( රොමේෂ් මධුෂංක)

මන්නාරම කොන්දෙයිපිට්ටි වෙරලට ගොඩගසා තිබියදී සොයාගත් තරුණියකගේ මළසිරුරක්   හමු වී ඇතැයි මන්නාරම පොලීසිය පවසයි.

මියගොස් ඇත්තේ යාපනයේ පදිංචි 22 හැවිරිදි කීර්තනා නැමති තරුණියෙකි.

කොන්දෙයිපිටටි වෙරළ තීරයේදී ඊයේ (14)  සොයාගත් තරුණියගේ මළසිරුර මේ වන විට ඇයගේ මව විසින් හඳුනාගත් බව පොලීසිය කියයි.

මන්නාරම ප්‍රධාන පාලමේ සිට ඉකුත්  13 වැනිදා මුහුදට තරුණයක් වැටෙන අයුරු අසළ  සිටි ධීවරයින් පිරිසක් දැක මුහුදට වැටුණු  තරුණිය සෙව්වුද තරුණය අතුරුදහන්වී තිබිණි.

පසුව ඊයේ (14)  තරුණියගේ මළ සිරුර කොන්දෙයිපිට්ටි වෙරලට ගොඩගසා තිබියදී ප්‍රදේශවාසියෙකු දැක පොලීසියට දැනුම් දී තිබුණි.

පසුව තරුණියගේ මළසිරුර තිබූ ස්ථානයට ගොස් පොලීසිය විසින් පරික්ෂණ ආරම්භ කල අතර එහිදී මිය ගිය තරුණිය පසුගිය 11 වනදා තවත් තරුණයෙකු සමගින් මන්නාරම බස්නැවතුම්පලේදී හමු වී කතාකරන අයුරු සී.සී.ටී.වී කැමරා මගින් අනාවරනය කරගැනීමට පොලීසියට හැකිවී ඇත.

ඒ අනුව අදාල තරුණයා ඇගේ පෙම්වතා විය හැකි බවටත්  ඔහු සමග ඇති වූ පෙම් ආරවුලක් මත තරුණිය මන්නාරම් ප්‍රධාන පාලමෙන් පැන සියදිවි හානිකරගත්තේද නැතිනම් තරුණයා විසින් තරුණියව පාලමෙන් තල්ලුකරේද යන්න පිළිබදව සැකසහිත බැවින් ඒ පිළිබදව පුලුල් පරික්ෂණයක් අරඹා  ඇතැයි පොලීසිය කියයි.