(බන්දු තඹවිට)

වැලිපැන්න පොලිස් වසමේ මල්වතු කන්ද ප්‍රදේශයේදී 33 හැවිරිදි පුද්ගලයෙකු පිහි පහරදී ඝාතනය කර ඇති බව වැලිපැන්න පොලිසිය පවසයි.

වැලිපැන්න, හොරවල ,පැලකැටියාගොඩ පදිංචි මල්ලවආරච්චි කංකානම්ගේ තරිඳු ධනංජය නම් අයෙකු මෙසේ ඝාතනය කර ඇත.

දියඋල්පත ,හොරවල,වැලිපැන්න පදිංචි 53 හැවිරිදි පුද්ගලයෙකු විසින් මෙම ඝාතනය සිදුකර ඇති බවට මුලික පොලිස් පරීක්ෂණ වලින් හෙළිවී ඇතැයි පොලීසිය කියයි.

සැකකරු සන්තකයේ තිබී මීට පෙර ගිනි අවියක් පොලිසිය මගින් අත්අඩංගුවට ගෙන ඇති අතර එම ගිනි අවිය පිළිබඳව මියගිය අය විසින් පොලිසියට තොරතුරු ලබාදුන් බවට සැකකරු ,මියගිය අය සමග ඇතිවූ කෝන්තරයක් සහ වෙනත් පෞද්ගලික හේතුන් කීපයක් මුල්කරගෙන ඇතිවූ ආරවුලක් අතරතුර සැකකරු විසින් පිහියකින් ඇන මෙම ඝාතනය සිදුකරන්නට ඇතැයි පොලිසිය සැකකරයි.