මල්වතු - අස්ගිරි මහා නාහිමිවරුන්ගෙන් බුද්ධ ශාසන ලේකම්ට ලිපියක්

(ඩයනා උදයංගනී සහ ෂේන් සෙනෙවිරත්න)

රටේ කොරෝනා වසංගත තත්වයක් පවතිද්දී ත්‍රිපිටක සංරක්‍ෂණ පනත් කෙටුම්පත පිළිබඳ විද්වත් සභාවක් කැඳවා තිබීම අනුමත නොකරන බව මල්වතු අස්ගිරි මහ නා හිමිවරුන් බුද්ධ ශාසන ආගමික හා සංස්කෘතික කටයුතු අමාත්‍යාංශ ලේකම් මහාචාර්ය කපිල ගුණවර්ධන මහතාට ලිපියක් යොමු කරමින් දැනුම් දී තිබේ.

එබැවින් කොළඹ බණ්ඩාරනායක අනුස්මරණ ජාත්‍යන්තර සම්මන්ත්‍රණ ශාලාවේ දී අද (5) සිට තෙදිනක් පුරා පැවැත්වීමට යන මෙම විද්වත් සභාවට මල්වතු, අස්ගිරි පාර්ශවයන් නියෝජනය කරමින් කිසිවකුත් සහභාගී නොවන බව මහ නා හිමිවරුන් ලේකම්වරයාට දැනුම් දී ඇත.

තිබ්බටුවාවේ ශ්‍රී සුමංගල මල්වතු පාර්ශවයේ මහ නා හිමියන්ගේ සහ වරකාගොඩ ශ්‍රී ඤාණරතන අස්ගිරි පාර්ශවයේ මහ නා හිමියන්ගේ අත්සනින් මෙම ලිපිය යොමු කර ඇත.

යෝජිත ත්‍රිපිටක සංශෝධන පනත් කෙටුම්පත පිළිබඳව මහා සංඝරත්නයේ සහ විද්වතුන්ගේ නිර්දේශ ලබාගැනීම සඳහා අද (5), හෙට (6) සහ අනිද්දා (7) දිනවල පෙරවරු 9.00 සිට පස්වරු 4.00 දක්වා මෙම විද්වත් සභාව පවත්වන බැවින් එයට සහභාගී වන ලෙස තමන් වහන්සේලාට ආරාධනා කර ඇති බවත් මෙය එවැන්නක් පැවැත්වීමට සුදුසු අවස්ථාව නොවන නිසා ඊට සහභාගී නොවන බවත් මහ නා හිමිපාණන් වහන්සේලා පවසති.

අදාළ විශාරදයන් සමඟ දීර්ඝ අධ්‍යයනයකින් අනතුරුව මෙම පනත් කෙටුම්පතට අවශ්‍ය සංශෝධන ගෙනඒමට අපේක්‍ෂා කරන බැවින් මෙය කඩිනමින් සම්මත කිරීමට කටයුතු කිරීම උචිත නොවන බව ද උන්වහන්සේලා පවසති.

නිසි අධ්‍යයනයකින් තොරව මෙම පනත සම්මත කළහොත් අනාගතයේ නොයෙක් ශාසනික ව්‍යාකූලතාවන් නිර්මාණයවීමට ඉඩ ඇතැයි ද මල්වතු අස්ගිරි මහ නා හිමිවරු සිය ලිපියේ සඳහන් කර ඇත.

අදහස් (6)

මල්වතු - අස්ගිරි මහා නාහිමිවරුන්ගෙන් බුද්ධ ශාසන ලේකම්ට ලිපියක්

බද්රානි Thursday, 05 August 2021 09:19 PM

ශාසනයේ ව්‍යාකුල තත්වයන් ඇති වෙන්න ආයේ අමුතුවෙන් පනත් සම්මත කර ගන්න ඕනා නැහැ. ඒක දැනටමත් සිදු වෙලා ඉවරයි. ශාසනයයි, ත්‍රිපිටකයයි කරේ තියාගෙන නිවනට රැගෙන යන්න උත්සාහ නොකර, ඔය පන්සල් වල තියන සල්ලි වලින් මේ රටේ බෞද්ධ ජනතාවට උදව් උපකාර කරන්න. පන්සලේ පිං කැට පුරෝ පුරෝ ඉන්නේ නැතිව.

: 0 9

KAPILA Friday, 06 August 2021 12:18 AM

ඇති යංතං කාලෙකට පස්සේ මහානායක ස්වාමින්වහන්සේලා නිවේදනයක් නිකුත් කළා. මේකට වැඩිය කතා කලයුතු දේවල් නැද්ද?.

: 0 1

Sri Lanka Friday, 06 August 2021 03:08 AM

රටම කොරෝනා අර්බුදයක කිව්වට රට හදන අයට කිසිම අවුලක් නෑ. කොරෝනා කියන්නේ ආණ්ඩුවලට දේව වරමක් වගේ...

