(සුජිත් හේවාජුලිගේ සහ අංජුල මහික වීරරත්න)
දිවයින පුරා වනරක්ෂිතවලට අයත් ඉඩම් අක්කර තුන් ලක්ෂ තිස් දෙදහසක් කෝටිපති ව්යාපාරිකයන් සහ ප්රභූවරුන් ඇතුළු විවිධ තරාතිරම්වල පිරිස් සඳහා වගා කටයුතු ඇතුළු නොයෙකුත් ව්යාපෘති වෙනුවෙන් මේදක්වා නිදහස් කර ඇතැයි තොරතුරු අනාවරණයවී ඇති බව පරිසරය, ස්වාභාවික සම්පත් සහ තිරසාර සංවර්ධනය පිළිබඳ ආංශික අධීක්ෂණ කාරක සභාව පවසයි.
වන රක්ෂිතවල ඉඩම් මෙලෙස විවිධ පුද්ගලයන්ගේ මනදොළ සැපිරීම සඳහා මෙලෙස නිදහස් කිරීමෙන් රටේ පරිසරයට බරපතළ තර්ජනයක් ඇතිවන බව එම කාරක සභාවේ සභාපති ගම්පහ දිස්ත්රික් පාර්ලිමේන්තු මන්ත්රී අජිත් මාන්නප්පෙරුම මහතා පැවසීය.
මේ අතර 2018 වර්ෂයේ සිට 2022 වර්ෂය දක්වා අලි මිනිස් ගැටුම හේතුවෙන් අලි මරණ 1967ක් සිදුවී ඇති අතර අලින්ගේ පහරදීම හේතුවෙන් පුද්ගලයන් 667 දෙනකු මරුමුවට පත්ව ඇතැයිද එම කාරක සභාවේදී තොරතුරු හෙළිවිය.
මෙම කාලයේ අලි මිනිස් ගැටුම වැළැක්වීම සඳහා වැය කර ඇති මුදල රුපියල් කෝටි 12කට වැඩි බව කාරක සභාව පවසයි.
මේ වසරේ පමණක් අලි මරණ 273 ක් සිදුව ඇතැයිද මෙහිදී සඳහන් විය.
පරිසර ස්වභාවික සම්පත් සහ තිරසාර සංවර්ධනය පිළිබඳ පාර්ලිමේන්තු ආංශික අධීක්ෂණ කාරක සභාව එහි සභාපති පාර්ලිමේන්තු මන්ත්රී අජිත් මාන්නප්පෙරුම මහතාගේ ප්රධානත්වයෙන් පාර්ලිමේන්තුවේදී පසුගියදා රැස්විය. මෙම තොරතුරු අනාවරණය වූයේ එම රැස්වීමේදීය.
අලින්ගේ ශරීරවල ඇති වෙඩි උණ්ඩ ගැන විපරමක් කළහොත් එම වෙඩි උණ්ඩවලින් සියයට හැටක්ම වනජීවි සංරක්ෂණ දෙපාර්තමේන්තුවට අයත් ඒවා බව හුස්ම සංවිධානයේ නියෝජිතයෝ කාරක සභාවට පෙන්වා දුන්හ.
හක්ක පටස්, විදුලිය දැමීම වැනි හේතු මත සිදුවන අලි මරණ සම්බන්ධයෙන් ක්රියාත්මකවීමට නීතියක් නැතැයි පරිසර සංවිධාන නියෝජිතයෝ පෙන්වා දුන්හ.
ඒ සම්බන්ධයෙන් නීති කෙටුම්පතක් සකස් කර දෙන ලෙස සභාපති අජිත් අජිත් මාන්නප්පෙරුම මහතා නිලධාරීන්ට උපදෙස් දුන්නේය.
කලාවැව රක්ෂිතය මේ දක්වාම රක්ෂිතයක් ලෙස ගැසට් කර නැතැයි පරිසර නියෝජිතයෝ පෙන්වා දුන්හ. එම ගැසට්ටුව ඉදිරියට ගැනීමට කොපමණ උත්සහ ගත්තත් එය හමස් පෙට්ටියට යන බවද ඔවුහු සඳහන් කළහ.
කලාවැව රක්ෂිතය අලි මරණ රැසක් සිදුවන කලාපයක් ලෙස හඳුනාගෙන ඇතැයි මෙහිදී තොරතුරු අනාවරණය විය.
