(විමුක්ති එස් රුද්‍රිගු)

යුරෝපයේ ධනවත්ම පුද්ගලයා වන බර්නාර්ඩ් ආර්නොල්ට් ලොව ධනවත්ම පුද්ගලයා වන ඊලෝන් මස්ක්ට එරෙහිව නඩුවක් ගොනු කර ඇතැයි " ද ඩේලි ටෙලිග්‍රාෆ්" පුවත්පත වාර්තා කළේය.

ආර්නොල්ට්ට අයත් ලේ පැරීසියන් සහ ලෙස් එකෝ පුවත්පත්වල අන්තර්ගතයන් ඊලෝන් මස්ක්ට අයත් එක්ස් සමාජ මාධ්‍ය ජාලය තුළ මුදල් ගෙවීමකින් තොරව භාවිත කර ඇතැයි චෝදනා කරමින් බර්නාර්ඩ් ආර්නොල්ට් ඊලෝන් මස්ක්ගේ එක්ස් සමාජ මාධ්‍ය ජාලයට එරෙහිව නඩු පැවැරුවේය.

පුවත්පතක හෝ සඟරාවක ඇතුළත් වන අන්තර්ගතයක් ඩිජිටල් මාධ්‍යයේ භාවිත කරන විට ඒ සඳහා ගෙවීමක් කළ යුතු බවට 2019 වසරේ නිකුත් කර ඇති යුරෝපා මාර්ගෝපදේශයන් එක්ස් සමාජ මාධ්‍ය උල්ලංඝනය කර ඇතැයි එම චෝදනාවේ සඳහන් වේ.

බර්නාර්ඩ් ආර්නොල්ට් යුරෝපයේ ධනවත්ම පුද්ගලයා වන අතර ඔහුගේ දළ වත්කම ඇමෙරිකානු ඩොලර් බිලියන 164 කි. ඊලෝන් මස්ක් ලෝකයේ ධනවත්ම පුද්ගලයා වන අතර ඔහු දළ වත්කම ඇමෙරිකානු ඩොලර් බිලියන 319 කි.

මේ සමග අධිකරණය තුළ ලොව ධනවත්ම පුද්ගලයන් දෙදෙනකුගේ සටනක් ඉදිරියේදී ලෝකයට බලාගැනීමට හැකියාව ලැබුණු ඇත.