවල වියදම් සඳහා රුපියල් කෝටි 30,129ක මුදලක් වැය කර ඇති අතර, පළාත් සභා නියෝජිතයන් නොමැති 2022 වසරේදී රුපියල් කෝටි 44,265ක මුදලක් නඩත්තු කිරීම සඳහා වැයකර ඇති බවද එම වාර්තාවල සඳහන් වේ.

මුදල් කොමිෂන් සභාවේ ලේකම් ඒ.ටී.එම්.යූ.ඩී.බී. තෙන්නකෝන් මහතා පවසන්නේ මහජන නියෝජිතයන් සහිතව පළාත් සභාව ක්‍රියාත්මක වූයේ නම් ඔවුන්ගේ නඩත්තුව වෙනුවෙන් වැය වන්නේ සමස්ත වියදමෙන් සියයට 0.003 ක පමණ මුදලක් බවය.

එය ඉතාමත් සුළු වියදමක් බව ද ඔහු පැවසීය.

පළාත් සභා සඳහා වෙන් කරන මුදල්වලින් වැඩිපුර මුදලක් වැය වන්නේ සේවක පඩිනඩි හා වෙනත් දීමනා ඇතුළු පුනරාවර්තන වියදම් සඳහා බවද, එය සාමාන්‍යයෙන් සෑම වසරකම කෝටි 35,000ත් 40,000ත් අතර වන බවද ඔහු පැවසීය.

එයින්ද වැඩිම මුදලක් වැය වන්නේ අධ්‍යාපනය හා සෞඛ්‍ය ක්ෂේත්‍රයේ වැටුප් හා දීමනා සඳහා බවද ඔහු කීය.

මුදල් කොමිෂන් සභා වාර්තාවලට අනුව අධ්‍යාපනය, සෞඛ්‍යය, ප්‍රවාහනය, ග්‍රාමීය සංවර්ධනය, අපද්‍රව්‍ය කළමනාකරණය ඇතුළු එක් එක් ක්ෂේත්‍රවල ව්‍යාපෘති හා සංවර්ධන කටයුතු වෙනුවෙන් වන ප්‍රාග්ධන වියදම් සාමාන්‍යයෙන් කෝටි 3,000ත් 4,000 ත් අතර පවතී.

එය 2019 වසරේදී රුපියල් කෝටි 3,001 ක් වන විට 2022 වසරේදී රුපියල් කෝටි 3,934 කි.

පළාත් සභාවේ ප්‍රාග්ධන වියදම් වෙනුවෙන් මුදල් කොමිෂන් සභාව වෙන් කිරීම සඳහා නිර්දේශ කර ඇති මුදල 2022දී රුපියල් කෝටි 22,000 ක් වුවද, අයවැයෙන් වෙන්කර ඇත්තේ රුපියල් කෝටි 1,144 ක් පමණක් බවද එයින් ලැබී තිබෙන්නේ රුපියල් කෝටි 580 ක් පමණක් බවද කොමිෂන් සභා වාර්තාවලින් අනාවරණය වේ.

අදහස් (9)

පළා බබාලා නැතත් කෝටි 14,000ක් වැඩිපුර ගිලලා

AJITH Thursday, 17 August 2023 07:59 AM

ප්‍රධාන හේතුව විනිවිද බාවයකින් යුතු නිසි කළමනාකරණයක් නොමැතිවීම, නිසිපලනයකින් තොරව මුදල් යෙදවීම, මෙම වාරතා ලබාදී ඇත්තේද පළාත් සභාව මගින් නිසා මේ පිලිබදව නැවත සොයාබැලීමක් කර මෙවැනි ආකාරයට පාලනයකින් තොරව මුදල් වියදම්වුයේ කෙසේද කියා සොයාබැලීම වැදගත්වේ.

: 12 17

SAMAN Thursday, 17 August 2023 05:38 PM

අපිට පළාත් සභා මහ ඇමැතිතුමා සහ ඇමැති මණ්ඩලය පත්කර ගත යුතුයි. පළාත් සභාවට වියදම ප්‍රශ්නයක් නොවෙයි, මහජන මුදලින් වැටුප් ගෙවනවා...

