‘‘මිහින්තලේ ආරක්ෂාව ඉවත් කරලා‘‘

(උපුල් හේරත්)

ඓතිහාසික මිහින්තලා පුදබිමේ ඉදිකිරීම් වැඩවල නියැලුණ හා ආරක්ෂාව සඳහා යොදවා තිබූ සිවිල් ආරක්ෂක දෙපාර්තමේන්තුවේ සාමාජිකයන් ,යුධ හමුදා සෙබළුන් කිසිදු දැනුම් දීමකින් තොරව ඉවත් කර ඇති බව මිහින්තලේ රජමහා විහාරාධිපති වලවාහැංගුණවැවේ ධම්මරතන හිමියෝ පවසති.

ඓතිහාසික මිහින්තලා පුදබිමේ ඉදිකිරීම් ක්ෂේත්‍රය සඳහා යොදවා තිබුණේ යුද හා නාවික හමුදාව ඇතුළු සිවිල් ආරක්ෂක දෙපාර්තමේන්තුවේ සාමාජිකයන් පිරිසකි.

කිසිදු දැනුම් දැනුම් දීමකින් තොරව මෙම සෙබළුන් ඉවත් කිරීම පිළිබඳව ඓතිහාසික මිහින්තලා රජ මහා විහාරස්ථානයේ ආරක්ෂාව පිළිබඳව පැන නැගෙනුයේ විශාල ගැටළුවක් බව නා හිමියෝ අවධාරණය කරති.

මෙසේ සිදු වීමට හේතුව ජාතික හෝ ජාත්‍යන්තර මැදිහත්වීමක් දැයි උන්වහන්සේ කරුණු විමසයි.

මිහින්තලා පුද බිමේ පිහිටි ධාතු මන්දිරයේ ඉදිරි දොරටුව ගලවා ඉවත් කිරීමෙන් පසු,එහි සේවය කළ සෙබළුන් ඉවත් වීම නිසා ,මහ රහතන් වහන්සේලාගේ ධාතුන් ,භෂ්මාවශේෂ ,රනින් නිම කරන ලද සතර වරම් දෙවියන්ගේ ප්‍රතිමා ,පෙරදා මිහිඳු මහරහතන් වහන්සේ පුද පූජා පැවැත් වූ ස්වර්ණමය බුද්ධ ප්‍රතිමාව ,කිලෝ සියයකට අධික බරකින් යුත් පස් ලෝ ප්‍රතිමා කිහිපයකද ආරක්ෂාව නැති වී ඇති බව නා හිමියෝ අවධාරණය කරති.

මෙම විහාරස්ථානයෙන් එකතු වෙන මුදල්වලට අමතරව දෙස්- විදෙස් ධානපතියන් ගෙන් ලැබෙන මුදල් එකතු කර අනාගත පරපුර වෙනුවෙන් ඉදි කරනු ලබන මෙම සිද්ධස්ථාන හිටි හැටියේ කඩා කප්පල් කිරීමට ගන්නා ලද තීරණය පිළිබඳව රටවාසීන් දැනගත දැන ගත යුතුව ඇතැයි උන්වහන්සේ කියති.

අදහස් (9)

‘‘මිහින්තලේ ආරක්ෂාව ඉවත් කරලා‘‘

යෝගා Friday, 03 February 2023 01:31 PM

කතා කළා වැඩියි. ඒකයි හේතුව...

: 4 24

jayasekaraFriday, 03 February 2023 03:33 PM

උන්වහන්සේ කතා කළේ පොදුජනතාවගේ පැත්ත අරන් මිසක්.. පක්ෂයක පැත්ත අරන් නෙවෙයි.

: 5 11

sharm warn Friday, 03 February 2023 01:35 PM

හා හා... දැන් ඉතින් හොරකම් කරන්න මොනවද තියෙන්නේ කියලා ලැයිස්තුවම දිග ඇරියනේ... එන සතියේ ලියන්න පුළුවන්... මිහින්තලා විහාරයේ දඹරන් පිළිම අතුරුදන් තියලා...

