(එම්.සුසිල් පියන්ත සහ ජනක් ද සිල්වා)     

 ඇල්පිටිය නවදගල වෙළද සලක් තුළ වෙළද සල් හිමියා සහ ප්‍රදේශවාසී පුද්ගලයකු අතර ඇතිවූ ගැටුමකින් වෙළද සැල් හිමියා මරුමුවට පත්වී ප්‍රදේශවාසියා බරපතල තුවාල ලබා රෝහල් ගත කළ බව ඇල්පිටිය පොලීසිය කියයි

මේ ගැටුමෙන් මිය ගොස් ඇත්තේ ඇල්පිටිය , අක්කර දහසය, දොල ඉහල‍, නවදගල ලිපිනයේ පදිංචි ඒ ගුණවර්ධන නමැති පනස්පස් හැවිරිදි විවාහක වෙළද සැල් හිමියෙකි

වෙලදසැලට ඊයේ(18) ප්‍රදේශවාසී පුද්ගලයකු පැමිණ ඇති බවත් ඔහු හා වෙලද සල් හිමියා අතර බහින් බස් වීමක් සිදුව ඇති බවත් පසුව  වෙලද සලේ හිමිකරුට ඔහු පහරදීමට කළ උත්සාහයේදී  වෙලද සල් හිමිකරු විසින් ඔහුගේ හිසට වීදුරු බෝතලයකින් පහරදී ඇති බවත් පොලීසිය කියයි.

එම පහරදිමෙන් ප්‍රදේශවාසියාගේ  හිස පදේශයට තුවාල සිදුව ඇති බවත් තුවාල ලත් ඔහු එම වෙළද සල ආසන්නයේ පිහිටි  සිය නිවසට ගොස් කැපෙන  පිහියක් රැගෙවිත් වෙළඳසැල් හිමියාගේ ගෙලට පහරදි ඇති බවත් පොලීසිය කියයි.