(රෝෂන් තුෂාර)
ස්වාමීන් වහන්සේ නමක්ව සිටියදී සුනඛයෙකුට සිවුරක් පොරවමින් බුදු දහමට නිගා වන " ටික් ටොක්" වීඩියෝ අන්තර්ජාලයට මුදා හැරීමේ සැකයට අත්අඩංගුවට ගෙන ඇප නියම ව යළි රක්ෂිත බන්ධනාගාර ගත වූ රත්නපුරේ විමල බුද්ධි නොහොත් "විශ්ව බුද්ධි මුනි" සැකකරු ලබන 29වන දිනදක්වා රක්ෂිත බන්ධනාගාර ගත කිරීමට කොළඹ අතිරේක මහේස්ත්රාත් පසන් අමරසිංහ මහතා අද (24)නියෝග කළේය.
කොළඹ ප්රධාන මහේස්ත්රාත් ප්රසන්න අල්විස් මහතාගේ නියෝගයක් පරිදි ඊයේ දින සැකකරු අධිකරණයට ඉදිරිපත් කිරීමට නියමිත තිබූ අතර සැකකරු බන්ධනාගාර රෝහලට ඉදිරිපත් කර තිබූ බැවින් නඩුව කැඳවන අවස්ථාවේදී සැකකරු අධිකරණයේ පෙනී නොසිටියේය.
සැකකරු විසින් බුදුදහමට නිගා වන වීඩියෝ පළ කිරීම යළිත් ආරම්භ කර ඇති බවට අපරාධ පරීක්ෂණ දෙපාර්තමේන්තුව කොළඹ ප්රධාන මහේස්ත්රාත්වරයා හමුවේ පසුගිය දහ අට දින කරුණු දක්වීම හේතුවෙන් ඊයේ දින ඉදිරිපත් කරන ලෙසට මහේස්ත්රාත්වරයා නියෝග කර තිබිණි.
එම නියෝගය ක්රියාත්මක කිරීමට තිබියදී රාමඤ්ඤ මහා නිකායෙන් නෙරපා දැමූ සැකකරු අත්අඩංගුවට ගෙන අධිකරණයට ඉදිරිපත් කිරීමෙන් පසුව ලබන විසි හය දින දක්වා රක්ෂිත බන්ධනාගාරගත කිරීමට ගංගොඩවිල මහේස්ත්රාත් වරයා නියෝග කර තිබිණි.
පැමිණිල්ල වෙනුවෙන් කරුණු දැක්වීම සඳහා රජයේ ජේෂ්ඨ නියෝජ්ය සොලිස්ටර් ජනරාල් දිලීප පීරිස් මහතා පැමිණීමට නියමිත බව අධිකරණය ඉදිරියේ කරනු දැක්වූ අපරාධ පරීක්ෂණ දෙපාර්තමේන්තුව ඊයේ සඳහන් කළේය.
සැකකරු වෙනුවෙන් නීතිඥ සුසන්ත දොඩාවත්ත මහතා පෙනී සිටි අතර සැකකරු රාමඤ්ඤ මහ නිකායෙන් ඉවත් කර ඇති බැවින් "හිමි" යනුවෙන් ආමන්ත්රණය නොකළ යුතු බව සඳහන් කළේය.
බස්නාහිර සහ සබරගමුව පළාත්වලත් ගාල්ල සහ මාතර දිස්ත්රික්කවලත් වැසි වාර කිපයක් ඇති වන බව කාලගුණ විද්යා දෙපාර්තමේන්තුව කියයි.
නව ජනාධිපතිවරයා ලෙස පත්වීමෙන් පසුව සාම්ප්රදායානුකුලව ආරක්ෂක ප්රධානීහු සේනාධිනායක ජනාධිපති අනුර කුමාර දිසානායක මහතා ජනාධිපති කාර්යාලයේ දී හමු වූ
රජයේ සංස්ථා මණ්ඩල අධිකාරි යනාදී ව්යවස්ථාපිත ආයතනවල සභාපතිවරුන් සහ අධ්යක්ෂවරුන්ට එම තනතුරුවලින් ඉවත් වන ලෙස රජය දැනුම්දී ඇතැයි වාර්තාවේ.
මාදිවෙල මන්ත්රී නිල නිවාස වලින් ඉවත්වන ලෙස එහි පදිංචිව සිටින මන්ත්රීවරුන් 108 දෙනාට ලිඛිතව දැනුම් දී ඇත.
ලේකම්වරුන්ගේ ගැටලු ඇති දේශපාලන පක්ෂ පහකට මෙවර මහ මැතිවරණයට තරග කිරීම සඳහා අවසර නොදීමට මැතිවරණ කොමිෂන් සභාව තීරණය කර ඇත.
හිටපු 6 වන විධායක ජනාධිපති මෛත්රීපාල සිරිසේ මහතාගේ නිල ස්වයං ස්මරණීය චරිතාපදානය ’සිහිනය නොනිමිය’ නමින් එළිදැක්වීම අද (04)ගෝල් ෆේස් හොටෙල්හිදී සිදුකෙර
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
බුදු දහමට නිගා කළ විමල බුද්ධි යළි රිමාන්ඩ්
බද්රානි Wednesday, 24 January 2024 03:41 PM
මෙවැනි උන්මන්තකයින්ට සිවුරු පළඳන්න කලින් නිසි ශාසනික හා ධාර්මික ක්රමවේදයක් අනුගමනය කළයුතු යැයි දැන්වත් මේ රටේ මහනායකලාට හැඟෙන්නේ නැද්ද..? ඔළුගෙඩි ගණන වැඩි වූ පමණින් ලංකාවේ බුදුදහම හා සම්බුද්ධ ශාසනය ශ්රේෂ්ඨත්වයට පත්වේ යයි යමෙක් විශ්වාස කරන්නේ නම් එය මුලාවක් බව දැන්වත් මේ රටේ බෞද්ධයින්ට වැටහෙන්නේ නැද්ද..? වෙනත් කිසිම ආගමික නායකයින් නොකරන, අමනකම්, අශිෂ්ඨකම්, නොපනත්කම් කරමින් මුළු මහත් සමාජයටම ආදර්ශයක් දෙන මෙවැනි චීවරධාරීන් පිළිබඳව ගන්න ක්රියා මාර්ගය කුමක්ද..? සිත, කය, වචනයවත් සංවර කරගැනීමට නොහැකි භික්ෂුවගෙන් සමාජයට සෙතක් වේ යයි කවුරුන් හෝ විශ්වාස කරනවාද..? ලාංකික සමාජය පිරිහීමට ප්රධානම සාධකයක් වී ඇත්තේ, බෞද්ධ චීවරධාරීන්ගේ නොමනා හැසිරීමයි.. අත්හැරීම ගැන පුරාජේරු වැදි බණ දෙසමින් සියල්ල බදාගෙන, ලව්කික සැප භුක්ති විඳිමින් තන්හාවෙන් දඟලන මොවුන් ගැන මට නම් ඇත්තේ විශාල පිළිකුලක්...!
මොට්ටපාල Thursday, 25 January 2024 08:27 AM
මෙහෙම වැරදි කරුවන්ට රැකවරණය දීම ගැන පුලුල් සමීක්ෂණයක් කලොත් ජනතා මතය මොකක්ද බලන්න පුළුවන්. එහෙම සමීක්ෂණයක් මගින් ලැබෙන තොරතුරු අනුව ඒක රටේ සංවර්ධනය වෙනුවෙන් යොදාගන්නත් පුළුවන් කියලා හිතෙනවා