: 3 36

පිටිගල මිලානෝ Friday, 03 February 2023 02:45 PM

රටක හමුදාවක් යොදලා ආරක්ෂා කරගන්න කරම් දේපල බුදුන්වහන්සේටවත් තිබුනේ නැහැ. ඒ උත්තමයාටත් තිබුනේ නොවටිනා පඩු සිවුරු දෙකක් සහ පාත්‍රයක් පමණයි. දැන් ඔබටම තේරෙනවා නේද රැස් කිරීමේ ථල විපාක. ඒ නිසයි රැස් කිරීමම අබෞද්ධයි කියන්නේ. තව හයියෙන් අඩලා දේපල ආරක්ෂා කරලා දෙන්න කියන්න.

: 2 1

සමන් විමල් Friday, 03 February 2023 08:34 PM

ආරක්ෂා කරන්නේ සිංහල බෞද්ධ ඉතිහාසයයි...

: 1 3

Ariyathilaka Friday, 03 February 2023 03:01 PM

චන්ද්‍රිකා බණ්ඩාරනායක කුමරතුංග රජය කළ 1995 දිඹුලාගල නායක සවාමින් වහන්සේට තිබූ ප්‍රබල ආරක්ෂාව ඉවත් කිරීමෙන් කොටි සංවිධානය විසින් නාහිමියන් ඝාතනය කළා... එවකට තිබූ ආණ්ඩුව සහ විධායකය විසින් දිඹුලාගල නාහිමියන්ට රජයෙන් දී තිබූ ආරක්ෂාව සෙනසුන් භූමියේ තිබූ හමුදා කඳවුර ඉවත් කළා. නාහිමියන් අප සමඟ ඒ බව පවසා ඇත.. එහි සත්‍යතාවය ද මැනවින් දනී. එලෙස බෞද්ධ සිද්ධස්ථානයන්ට ආරක්ෂාව සැලසීමට රජය බැඳී ඇත. යම් හෙයකින් මේ ස්වාමින් වහන්සේලාට අනතුරක් වීමට ප්‍රථම නීතියේ රැකවරණය සලසාදීම වගකිව යුත්තන්ගේ වගකීමයි...

: 2 5

Sunil Friday, 03 February 2023 06:18 PM

ජේ.ආර්. ජයවර්ධන කපටි මහල්ලාගේ කාලේ ගැටඹේ රජෝපවනාරාමයටත් ඔහොයමයි සැලකුවේ. මේ මහල්ලත් අනුගමනය කරන්නේ එම කුහක ප්‍රතිපපත්තියම තමයි.

: 1 2

Bamunuarachchi Sunday, 05 February 2023 03:20 PM

අඟේ ඉඳන් කණ කන්න ගියාම ඔහොම වෙනවා....

: 0 0

Rohana Sunday, 05 February 2023 04:44 PM

දේශපාලන පළිගැනීමක් මේක. එතකොට මේ ප්‍රජාතන්ත්‍රවාදී, සමාජවාදී ජනරජයේ කතාකිරීමේ නිදහස නැද්ද?

: 0 0

ඔබේ අදහස් එවන්න

දියත

පිපිරිමකින් තරුණයෙක් මරුට

2024 නොවැම්බර් මස 17 67 0

අගුණකොලපැලැස්ස , රන්න පාරේ ඉන්ධන පිරවුම් හල අසල පිහිටි වාහන වලට තීන්ත ආලේපනය කරන ගරාජයක් තුළ තිබූ යකඩ බැරලයක් හදිසියේ පුපුරාගොස් එහි කැබැල්ලක් ගෙලෙහි

පළාත් කිහිපයකට අදත් වැසි

2024 නොවැම්බර් මස 17 13 0

බස්නාහිර, මධ්‍යම, සබරගමුව, දකුණ, ඌව සහ වයඹ පළාත්වල සවස් කාලයේදී හෝ රාත්‍රී කාලයේදී වැසි හෝ ගිගුරුම් සහිත වැසි ඇති වන බව කාලගුණවිද්‍යා දෙපාර්තමේන්තුව කි