: 0 1

geeth Thursday, 17 August 2023 08:44 AM

මොනවද මේ කතා, ඇයි පළාත් සභා කියන්නෙ ඇමතිලයි මන්ත්‍රීල විතරක් නෙමෙයි. ආයතන විශාල සංඛ්‍යාවක් තියෙනව පාසැල් සහ රෝහල්ද ඇතුළුව. 2019 තිබුණට වඩා රටේ බඩු මිල මෑත කාලයේ කිහිප ගුණයකින් ඉහළ ගියා විශේෂයෙන්ම ආයතන වලට අත්‍යවශ්‍ය වෙන ඉන්ධන හා කඩදාසි වැනි ද්‍රව්‍ය වල. 2020 විතර රජ්‍ය සේවක වැටුප් වැඩිකළා. මෙතන මට පේන විදියට ‌කරන්නෙ දේශපාලඥයන්ට සුදුහුණ ගාන්න.

: 2 47

ගීතික ලියනගේ - ගාල්ලThursday, 17 August 2023 11:06 AM

ඔය ජයවීර මහත්තය ලොකු අභියෝගයක් නෙ කරල තියෙන්නෙ.දුරකථන අංක පවා දීල තියෙනව.මමත් ඒ මහත්මය ගැන අහල තියෙනව.දකුණු පළාතේ පොදුවෙ ගිණුම් කාරක සභාව හෝ වෙනත් යම් වැඩ සටහනක් තිබ්බත් ඒ මහත්තය ගැන කථා කරනව. ඉතිං ඔය ගාල්ලෙ ඉන්න වජිර,රමෙෂ් වගේ අයට පුලුවන්නෙ මේ මහත්තය මේ කියන්නෙ මොකක්ද කියල සොයල බලන්න.ඒ මහත්තය ගෙන්න ගෙන අහන්න පුලුවන්නෙ. මාද්‍ය සාකච්ඡාවක් තියල ඇත්තද නැත්තද කියල දැන ගන්න පුලුවන්නෙ.ඒ මහත්තය කෙලින්ම කියනවනේ දකුණු පළාත් රාජ්‍ය සේවා කොමිෂන් සභාව කියන්නෙ දූෂිත හොර නඩයක්කය කියල.ඒක මහ බරපතල තත්වයක්. බොරැනම් ඔහොම කියන්නෙ නැහැනෙ.ඒ නිසා ආණඩුකාරතුමා හරි මැදිහත් වෙල මේ ගැටලුව විසදල දෙන්න ඕන.නැත්නම් කොමිෂන් සභාවේ විශ්වාසය නැතිවෙනවා. අනික ඔය කියන විදියට ආණ්ඩුකාරයාගේ උපදේශක රාජ්‍ය සේවා කොමිෂන් සභාවෙත ඉන්නවනම් ඒක හරියට සුනිල් දහනායක නැමැති පුද්ගලයා ඉහළ උසාවියෙයි,පහළ උසාවියෙහි දෙකේම නඩු අහනව වගේ වැඩක්. කොමිසමත් නීති විරෝධී වෙනවා.ඒ නිසා පත්තරෙන් හරි මැදිහත් වෙල මෛ් ගැටලුව විිසදල දෙන්න.නැත්නම් කොමිෂන් සභාවේ සියලු තීන්දු තීරණ වලට කොමිෂණ් සභාවේ අඩුපාඩු කෙලින්ම බලපානවා.

