(මොහොමඩ් ආසික්)

මහනුවර අනුරගම හාරගම ඇතුළු  ප්‍රදේශවලට ඊයේ රාත්‍රියේ දැණුනු භූ චලනයක් වැනි සිදුවිම සම්බන්ධයෙන්  අද (30) විශේෂ පරීක්ෂණයක් සිදු කරන බව භූ විද්‍යා සමීක්ෂණ හා පතල් කැනීම් කාර්යාංශය පවසයි.

මහනුවර ඇතුළු ප්‍රදේශවලට විශාල ශබ්දයක් ඇසුණු බවත් එය හරියට බෝම්බයක් පිපිරෙන ශබ්දයට සමාන බවත් ප්‍රදේශවාසීහු සඳහන් කළහ.

මේ සම්බන්ධයෙන් අදහස්  දැක්වූ ප්‍රදේශයේ ජනතාව ප්‍රකාශ කරන්නේ මෙම  සිදුවීම හේතුවෙන් තම නිවස ද ඉරි තලා ගොස් ඇති බවයි.

කෙසේ නමුත් ප්‍රදේශයේ ජනතාව ප්‍රකාශ කරන්නේ  බෝම්බයක් පුපුරණ ශබ්දයට සමාන ශබ්දයක් ඇසුණු බවත් ඒ සමඟ තම නිවාස හෙල්ලෙන්නට පටන් ගත් බවත් පසුව පොළොව යටින් යමක් දිව යන ආකාරයේ කම්පනයක් දැනුණ බවයි.

කෙසේ නමුත් මෙය  කුමන සිදුවීමක් ද යන්න සොයා ගැනීමට පරීක්ෂණ සිදු කරන බව භූ විද්‍යා සමීක්ෂණ සහ පතල් කාර්යාංශය ප්‍රකාශ කරයි.