2025 අප්‍රේල් මස 04 වන සිකුරාදා
(නිමල කොඩිතුවක්කු)
විසිඑක් වන සියවසේ ජීවත්වනවා වෙනුවට බලය වෙනුවෙන් ඒකාබද්ධ විපක්ෂය ගෝත්රිකයන් ලෙස කටයුතු කරන බව කොළඹ දිස්ත‍්‍රික් පාර්ලිමේන්තු මන්ත‍්‍රී මුජුබර් රහුමාන් මහතා පැවැසීය.
ජාතිවාදය සහ ආගම්වාදය පිලිබඳ කතාකරනවා මිස ඔවුන්ගෙන් රටට බලාපොරොත්තු විය හැකි දෙයක් නොමැති බවත් මන්ත‍්‍රීවරයා සඳහන් කළේය.
කොළඹ අරලියගහ මන්දිරයේ පැවැති මාධ්‍ය හමුවකට එක්වෙමින් ඔහු මේ බව පැවැසීය.
එහිදි වැඩිදුරටත් අදහස් දැක්වූ පාර්ලිමේන්තු මන්ත‍්‍රී මුජුබර් රහුමාන් මහතා මෙසේද කීය.
‘‘අපේ රජය ගතවූ වසර හතර තුළ රටේ විශාල සංවර්දන වැඩපිළිවෙළක් ගෙන ගියා. ජනතාවගේ යටිතල පහසුකම්, සෞඛ්‍ය සේවාව, අධ්‍යාපන සේවය, ගම්වල පාරවල් හදන්න විශාල මුදලක් වෙන් කළා. මේ අවුරුද්දේත් ගම්පෙරලිය වැඩසටහන මගින් එක ආසනයකට මිලියන තුන්සීක් වෙන් කරලා විශාල වැඩපිලිවලක් කර ගෙන යනවා.
අපේ රජය යටතේ පසුගිය වසර හතරහමාර තුළ මේ රටේ සංවර්ධනය, දියුණුව, දේශපාලන ප‍්‍රතිසංස්කරණ, රටේ ප‍්‍රජාතන්ත‍්‍රවාදය තහවුරු කිරීම, නීතියේ ආධිපත්‍ය තහවුරු කරමින් අධිකරණයේ ස්වාධීනත්වය ඇතිකරමින් ආපු ගමනක් අපි දැක්කා. ඔක්තෝබර් මාසයේ සිදුවූ ඒ කුමන්ත‍්‍රණයත් එක්ක යම් ප‍්‍රමාණයකින් පස්සට යන්න අපිට සිදුවුණා. මේ තත්වය නිවැරදි කරමින් අපි ආපු ගමන පාස්කු ඉරිදා ප‍්‍රහාරයත් එක්ක නැවත ආපස්සට හැරිලා තියෙනවා.
ඒ ගමන ආපස්සට හරවන්න මේ බෝම්බය පිපිරෙනකම් බලාගෙන හිටපු පිරිසක් අද රටේ ඉන්නවා. ඒ අය මේ පාස්කු ඉරිදා ප‍්‍රහාරය නිකං අවුරුද්ද සමරනවා වගේ සමරනවා. මේ රටේ අහිංසක ජනතාවගේ මලමිනී උඩින් ගිහින් තමන්ගෙන් ගිලිහුනු බලය යලි ලබා ගැනීමේ උත්සාහයක ඔවුන් නිරත වෙලා සිටිනවා.
අද ඔවුන් සංවර්ධනය පිළිබඳ ආණ්ඩුවට චෝදනා එල්ල කරන්නේ නැහැ. ප‍්‍රජාතන්ත‍්‍රවාදය, ආර්ථිකය ගැන ඔවුන් කතා කරන්නේ නැහැ. ඒ වෙනුවට ඔවුන් ජාතිවාදය ආයුධයක් කරගෙන දඟලනවා.
ජාතිවාදය මගින් බලයට ඒමට අද ඒකාබද්ධ විපක්ෂයේ ඉන්න සමහර දේශපාලන නායකයො කටයුතු කරනවා. ඒ සදහා ඔවුන් ඉතාම ගෝත‍්‍රක විදියට මේ රටේ ජනතාව අතර සැකය වෛරය අවුස්සන්න කටයුතු කරගෙන යනවා. ඔවුන් පහුගිය කාලයේ උතුරේ ආවා කල්ලිය හැදුනම ඒක ලොකූ බිල්ලෙක් මවලා නැවත එල්.ටී. ටී. ඊ සංවිධානය බිහිවුණා කියලා ජනතාව අතර කාවද්දන්න විශාල උත්සාහයක් දැරුවා.