මේ සම්බන්ධයෙන් සාකච්ඡා කිරීම සඳහා වන ජීවී සංරක්ෂණ දෙපාර්තමේන්තුව සහ වන සංරක්ෂණ දෙපාර්තමේන්තුවේ ප්රධානීන් හෙට(10 ) අගහරුවාදා එම ආංශික අධික්ෂණ අධික්ෂණ කාරක සභාවට නැවතත් කැඳවීමට නියමිතය.
දුම්රිය මාර්ගයේ අලි ඇතුන් මිය යන්නේ එකම කලාපයක බවත් අවුරුදු ගණනාවක් ගත වුවද අලි ගැටළු පවතින එම කි.මීටර් 7-8 ප්රදේශය හඳුනාගෙන අලි ඇතුන්ගේ ඇතුන්ගේ ආරක්ෂාවට ආරක්ෂිත ක්රියාමාර්ග ගැනීමට බලධාරීන් අපොහොසත්වී ඇති බවත් කමිටුවේදී තොරතුරු අනාවරණයවිය.
2024 ඉදිරි මහ මැතිවරණයට ඉදිරිපත්වන සියලු අපේක්ෂකයන්ගේ නම් හෙට (12) ලංකාදීප පුවත්පතේ පළ කෙරේ .
අපරාධ බුද්ධි විශ්ලේෂණ හා නිවාරණ කොට්ඨාසයේ නව අධ්යක්ෂවරයා ලෙස විශ්රාමික ජ්යෙෂ්ඨ පොලිස් අධිකාරී ශානි අබේසේකර මහතා පොලිස් කොමිෂන් සභාවේ අනුමැතිය ම
රුපියල් කෝටි පහමාරක බදු රජයට අහිමි කරමින් රේගුවට හොර රහසේ ආනයනය කළේ යැයි අත්අඩංගුවට ගෙන අධිකරණයට ඉදිරිපත් කළ මිට්ෂුබිසි වර්ගයේ සුඛෝපභෝගී මොන්ටේරෝ ජ
රාජ්ය සාහිත්ය සම්මාන ප්රදානෝත්සවය සහ රාජ්ය ළමා නාට්ය උළෙල මැතිවරණ කොමිෂන් සභාවේ උපදෙස් පරිදි තාවකාලිකව අවලංගු කළ බව බුද්ධ ශාසන ආගමික හා සංස්කෘත
ඇමෙරිකා ඩොලර් දෙලක්ෂ පහලොස් දහසක පමණ වටිනාකමකින් යුතු ආසනික් විෂ සහිත සැමන් තොගයක් නැවත ප්රති අපනයනය කිරීමට කටයුතු කර ඇතැයි රජයේ ප්රවෘත්ති දෙපාර්ත
මෙම වසරේ නොබෙල් සාම ත්යාගය ජපාන සංවිධානයක් වන නිහෝන් හිඩැන්කියෝ හිමිකර ගත්තේය. න්යෂ්ටික අවි වලින් තොර ලෝකයක් ඇති කිරීමට ලබාදෙන දායකත්වය වෙනුවෙන් ස
ඔබ භාවිත කරනුයේ කුඩා යතුරු පැදියක් හෝ අධි සුඛෝපභෝගී මෝටර් රියක් හෝ වේවා එහි බැටරියට හිමිවනුයේ ප්රධාන අංගයකි. වාහනයක් කරදර වලින් තොරව සිත්සේ භාවිත කර
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
රක්ෂිතවල අක්කර ලක්ෂ 3ක් කෝටිපතියන්ට බෙදලා
ravin Monday, 09 October 2023 12:33 PM
පරිසරය, ස්වාභාවික සම්පත් සහ තිරසාර සංවර්ධනය පිළිබඳ ආංශික අධීක්ෂණ කාරක සභාව?
dhamneth Monday, 09 October 2023 03:45 PM
රජයේ කැලෑ ඉඩම් වගාකිරීම සහ ව්යාපාරිකයන්ට දීමේදී රජයට පාඩු නොවී ක්රියාකළ හැකි ක්රම කීපයක් තිබෙනවා. රජය මගින් ගස් කපාගැනීම... ගස් වෙන්දේසි කිරීම... ඉඩම් ලබාගෙන, ගස් කපාගෙන ඉඩම් වගා නොකර සිටින්නන්ගෙන් දඩමුදලක් අයකිරීම...