(සුජිත් හේවාජුලිගේ)

දිස්ත්‍රික්ක පහළොවක  වගාකරුවන්  3544 දෙනකු රබර්  නැවත වගාව සහ නව වගාව  සදහා  රජයෙන් වගා  සහනාධාර මුදල් ගැනීමෙන් පසු  වගාව අත්හැර දමා  රුපියල් කෝටි දොළහකට වැඩි මුදලක් නැවත  ගෙවීම පැහැර හැර ඇතැයි ජාතික විගණන කාර්යාලය නිකුත් කළ වාර්තාවක සඳහන්
වේ.

එම මුදල අය කර ගැනීමට රබර් සංවර්ධන දෙපාර්තමේන්තුව කටයුතු කර නොතිබූ බවද එහි දැක්වේ.

දිස්ත්‍රික්ක පහළොවක වගාකරුවන් 32563 දෙනෙකු සඳහා රබර් නැවත වගාව සහ නව වගාව වෙනුවෙන් වගා සහනාධාර මුදල් දී තිබූ බව ජාතික විගණන කාර්යාලය පවසයි.

මේ අතර දෙපාර්තමේන්තුවේ  පැළ තවාන් අටක පැළ ප්‍රමාණයෙන් සියයට 64ක ප්‍රමාණයක් පමණක් පසුගිය වසරේදී බෙදා හැර නමුත්  පැළ ප්‍රමාණයෙන් සියයට විස්සක් එනම්  රබර් පැළ 186578ක් එම වර්ෂයේදී විනාශ වී තිබූ බවද   වාර්තාව සඳහන් කරයි.

රබර් සංවර්ධන දෙපාර්තමේන්තුවේ මෝටර් වාහන තුනක් සහ යතුරුපැදි 16ක්  එම දෙපාර්තමේන්තුව යටතට පවරා ගැනීමට කටයුතු කර නොතිබූ බව විගණන වාර්තාවේ දැක්වේ. මෙම තොරතුරු සඳහන් වන්නේ රබර් සංවර්ධන දෙපාර්තමේන්තුවේ  2023 වාර්ෂික වාර්තාවට ඇතුළත් කරනු ලැබ ඇති විගණන වාර්තාවේය.