: 0 2

කසුන් - ගම්පහ Friday, 06 August 2021 06:25 AM

අප රටේ ඇතැම් විහාරස්ථානවල විහාරාධිපති භික්ෂූන් නොමනා හැසිරීමෙන් යුතු වුණත් ඔවුන්ව ඉවත්කර වෙනත් සිල්වත්, ගුණවත්, ධර්මධර, විනයධර ස්වාමීන් වහන්සේ නමක් වැඩම කරවීමට ගම්වාසීන්ට නොහැකියි. ඒ විහාර දේවාලගම් පනතේ ඇති අඩුපාඩු නිසයි. ඒ වගේම අධිකරණවලින් වැරදිකරුවන් වූ චීවරධාරීන් පවා තමන්ගේ ලොකු හාමුදුරුවන්ට අයත් වෙනත් ප්‍රදේශවල පන්සල්වලට ගිහින් සිල්වතුන් වගේ ඉන්නවා.. ඔවුන්ව උපැවිදි කිරීමේ බලයක් අධිකරණයට නැහැ. එවන් තව බොහොමයක් කාරණා තියෙනවා. ශාසන පරිහාණියට මෑත කාලීනයේ යෙදුණ හේතු ගොඩක් තියෙනවා. ඒ නිසා අදට ගැලපෙන පණත්, කෙටුම්පත්, කතිකාවත් ගේන්න ඕනෑ. දැනට බෞද්ධ කටයුතු කොමසාරිස්ට ඇති බලතල ප්‍රමාණය මදි... නීතියෙන්ම බෞද්ධ කටයුතු කොමසාරිස්ට බලය මීට වඩා පැවරෙන වැඩ පිළිවෙලක් සකස්විය යුතුයි..

: 0 5

Cisco Friday, 06 August 2021 09:19 AM

මේ පනත ඇත්තටම අනවශ්‍ය එකක්...

: 0 1

ලලිත් එම් Friday, 06 August 2021 01:51 PM

හාමුදුරුවනේ, සහභාගි වීම කෙසේ වෙතත් කියන කිසිම දෙයක් ගණන් ගන්නේ නෑ. ඒ හින්දා ගියත්, නොගියත් වෙනසක් නෑ.

: 0 4

ඔබේ අදහස් එවන්න

දියත

දෙදරු මව යටකර ගිය සැරයන්ගේ වැඩතහනම්

2024 නොවැම්බර් මස 06 441 0

බීමත්ව යතුරුපැදිය පදවා දෙදරු මවක යටකර පලාගිය පොලිස් සැරයන්වරයෙකුගේ වැඩ තහනමකට ලක්කල බව කළුතර ජේ්‍යෂ්ඨ පොලිස් අධිකාරී කාර්යාලය පවසයි.

රනිල් ට්‍රම්ප්ට සුබ පතයි

2024 නොවැම්බර් මස 06 740 0

ඇමරිකා එක්සත් ජනපදයේ ජනාධිපති ධුරය සඳහා යළිත් පත් වූ ඩොනල්ඩ් ට්‍රම්ප් මහතාට අට වැනි විධායක ජනාධිපති රනිල් වික්‍රමසිංහ මහතා එක්ස් පණිවිඩයක් තබමින් ස

ගාල්තැන්න කපුවාගේ වාහන අංගනයෙන් තව සැක වාහනයක් හමුවේ

2024 නොවැම්බර් මස 06 1734 0

වාහන සිද්ධියක් සම්බන්ධයෙන් දැනට රක්ෂිත බන්ධනාගාරගතව සිටින ගාල්තැන්න ප්‍රදේශයේ ප්‍රසිද්ධ දේවාලයක දේව ගැතිවරයාගේ වාහන අංගනයේ තිබූ තවත් සැකකටයුතු මි

ඉතිහාසයේ ලොකුම අල්ලසට දඬුවම් ලැබෙයි

2024 නොවැම්බර් මස 06 2495 0

ශ්‍රී ලංකා ඉතිහාසයේ විශාලතම අල්ලස වශයෙන් සැළකෙන රුපියල් කෝටි 12 1/2 ක අල්ලසක් ඉල්ලා ලබාගත් බවට චෝදනා ලැබ සිටි රේගු අධිකාරීවරුන් සිව්දෙනාම අදාළ චෝදනාවන්ට

“පුංචි ඡන්දෙටත් ලෑස්ති වෙන්න”

2024 නොවැම්බර් මස 06 540 0

මහ මැතිවරණයෙන් පසු ඉතා ඉක්මනින්ම පළාත් පාලන මැතිවරණය පැවැත්වීමට සූදානම් වන්නැයි මැතිවරණ කොමිෂන් සභාවේ සභාපති ආනන්ද රත්නායක මහතා සියලුම දිස්ත්‍රික

කොකේන් සමඟ විදේශිකයෙක් මාට්ටු

2024 නොවැම්බර් මස 06 450 0

රුපියල් කෝටියකට ආසන්න වටිනා කොකේන් මත්ද්‍රව්‍ය ගුලි තොගයක් ගිල දමා සිටි සීරාලියොන් ජාතිකයෙකු බොරැල්ල කොටා පාර ප්‍රදේශයේදී අත්අඩංගුවට ගත් බව පොලිස