(විමුක්ති එස් රුද්රිගු)
යුක්රේනයට සහ ඊශ්රායලයට ඇමෙරිකානු ඩොලර් බිලියන 106 ක ආධාර පැකේජයක් ලබා දීම සඳහා ඇමෙරිකා එක්සත් ජනපද ජනාධිපති ජෝ බයිඩන් සෙනෙට් සභාවට ඉදිරිපත් කළ පනත් කෙටුම්පත රිපබ්ලිකන් සෙනෙට් සභිකයෝ ප්රතික්ෂේප කරනු ලැබූහ.
රුසියානු හමුදාවන්ට දිගටම පීඩනය එල්ල කිරීම සඳහා යුක්රේනය වෙනුවෙන් ඇමෙරිකානු ඩොලර් බිලියන 61 ක මුදලක් මෙම ආධාර පැකේජයට ඇතුලත් වී තිබිණ.මෙම මුදල නොලැබුනහොත් ශීත කාලයේදී යුක්රේනයට දරුණු ප්රතිවිපාකවලට මුහුණ දීමට සිදු වනු ඇති බවත් එය රුසියාවට ත්යාගයක් වනු ඇති බවත් ඇමෙරිකානු ජනාධිපතිවරයා ප්රකාශ කළේය.එසේම හමාස් සංවිධානයට එරෙහිව සටන් වැදීම සඳහා ඊශ්රායලයටද මෙම ආධාර පැකේජය ඉතා වැදගත් බව ජනාධිපති බයිඩන් පෙන්වා දුන්නේය.
දේශ සීමාව හරහා සෑම දිනකම ඇමෙරිකා එක්සත් ජනපදයට ඇතුලුවන 10000 ක් මෙක්සිකානු සංක්රමණිකයන් සම්බන්ධයෙන් ක්රියාමාර්ග ගැනීමට බයිඩන් රජය අපොහොසත් වී ඇති බැවින් ආධාර පැකේජය සඳහා ඉදිරිපත් වී ඇති පනත් කෙටුම්පතට ඡන්දය නොදෙන බව පෙන්වාදෙමින් රිපබ්ලිකන් සෙනෙට් සභිකයන් 49 දෙනාම පනත් කෙටුම්පතට විරුද්ධව ඡන්දය භාවිත කර ඇත.රිපබ්ලිකන් සෙනට්සභිකයන් 49 දෙනා සමඟ සෙනෙට් සභික බර්නි සැන්ඩර්ස්ද පනත් කෙටුම්පතට විරුද්ධව ඡන්දය ප්රකාශ කළේය.පනත් කෙටුම්පත සම්මත වීම සඳහා සෙනෙට් සභාව තුළ ඡන්ද 60 ක් ලබා ගත යුතුව තිබිණ.ඇමෙරිකා එක්සත් ජනපද සෙනෙට් සභාවේ සාමාජිකයන් ගණන 100 කි.
යුක්රේනය සහ රුසියාව අතර යුද්ධයෙන් රුසියාව ජයග්රහණය කළහොත් නේටෝ සාමාජිකයන්ට පහර දිය හැකි තත්ත්වයකට රුසියාව පත්වනු ඇති බවත් එවිට ඇමෙරිකානු හමුදා ද යුද්ධයට පැටලෙනු ඇති බවත් ඇමෙරිකානු ජනාධිපතිවරයා අනතුරු ඇඟවූවේය.පුටින් යුක්රේනය අල්ලා ගනු ලැබුවහොත් එතැනින් නතර නොවනු ඇති බවත් ඔහු නේටෝ සාමාජිකයන්ටද පහරදෙනු ඇති බවත් ජනාධිපති ජෝ බයිඩන් පුරෝකථනය කළේය. එවිට වර්තමානයේ උද්ගත වී නොමැති තත්ත්වයක් ඇති වී ඇමෙරිකානු හමුදා සහ රුසියානු හමුදා සටන් වදිනු ඇතැයි ජනාධිපති බයිඩන් පැවැසුවේය.
එම නිසා කිසිම විටකත් ජනාධිපති පුටින්ට ජයග්රහණය කිරීමට ඉඩ ලබා දිය නොහැකි බව ඇමෙරිකානු ජනාධිපති ජෝ බයිඩන් ප්රකාශ කළේය.
පාර්ලිමේන්තු මන්ත්රීවරුන්ට නොමිලේ නිකුත් කර ඇති මුද්දර පාර්ලිමේන්තුව විසුරුවා හැරීමත් සමඟම පාවිච්චි කිරීම තහනම් හෙයින් ඒවා ළඟම තැපැල් කාර්යාලයට
වැඩබලන පොලිස්පතිවරයා ලෙස පත් කෙරුණු ජ්යෙෂ්ඨ නියෝජ්ය පොලිස්පති ප්රියන්ත වීරසූරිය මහතාගේ එම වැඩ බැලීමේ තනතුර අනුමත කිරීමට ජනාධිපතිවරයා එවා ඇති නි
රුපියල් කෝටි 04ක් වටිනා මනෝවර්ධක පෙති සහ කොකේන් ලඟ තබා ගත් බවට චෝදනා ලැබු ජර්මන් පුරවැසිභාවය හිමි ශ්රි ලංකිකයකු විත්තියේ සාක්කි නොකැඳවාම නිදොස් කොට න
මහ මැතිවරණයේදී සමාජ මාධ්ය නිසියාකාරව පාවිච්චි කරන්නේදැයි වහාම විපරමක් කරන ලෙස පැෆරල් සංවිධානය මැතිවරණ කොමිෂන් සභාවෙන් ඉල්ලීමක් කරයි.
අධිවේගී මාර්ග සංචාරක රථවාහන කොට්ඨාසයට අනුයුක්ත පොලිස් කොස්තාපල්වරයෙකුගේ මල සිරුරක් කාණුවක තිබී අද (7) හමු වූ බව පමුණුගම පොලිසිය කියයි
පාස්කු ඉරුදින ප්රහාරයට සම්බන්ධ පිරිස් නීතියේ රැහැනට හසුකරගෙන හැකි ඉක්මනින් එහි වින්දිතයන්ට සාධාරණයක් ඉටු කරන ලෙස රජයෙන් ඉල්ලා සිටින බව ගම්පහ දිස්
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
යුක්රේනයට - ඊශ්රායලයට ආධාර ඉල්ලූ බයිඩන්ගේ යෝජනාව පරදියි
fairoos Thursday, 07 December 2023 04:43 PM
මෙයත් අපේ නන්දසේන වගේ තමයි.. ජෝකර් බයිඩන්.