(අංජුල මහික වීරරත්න)

රත්නපුර නව නගරයේ පිහිටි  ඉඩම් කොටසක් සබරගමුව පළාත් සභාව වෙත ලබාදීමට කැබිනට් අනුමැතිය ලැබී තිබේ.

රත්නපුර නව නගරයේ පළාත් සභා සංකීර්ණය අසල හෙළ බොජුන් හලක් ස්ථාපිත  කිරීම සඳහා ඉඩම් කොටසක් ලබාදෙන ලෙස සබරගමුව පළාත් සභාව විසින් නාගරික සංවර්ධන අධිකාරිය වෙත ඉල්ලීමක් ඉදිරිපත් කර ඇත.

ඒ සඳහා නාගරික  සංවර්ධන අධිකාරිය වෙත පවරා ගනු ලැබ ඇති පර්චස් 23.10 ක ඉඩම් කොටසක් හඳුනා ගෙන තිබේ.

එම ඉඩම සඳහා රජයේ ප්‍රධාන තක්සේරුකරු විසින් තක්සේරු  කර ඇති වෙළඳපළ වටිනාකම දැනටමත් සබරගමුව පළාත් සභාව විසින් නාගරික සංවර්ධන අධිකාරිය වෙත ගෙවනු ලැබ ඇතැයි රජය කියයි.

ඒ අනුව එම ඉඩම් කොටස රත්නපුර ප්‍රාදේශීය ලේකම් මගින් සබරගමු පළාත් සභාව වෙත පැවරීමට හැකිවන පරිදි ඉඩම් කොමසාරිස්  ජනරාල් මෙතන නිදහස් කිරීම පිණිස නාගරික සංවර්ධන හා නිවාස අමාත්‍යවරයා ඉදිරිපත් කළ යෝජනාව අමාත්‍ය මණ්ඩලය විසින් අනුමත කර ඇත.