: 0 13

අයි.ජී.එල්.ජයවීර - අම්බලන්ගොඩ Thursday, 17 August 2023 09:12 AM

අනිකුත් පළාත් සභා ගැන කථාකරන්න නම් මම දන්නෙ නැහැ.දකුණු පළාත් සභාවේ ආණ්ඩුකාරයගේ උපදේශක සුනිල් දහනායක නැමැත්තා පළාත් රාජ්‍ය සේවා කොමිසමේත් ඉන්නවා.එයා වැටුප් තුනක් ගන්න කෙනෙක්. පළාත් සභාවෙන් පමණක් ලක්ෂ ගානක් නීති විරෝධීව ගන්නවා. කොමිෂමේ සභාපතිකට මාසයකට ගෙවන මුදල ලක්ෂ එකහ මාරට වැඩියි. මම ලගක තියෙනවා සහතික කල පඩි ලැයිස්තුව . එයාගෙ වයස අවුරැදු 80 යි. කොමිසමේ 7 ක් ඉන්නවා. නමුත් අවම ඉන්න ඕන 3 දෙනයි.මේක මහ අපරාධයක් .තීරැ බදු රහික වාහන බර ගානක් අරගෙන තියෙනවා.දැන් ඒ පිළිබද පරීක්ෂන කටයුතු කරගෙන යනවා. මම තමයි පැමිණිලිකරැ.මගේ තාත්තා මිය ගියේ 1994 වසරෙදී ඒ වුනත් මහ ඇමතිගෙ උපන් දින සුබ පුතුම මෑතක් වෙනකම්ම ආවා. මේව පිළිබද මම ඉතා විධිමත්ව විගණකාධිපතිට මෙන්ම අතිගරැ ජනාධිපතිතුමාටත් පැමිණිලි කරල තියෙනවා. කොමිසම තනිකරම දූෂිත හොර ගුහාවක්. මම ලැහැස්තියි ඕනම තැනකදී ඒ බව ලිඛිත සාක්ෂි මගින් ඔප්පු කරන්න.මෙන්ම මගේ දුරකථන අංක 0 71 8282669 /077 18520442 කොමිසමේ එක් අයෙක් හැර අනික් හැම සාමාජිකවෙක්ම වයස අවුරැදු 80 ට වැඩියි. නැත්නම් ඊට ආසන්නයි. දැන් ඉතිති රටේ තත්වය ගැන හිතල වත් මේ අපරාධ නවත්වන්න.

: 2 23

පැරකුම්Thursday, 17 August 2023 10:44 AM

ජයවීර මහත්තයගෙ අදහස් නම් අගෙයි ඒත් අපේ මේ අමන දූෂිත දේශපාලු හැතිකරය ඉන්නකම් වැඩක් වෙන්නෙ නෑ.

: 0 15

ගුණසේකර - විශාමික පරිපාලන නිලධාරී - 1 Thursday, 17 August 2023 12:36 PM

ජයවීර මහතාගේ චෝදනාව ඉතා බරපතලයිි. අපරාධ පරීකෂණ දෙපාර්තමේන්තුවට උනත් පුලුවනි පියවරක් ගන්න. ජනාධිපතිට උනත් නිහඩව ඉන්න බැහැ. මොකද ආණජඩුකාරයා කියන්නෙ ජනාධිපතිගෙ නියෝජිතයා. වහාම පියවරක් ගන්න. නැත්නම් රාජ්‍ය සේවා කොමිෂන් සභා කෙරෙහි තියෙන ජනතා විශ්වාසය බිද වැටෙනවා.

: 0 13

Lanka Thursday, 17 August 2023 02:17 PM

2019 හා 2022 වියදම් සැසඳීමේදී රුපියලේ අවප්‍රමාණය සැලකිල්ලට අරගෙන නැද්ද ?

: 1 4

සමන් Thursday, 17 August 2023 05:41 PM

ඉහත අදහස් සියල්ලටම එකගවන ගමන් සදහන් කළයුත්තේ මේ දේශපාලුවෝ ආවොත් උන් පෙන්වන නෛතික වියදම් ඉතා සීමිතයි. එහෙත් හොරාකන, හිතවතුන්ට සංග්‍රහ,ඇතුලු අකාර්යක්ෂමතා හා දූෂණ කොපමණ තියෙය්ද මේ නූගත් තක්කඩින්ගෙ.

: 0 1