(ගයාන් සූරිය ආරච්චි  සහ  ප්‍රසංග පෙරේරා)

වෙළඳසලේ දොරට ගල් ප්‍රහාරයක්  එල්ල කළ බව කියන සිද්ධියක් සම්බන්ධයෙන්  එම වෙළඳසැලේ හිමිකරු ඇතුළු පිරිසක්  සහ මාර්ගයේ ගමන් කළ පුද්ගලයකු  අතර  ඇතිවූ බහින්බස්වීමක් දුරදිග යාමෙන් මාර්ගයේ ගමන් කළ පුද්ගලයාගේ බෙල්ලට මන්නයකින් කොටා ඝාතනය කර ඇතැයි ජාඇල  පොලිසිය පවසයි.

මෙසේ ඝාතනය කර ඇත්තේ ගම්පහ ඒකල, ජාඇල පාර ප්‍රදේශයේ පදිංචි නුවන් කුමාර නැමැති 36 හැවිරිදි පුද්ගලයකු බව පොලිසිය කියයි.

මියගිය පුද්ගලයා  ගම්පහ ඒකල මාර්ගයේ පයින් ගමන් කරමින් සිටියදී යතුරු පැදියක ගැටී ඇති අතර එහිදී යතුරුපැදි කරු සමග ආරවුලක් ඇති කරගෙන  යතුරුපැදිකරුට ගලකින් පහරදී  ඇති බව පොලිස් විමර්ශන වලදී අනාවරණය වී ඇත.

මියගිය පුද්ගලයා විසින් එල්ල කළ ගල් ප්‍රහාරය අසල තිබූ වෙළඳසලක දොරේ වැදී ඇති අතර එම වෙළඳසැලේ හිමිකරු සහ තවත් පිරිසක් මියගිය පුද්ගලයා සමග ආරවුලක් ඇති කරගෙන තිබූ බව පොලිසිය පවසයි.