(බී.ජී. චතුරංග, යොහාන් භාසුර, දයාරත්න ඇඹෝගම, රොෂාන් රණසිංහ සහ සංජීවනී ආරියරත්න)
ඉන්දීය ණය ආධාර යටතේ මහව සිට අනුරාධපුර දක්වා දුම්රිය මාර්ගයේ ඉදිකිරීම් කටයුතු අවසන්වීමට පෙර විවෘත කිරීමට සූදානම් වන බවට ශ්රී ලංකා දුම්රිය ස්ථානාධිපති සංගමයෙන් කෙරුණු පැමිණිල්ලක් අනුව මැතිවරණ කොමිසමේ නියෝගයෙන් එම උත්සවය නතර කෙරිණි.
දුම්රිය මාර්ගයේ ඉදිකිරීම් කටයුතු අවසන් කර විවෘත කිරීමට පෙර පෙරේදා (11) විශේෂ දුම්රියක් එහි ධාවනය කර ඇතැයි දුම්රිය දෙපාර්තමේන්තු ආරංචි මාර්ග පැවැසීය.
මහව සිට අනුරාධපුර දක්වා දුම්රිය මාර්ගය සහ සංඥා පද්ධතිය සම්පූර්ණයෙන්ම ගලවා නවීකරණ කටයුතු ඉකුත් ජනවාරි මාසයේ ආරම්භ කළේය.
සංඥා පද්ධතිය, සංඥා ගේට්ටු සහ වන අලින්ට මාරුවීම සඳහා ගල්ගමුව, අඹන්පොළ, ගැටදිවුල ප්රදේශයේ අලි කොරිඩෝවේ කටයුත්ත ද තවමත් අවසන් කර නොමැති බව ශ්රී ලංකා දුම්රිය ස්ථානාධිපති සංගයේ සභාපති සුමේධ සෝමරත්න මහතා මැතිවරණ කොමිෂන් සභාවට දැනුම් දී ඇත.
මහව සිට අනුරාධපුර දක්වා දුම්රිය ස්ථාන හතෙන් හයක නවීකරණ කටයුතු තවමත් සිදුවන බවද දුම්රිය දෙපාර්තමේන්තු සේවකයෝ පවසති.
අනුරාධපුර සිට මහව දක්වා මුළු දුම්රිය මාර්ගයේ නවීකරණ කටයුතු කොටස් වශයෙන් එකම දිනකදී ආරම්භ කළත් තඹුත්තේගම හැර අනෙකුත් දුම්රිය ස්ථානවල ද වැඩ කටයුතු තවමත් නිම කිරීමට නොහැකි වීම සම්බන්ධයෙන් විගණනයක් කළ යුතු බව ද සෝමරත්න මහතා පැවැසීය.
එසේ අඩුපාඩුකම් රැසක් තිබියදී දේශපාලන වුවමනාව මත දුම්රිය ධාවන කටයුතු ඊයේ (12) ආරම්භ කිරීමටත් අනුරාධපුරයේදී උත්සවයක් පැවැත්වීමටත් වන අලි උමං මාර්ගය අසල බැසීමට තාවකාලික වේදිකාවක් සැකසීමටත් සැලසුම් කර තිබූ බව දුම්රිය සේවකයෝ පැවැසූහ.
නවීකරණ කරමින් පවතින මාර්ගය දේශපාලන වුවමනාව මත හදිසියේ ඊයේ (12) විවෘත කිරීමට සූදානමක් ඇති බවට ලැබුණු තොරතුරක් මත ඒ සම්බන්ධයෙන් මැතිවරණ කොමිෂන් සභාවෙන් කෙරෙණු දැනුම් දීමක් අනුව දුම්රිය ධාවන කටයුතු නවතා දමා ව්යාපෘතිය නාමිකව පමණක් අමාත්යාංශයේ දී ඊයේ (12) විවෘත කෙරුණු බව දුම්රිය ස්ථානාධිපති සංගමය සඳහන් කළේය.
වැඩබලන දුම්රිය සාමාන්යාධිකාරි එස්.එස්. මුදලිගේ මහතා මේ සම්බන්ධයෙන් නිවේදනයක් නිකුත් කරමින් පවසන්නේ දුම්රිය දෙපාර්තමේන්තුව මහව සිට අනුරාධපුර දක්වා දුම්රිය මාර්ගය ඊයේ (12) විවෘත කිරීම සම්බන්ධයෙන් නිල නිවේදනයක් කර නොතිබූ බවයි.
මූල්ය ප්රතිපාදන සලසා ගැනීමට නොහැකි වීම හේතුවෙන් එම කටයුතු පමා වී ඇති බව ද නිවේදනයේ සඳහන් වේ.
