මෝටර් රථයේ ගැටුණු මව මීටර් 23 ඈතට විසි වෙයි

(බිමල් ශ්‍යාමන් ජයසිංහ)

බණ්ඩාරගම කළුතර මාර්ගයේ යටියන ප්‍රදේශයේදී මාර්ගයේ ගමන් ගත් වයෝවෘද්ධ කාන්තාවක් මෝටර් රථයක ගැටීමෙන් එම ස්ථානයේදීම මිය ගිය බව බණ්ඩාරගම පොලීසිය කියයි.

අනතුරින් මිය ගියේ බණ්ඩාරගම යටියන ප්‍රදේශයේ පදිංචිව සිටි කිහිබියගේ ලිලි නැමැති 77 හැවිරිදි දෙදරු මවකි

මියගිය කාන්තාව රැකියාවක් වශයෙන් එම ප්‍රදේශයේ නිවසක රැය පහන් කර යළි නිවස කරා පාගමනින් යමින් සිටියදී මෙම අනතුර වී ඇත

තරුණයකු පදවා ගෙන යමින් සිටි මෝටර් රථයක් බණ්ඩාරගම සිට කළුතර දෙසට ධාවනය වෙමින් තිබියදී මෝටර් රථය එකවරම මාර්ගයේ වම්පසින් ඉවතට ගොස් පා ගමනින් යටියන දෙසට යමින් වයෝවෘද්ධ කාන්තාවගේ ශරීරයේ පිටුපසින් ගැටීමෙන් මෙම අනතුර වී ඇති බව පොලීසිය කියයි

කාන්තාව මෝටර් රථයේ ගැටීමත් සමගම මීටර් 23 ක් ඈතට උඩින් විසි වී මාර්ගයේ පසෙක වැටී ඇති අතර අනතුරුව රියදුරුට මෝටර් රථය නවතා ගැනීමට හැකි වී ඇත්තේ අනතුර සිදු සිදුවූ ස්ථානයේ සිට මීටර් 70 වකට අධික දුරක් ගොස් බව පොලිස් විමර්ශනවලදී අනාවරණය වී ඇත

මෝටර් රථයේ ගැටුණු කාන්තාව එම ස්ථානයේදීම මිය ගොස් සිටි බව පොලිසිය සඳහන් කරයි

මියගිය කාන්තාව මාර්ගයේ ගමන් කරන අයුරු අයුරුත් අනතුරුව ඇයව මෝටර් රථයේ ගැටෙන අයුරුත් අසල වෙළඳසැලක සවිකර තිබෙන සීසීටීවී කැමරාවක පැහැදිලිව සටහන්ව ඇතැයි ද පොලිස් නිළධාරියෙක් පැවසීය

මෝටර් රථය පැදවූ 23 හැවිරිදි තරුණයා පොලිසිය මගින් අත්අඩංගුවට ගෙන සිදු කළ ප්‍රශ්න කිරීමේදී තමන්ට නින්ද ගිය බව ප්‍රකාශ කළ බව පොලිස් නිලධාරියා වැඩිදුරටත් පැවසීය

අදහස් (7)

මෝටර් රථයේ ගැටුණු මව මීටර් 23 ඈතට විසි වෙයි

janahitha Tuesday, 13 September 2022 12:47 PM

රියදුරන්ගේ නින්ද නිසා විශාල පිරිසක් මිය යනවා.. මේ සඳහා කළයුතු වන්නේ නිදිබර දැනුණු මොහොතේම රථය නවතා ව්‍යායාමයක යෙදීමය. ඉන්පස් තවත් දුරක් ධාවනයේ යෙදිය හැකිමුත් නැවත නිදිබර දැනේ නම් රථය නවතා නින්දට යෑමෙන් මෙවන් අනතුරු වළක්වාගත හැකිය.

: 0 1

de silva berlin Tuesday, 13 September 2022 01:54 PM

අලුතෙන් වෙළඳපොළට එන ලොකු කුඩා වාහන වලින් සියයට අසූවක පමණ පාරේ ගමන් කරන මිනිස්සු හඳුනාගෙන අනතුරක් වළක්වා ගැනීමට හදිසි අවස්ථාවකදි ස්වයංක්‍රීයව තිරිංග තදවන ආරක්ෂණ පද්ධතියක් තිබෙනවා. ලංකාවේ වාහන පරණ නිසා මේවා නැහැ. ඉදිරියට වාහන අමතර කොටස් මිල ඉහළයාම සහ හිඟකම නිසා රටේ මාරාන්තික අනතුරු වැඩි වෙයි.

: 1 33

පිටිගල මිලානෝ Tuesday, 13 September 2022 03:05 PM

ලංකාවේ වේග සීමා නැද්ද? ජනයා ගැවසෙන මාර්ගයක අධික වේගයෙන් ධාවනය කරන මෘගයෙක්. මෙය සාපරාදී මනුෂ්‍ය ඝාතනයක්.

: 2 15

නින්ඳTuesday, 13 September 2022 04:55 PM

ඒ වීඩියෝ එක බැලුවාම අම්ම කෙනෙක්ට ජාතක නොවුණු අමනයෙක් මෙහෙම කරලා තියෙන්නේ.... දැන් ඉතින් කලුලෝගු කාරයෙක් එයි ඔය රියදුරාව බේරගන්න නින්ද ගිය නිසා ඔය අනතුර වුනේ කියලා..!

: 0 1

swene Tuesday, 13 September 2022 03:21 PM

මාර්ග තැනීමේදී පදිකයින් සහ පා පදිකරුවන්ගේ ආරක්ෂාව ගැන කිසිම තැකීමක් නොමැති වීමේ තවත් ප්‍රතිපලයක්. එසේ වන්නේ ඔවුන් දුප්පත් නිසාද ? දේශපාලකයෝ කතා කරන්නේ නම් දුප්පතුන් ගැනයි.

: 1 9

සෙනෙවිරත්න Tuesday, 13 September 2022 06:15 PM

පදිකයන් වම් පසින් ගමන් කිරීමත් මෙයට හේතුවක්

: 0 0

de silva Tuesday, 13 September 2022 08:13 PM

දේශපාලකයා ඡන්දෙ ගන්නකොට දුප්පතා ගැන කතාකරාට ඔවුන් මාර්ග හදනකොට පදික වේදිකා සහ පාපැදි වලට වෙනම තීරුවක් වෙන් කිරීම වැනි දේවල් සලකා බලන්නේ නැහැ. නිතරම උත්සාහ කරන්නේ අධිවේගී මාර්ග සහ වැඩකට නැති කුළුණු වගේ දේවල් හදන්න. ඒවාගෙන් කොමිස් ලැබෙන නිසා.

: 0 2

ඔබේ අදහස් එවන්න

දියත

නවතා තිබූ ට්‍රක් රථයේ ගැටී නාවික භටයා මරුට

2024 නොවැම්බර් මස 17 4 0

ත්‍රිකුණාමලය - මඩකලපුව ප්‍රධාන මාර්ගයේ ලංකා පටුන හන්දියේදී ඊයේ (16) රාත්‍රියේ සිදුවූ රිය අනතුරකින් නාවික භටයකු මිය ගිය බව ඊච්චලම්පත්තු පොලිසිය කියයි .