දවසගානේ මේ රටේ ජනතාව අතර සැකය, වෛරය, අවිශ්වාසය ඇතිකරන සඨන්පාඨ නිතරම ඔවුන්ගේ මාධ්‍ය සාකච්ඡාවල ඔවුන් කතා කරනවා. එක්කො ඇවිත් දොස්තර සාෆි ගැන කියනවා, එක්කො ඇවිත් ජනගහනය ගැන කියනවා. එහෙම කියලා අපිව බෙදලා වෙන්කරලා අපි එකෙනිකා අතර සැකයෙන් බලන මානසිකත්වයක් මේ රටේ ඇති කරන්න අද ඒකාබද්ද විපක්ෂය උත්සාහ කරනවා.
මේ ඇතිවූ ත‍්‍රස්තවාදී උවදුර අද වනවිට මුළුමනින්ම විනාශ කරන්න අපිට පුළුවන් වෙලා තියෙනවා. ඒ ගැන අපි ආරක්ෂක අංශ වලට ස්තූතිවන්ත විය යුතුයි’’ යැයිද මන්ත‍්‍රීවරයා එහිදී පැවැසීය.
තෙදින නිල සංචාරයක් සඳහා දිවයිනට පැමිණ සිටින ඉන්දීය අග්‍රාමාත්‍ය නරේන්ද්‍ර මෝදි මහතා පිළිගැනීමේ නිල රාජ්‍ය උත්සවය කොළඹ නිදහස් චතුරස්‍රයේදී හෙට (5) පෙර
බෝතල්කළ පානීය ජලය සඳහා උපරිම සිල්ලර මිලක් නියම කරමින් පාරිභෝගික කටයුතු පිළිබඳ අධිකාරිය අතිවිශේෂ ගැසට් පත්‍රයක් නිකුත් කර තිබේ.
නීති විරෝධීව මෙරටට රැගෙන ඒමට තැත් කළ රුපියල් මිලියන 435 ක් හෙවත් රුපියල් කෝටි 43 කට අධික වටිනාකමින් යුතු විදේශීය දුම්වැටි තොගයක් රේගු දෙපාර්තමේන්තුව අත්
දකුණු කොරියාවේ හමුදා නීතිය පැනවීමට නියෝග කර මාස 4 කට පසුව ජනාධිපති යුන් සුක් යෝල් වහාම ක්‍රියාත්මක වන පරිදි ධුරයෙන් නෙරපා හැරීමට එරට ආණ්ඩුක්‍රම ව්‍යවස
කටුනායක සිට මත්තල දක්වා කිලෝමීටර් 254 ක දුරින් යුත් අධිවේගී මාර්ගයේ එක සැපයුම් මධ්‍යස්ථානයක් පමණක් පැවතීම හේතුවෙන් රියදුරන්ට අධික වෙහෙසට පත්වුවත් විව
පහළොස් හැවිරිදි බාල වයස්කාර පාසැල් දැරියක සමූහ දූෂණයට ලක් කිරීම සම්බන්ධයෙන් අත්අඩංගුවටගත් එම බාල වයස්කාරියගේ පෙම්වතා බව කියන තරුණයකු ඇතුළු බාලවයස්
2025 අප්‍රේල් මස 04
82
0
නව්‍යකරණයෙන් පිරිපුන් හෘද්‍යාංගම මූල්‍ය සේවාවක නියැලෙමින් ශ්‍රී ලාංකිකයන්ගේ විශ්වාසය දිනූ සියපත ෆිනෑන්ස් පීඑල්සී ආයතනික සමාජ සත්කාරක වැඩසටහන් මා
2025 මාර්තු මස 31
362
1
මිනි සීරීස් කන්සෙප්ට් එකෙන් සීරීස් කිහිපයක්ම නිර්මාණය කරපු අධ්‍යක්ෂකවරයෙක් තමයි ජෝ දිසානායක. Hello Dada අධ්‍යකෂණය සිදු කරන්නේද ඔහු විසින්ම. බොහෝ ජනප්‍රිය
2025 මාර්තු මස 21
889
0
ප්‍රයිම් සමූහය ශ්‍රී ලංකාවේ දේපළ වෙළඳාම් ක්ෂේත්‍රයේ පෙරළියක් සිදුකරමින් නව ගෙවීම් ක්‍රමවේදයක් හඳුන්වා දීමට පසුගියදා කටයුතු කළේ ය.
බලය වෙනුවෙන් විපක්ෂය ගෝත්රිකයන් ලෙස ක්‍රියා කරනවා’