ජනවාරි මාසයේ ආරම්භ කළ මෙම දුම්රිය මාර්ගයේ නවීකරණ කටයුතු ජුනි මාසයේ පොසොන් පොහොයට පෙර අවසන් කිරීමට කටයුතු යොදා තිබුණ ද තාක්ෂණික ගැටලු හේතුවෙන් මෙම මාර්ගයේ ඉදිකිරීම් කටයුතු සැලසුම් කළ කාලයට වඩා වැඩි කාලයක් ගත වී ඇති බව එම නිවේදනයේ දැක්වේ.
මේ සම්බන්ධයෙන් මැතිවරණ කොමිෂන් සභාවේ සභාපති ආනන්ද රත්නායක මහතාගෙන් අප කළ විමසුමකදී ඔහු පැවැසුවේ නිදහස් හා සාධාරණ මැතිවරණයකට බාධා වන හෙයින් එම උත්සවය පැවැත්වීම නතර කිරීමට නියෝග කළ බවයි.
එම උත්සවය පැවැත්වීමෙන් අනතුරුව ආරාධිත අමුත්තන් සමග යෑමට සැලසුම් කළ දුම්රිය ගමනක්ද නතර කිරීමට පියවර ගත් බව ඔහු කීවේය.
ඉන්දීය විපක්ෂ නායකයන්ගෙන් කෙනකු ද වන, ’ආම් ආද්මී’ පක්ෂයේ නායක අරවින්ජ් කෙජ්රිවාල්, දිල්ලි ප්රාන්ත මහ ඇමැති ධුරයෙන් ඉල්ලා අස් විය.
ලෙබනනයේ හිස්බුල්ලා සාමාජිකයන් පණිවුඩ හුවමාරු කර ගැනීමට භාවිත කරන, ’පේජර්’ යන්ත්ර හිටිහැටියේ එකවර පුපුරා යෑමෙන්, හිස්බුල්ලා සාමාජිකයන් දෙනකු මියගො
වික්ටෝරියා රැජිනගේ ප්රියතම සංචාරක නිවහන වූ ඉතාලියේ ’’පල්මියෙරි විලා’’ ඇමෙරිකානු ඩොලර් මිලියන 55 (ශ්රී ලංකා රුපියල් කෝටි 1660 ක් පමණ) ක මුදලකට විකිණීමට ත
සෝදිසි වරෙන්තුවක් ලබා ගෙන පොලිස් කාන්තාවක සමග වැටලීමකට ආවැයි පවසා අනුරාධපුර සම්බාහන (ස්පා) මධ්යස්ථානයකට ඇතුළුවී එම ආයතනය සෝදිසි නොකර සිටීමට රුපියල්
ජනාධිපති අපේක්ෂකයෙකු තමාට ඡන්දය දෙන ලෙසට අස්වැසුම ප්රතිලාභීන්ට එස්.එම්.එස් පණිවිඩයක් සමග හඬපටයක් යවන ලදැයි කියන සිද්ධියක් සම්බන්ධයෙන් නීතිය ක්ර
ස්වාධීන ජනාධිපති අපේක්ෂක පොළොන්නරුව දිස්ත්රික් හිටපු පාර්ලිමේන්තු මන්ත්රී සිඩ්නි ජයරත්න මහතා පොළොන්නරුව පුලස්තිගම 400 නගරයේදී පැවැති සමගි ජන බලවේ
(2024 සැප්තැම්බර් 09) ලොව විශාලතම Luxury Ayurveda Wellness Brand වන Spa Ceylon, අන්තර්ජාතික සම්මාන උළෙලක් වන 2024 Global Green Beauty Awards හිදී ජාත්යන්තර වශයෙන් ලොව ඉදිරියෙන්ම සිටින රූපලාවන්ය සන්න
විවාහ දිවියට එළඹෙන යුවළකගේ බලාපොරොත්තු අතර දරු සුරතල් බැලීම ප්රමුඛස්ථානයෙහි ලා ගැනෙන්නක්. නමුත් වත්මන් සමාජ සංස්ථාව තුළ එලෙස දරු පල ලැබීමට නොහැකිව
ප්රමුඛ පෙළ ශ්රී ලාංකීය මූල්ය සමාගම සියපත ෆිනෑන්ස් පීඑල්සී දීප ව්යාප්ත ශාඛා ජාලයේ 50 වැනි ශාඛාව පසුගියදා මඩකලපුව දිස්ත්රික්කයේ ස්වභාවික සෞන්දර්ය
බාගෙන හැදූ කොච්චිපාර විවෘත කරන්න මැකෝ ඉඩ නොදෙයි