රජයට එක්කෝටි පනස් ලක්ෂයක පාඩුවක් කළ වට්ටක්කා

(සුජිත් හේවාජුලිගේ සහ අංජුල මහික වීරරත්න )

අතිරික්තව පැවති වට්ටක්කා තොග මිලදී ගැනීම නිසා රජයට රුපියල් එක් කෝටි පනස් ලක්ෂයක පමණ පාඩුවක් සිදුවී ඇතැයි රජයේ ගිණුම් පිළිබඳ පාර්ලිමේන්තු කාරක සභාව (කෝපා) පවසයි.

මෙම පාඩුව සිදුවී ඇතැයි පැවසෙන්නේ 2018 වර්ෂයේ මහා කන්නයේ වට්ටක්කා මිලදී ගැනීමේදීය.

විධිමත් වගා සැලැස්මක් නොමැති වීම නිසා ඇතැම් බෝගවල අතිරික්තයක් ඇතිවී විශාල අස්වනු හානියක් කලින් කලට සිදුවන බව පෙනී ගොස් ඇතැයි එම කාරක සභාව පාර්ලිමේන්තුවට ඉදිරිපත් කළ වාර්තාවක සඳහන් වේ.

නව කෘෂි කර්මාන්ත ප්‍රතිපත්තියක් සකස් කර එම ප්‍රතිපත්තියේ දළ සැලැස්මක් වහාම ඉදිරිපත් කරන ලෙස රජයේ ගිණුම් පිළිබඳ කාරක සභාව එම කාරක සභාව හමුවේ පෙනී සිටි කෘෂිකර්ම අමාත්‍යාංශයේ ලේකම්වරයාට පසුගියදා දැනුම් දී ඇත.

නව කෘෂිකර්ම ප්‍රතිපත්තියක් සකස් කෙරෙමින් පවතින බවත් ඒ සඳහා ජනතා අදහස් ලබා ගැනීම මේ දිනවල සිදුකරන බවත් අමාත්‍යාංශයේ ලේකම්වරයා මෙහි දී කාරක සභාවට මෙහිදී දැනුම් දුන්නේය.

එම කෙටුම්පත සකස් කිරීමෙන් පසුව නීති කෙටුම්පත් දෙපාර්තමේන්තුවට ඉදිරිපත් කරන බවද ඔහු වැඩිදුරටත් ප්‍රකාශ කළේය.

රජයේ ගිණුම් පිළිබඳ පාර්ලිමේන්තු කාරක සභාවේ විශේෂ වාර්තාවක් එහි සභාපති මහාචාර්ය තිස්ස විතාරණ මහතා විසින් පාර්ලිමේන්තුවට පසුගියදා ඉදිරිපත් කරනු ලැබීය. මෙම තොරතුරු සඳහන් වන්නේ එම වාර්තාවේය.

අදහස් (8)

රජයට එක්කෝටි පනස් ලක්ෂයක පාඩුවක් කළ වට්ටක්කා

පැරකුම් Saturday, 16 October 2021 11:10 AM

දියුණු රටවල හිතුමතයට මහ පරිමාණයෙන් ගොවිතැන් කළ නොහැකිය. ඒ සඳහා රටේ අවශ්‍යතාවය අනුව සකස්කළ සැලැස්මක් ඇත. ඒ අනුව බෝග අතිරික්තයක් ඇති නොවේ... අපේ රටේ ඉන්න උගත් කෘෂි විද්‍යාඥයින් අපේ බදු මුදලින් රටරටවල සංචාරය කොට මේවා දැකබලා ඉගෙනගෙන ඇති.. නමුත් කිසිවක් කරන්නේ නැත... කාට කියන්නද?

: 1 41

අප්පුහාමි Saturday, 16 October 2021 12:02 PM

1948 දී නිදහස ගත්තත් රටේ පාලනය සදහා එක් එක් අංශයේ ජාතික ප්‍රතිපත්තියක් සකස් කලේ නැහැ .මුල සිටම යමක් කමක් තිබුන අයගේ බලාපොරොත්තුව වුනේ රජකම ගැනීම මිස රටේ සංවර්ධනය නොවෙයි පක්ෂ හදහදා රට බෙදීම කලා.අවුරුදු 73 ක් ගතවෙන මේ කාලය වනවිට ලංකාව ශාක් කලාපයේ දුප්පත්ම රට වෙලා අවසන්. රටේ නායකයො කරන්නෙ පෝශ්‍ය දායක ආහාරයක් නොගෙන ක්ෂනික නූඩ්ල්ස් කන්නා වගේ රට පාලනය කිරීමයි

: 0 8

චන්දන Saturday, 16 October 2021 12:32 PM

අධ්‍යාපනයට, කෘෂිකර්මාන්තයට, ආර්ථිකයට කිසිම ප්‍රතිපත්තියක් නැහැ. ඉතිං රටක් දියුණු වෙන්නේ කොහොමද?

: 0 9

Kumara Saturday, 16 October 2021 01:05 PM

අපෝ ඕක මොකක්ද? මේ කරලා තියෙන හොරකම්වල හැටියට...

: 10 7

අනුර Saturday, 16 October 2021 02:09 PM

ප්‍රතිපත්ති පමණක් නොව දැනීමෙන් හා හරියාකාර සැලසුම් වලින් තොර ගන්නා තීරණ නිසා රට දිනෙන් දිනම ආර්ථික අතින් විශාල පාඩු ලබමින් සිටී. වෙනත් රටවල වට්ටක්කා කැඳ ඉතාමත් පෝෂ්‍යදායක හා රසවත් ආහාරයකි. වට්ටක්කා වියලා අබරා පැකැට් තුලට අසුරා කැඳ සඳහා අධික මිලට විකුනනු ලබයි. අපටද මෙසේ සකස් කිරීමට හැකියාවක් අැත්නම් පිටරට වලට ආනයනය කොට විදේශ විනිමය පවා උපයා ගත හැක.

: 0 27

පින්තේරිස්Saturday, 16 October 2021 03:32 PM

අනුරගේ අදහස නිවැරදි වුණත් පාලකයින් හා නිලධාරින්ගේ දැනුම රින තත්වයක් ගන්නා විට අනුන්ගේ අදහස් නොපිළිගනී. ලංකාවේ කෘෂිකර්ම අංශයේ උන්දැලා පිළිගන්නේ ආනයනය කළ අදහස් පමණි...

: 0 39

anuraSaturday, 16 October 2021 05:47 PM

පාලකයන් හෝ වෙන කෙනෙකු කෙරේ විශ්වාසය නෙතබා තම ශක්තිය කෙරෙහි විශ්වාසය තබා තම කර්මාන්තයක් සුලුවෙන් හෝ ආරම්භ කරන්න. යුරෝපයේ වට්ටක්කා කැඳ ඉතාමත්ම ජනප්‍රිය ආහාරයකි. මට ඇති අද්දැකීම් නිසයි මම මෙසේ ලිව්වේ. මේ හැරුණු විට පලතුරු වියළා පැකට් කොටද අපනයනය කළ හැකිය. මේවා වැඩි මිලකට යුරෝපා රටවල විකිණේ...

: 0 16

Bamunuarachchi Sunday, 17 October 2021 07:30 PM

රටේ වැඩිවෙන රටට බරක් වෙන මුස්ලිම් ළමයි ටිකත් සල්ලි දීලා අරගන්න එක...

: 1 0