(නිමන්ති රණසිංහ)

පාර්ලිමේන්තු මන්ත්‍රිවරුන්වන නාමල් රාජපක්ෂ, පවිත්‍රා වන්නිආරච්චි, රෝහිත අබේගුණවර්ධන යන මහත්වරු ඇතුළු පාර්ලිමේන්තු මන්ත්‍රිවරුන් 06 දෙනකු සිය විදේශ ගමන් බලපත්‍ර කොළඹ කොටුව මහෙස්ත්‍රාත් අධිකරණයට අද භාරදී තිබේ.

මේ අතර සබරගමු පළාත් සභාවේ සභාපති කංචන ජයරත්න මහතා ද සිය විදේස් ගමන් බලපත්‍රය අධිකරණයට භාරදී ඇත.

මෙසේ ගුවන් ගමන් පත් භාරදුන් අනෙක් පාර්ලිමේන්තු මන්ත්‍රිවරුන් වන්නේ,’සී. බී. රත්නායක, සංජීව එදිරිමාන්න, සම්පත් අතුකෝරල යන මහත්වරුන්ය.

ගාලුමුවදොර සහ අරලියගහ මන්දිරය ඉදිරිපිට පැවැති සාමකාමී විරෝධතා ව්‍යාපාරවල සිටි පිරිසට පහරදීමේ සිද්ධියට අදාළව මෙම පාර්ලිමේන්තු මන්ත්‍රිවරුන් හත් දෙනා ඇතුළු 24 දෙනකුගේ විදෙස් ගමන් තහනම් කරන ලෙසට අධිකරණයෙන් නිකුත් වූ නියෝගයකට අනුව මෙම ගුවන් ගමන් පත්‍ර අධිකරණයට භාරදී තිබිණී.

මෙම සිද්ධියට අදාළව අපරාධ පරික්ෂණ දෙපාර්තමේන්තුව අත්අඩංගුවට ගෙන අධිකරණයට ඉදිරිපත් කළ පාර්ලිමේන්තු මන්ත්‍රි සනත් නිශාන්ත සහ මිලාන් ජයතිලක යන මහත්වරුන් ඇතුළු සැකකරුවන් 14 දෙනකු මේ වන විට රක්ෂිත බන්ධනාගාර ගත කර ඇත.