රාජගිරියේ තදබදයෙන් දහස් ගාණක් අමාරුවේ

(සුජිත් හේවාජුලිගේ)

රාජගිරිය හන්දිය ප්‍රදේශයේ ( ගුවන් පාලම ආශ්‍රිතව) දිනපතා උදේ වරුවේ ඇතිවන අධික රථවාහන තදබදය හේතුවෙන් කාර්යාල සේවක සේවිකාවෝ දැඩි දුෂ්කරතාවයන්ට පත්වෙති.

කාලයක පටන් පවතින මෙම තදබදයට කිසිදු විසඳුමක් ලැබී නැතැයි එම සේවික සේවිකාවෝ පෙන්වා දෙති.

අධික තදබදය හේතුවෙන් විශේෂයෙන්ම උදය වරුවේදී රාජගිරිය ප්‍රධාන මාර්ගයට නාවල සහ අනෙකුත් ප්‍රදේශවලින් (අතුරු මාර්ගවලින්) පිවිසෙන ජනතාවට පැය ගණන් රස්තියාදු වීමට සිදුවී ඇතැයි පෙන්වා දෙන එම සේවක සේවිකාවෝ මේ තදබදය හේතුවෙන් නියමිත වේලාවට රැකියාවන්ට යෑමට නොහැකිවීමෙන් විවිධ අපහසුතාවන්ට මුහුණ දෙන බවද ප්‍රකාශ කරති.

පාර්ලිමේන්තුව ඇතුළු රජයේ ආයතන රැසක් ඒ අවට පිහිටා ඇති හෙයින් කාර්යාල සේවක සේවිකාවන් දහස් සංඛ්‍යාත පිරිසක් අතුරු මාර්ගවලින් රාජගිරිය ප්‍රධාන මාර්ගයට පිවිසෙන බවද පැවසේ.

ගුවන් පාලමක් තිබුණ ද ප්‍රදේශයේ තදබදය කාලයක සිට දිගටම පවතින හෙයින් මේ සඳහා වහාම විසඳුමක් දෙන්නැයි ප්‍රදේශයේ ජනතාව රජයෙන් සහ පොලිස් ප්‍රධානීන්ගෙන් ඉල්ලීමක් කරති.

මේ සම්බන්ධයෙන් අප පොලිස් රථ වාහන මූලස්ථානය බාර නියෝජ්‍ය පොලිස්පති ඉන්දික හපුගොඩ මහතාගෙන් කළ විමසුමකදී ඔහු පැවසුවේ උදය වරුවේ එම ප්‍රදේශයේ යම් රථ වාහන තදබදයක් පවතින බව පිළිගන්නා බවයි.

එම තදබදය වැළැක්වීමට තමා වැඩපිළිවෙළක් සකස් කර ඇති බවත් මැතිවරණයෙන් පසුව එම වැඩපිළිවෙළ ක්‍රියාත්මක කිරීමට කටයුතු කරන බවත් ඔහු සඳහන් කළේය.

මැතිවරණ රාජකාරි හේතුවෙන් පොලිස් නිලධාරින් ප්‍රමාණවත් පරිදි රථවාහන රාජකාරියේ යෙදවීමට නොහැකිවී තිබෙන බවද නියෝජ්‍ය පොලිස්පතිවරයා පැවසීය.

අදහස් (6)

රාජගිරියේ තදබදයෙන් දහස් ගාණක් අමාරුවේ

dileepa1986 Wednesday, 13 November 2024 03:20 PM

කවදාවත් ඉස්සරහට රථවාහන තදබද අඩුවන්නේ නෑත. වැඩි වනවා මිස. ඕකට ගන්න පුලුවන් එකම ක්‍රියාමාර්ගය පොදු ප්‍රවාහනය ශක්තිමත් කිරීමයි. බස්රථ සදහා ප්‍රමුඛතා මංතීරුවක් ලබාදීම. කිසිදු බස් රථයකට කොට කොට යාම තහනම් කිරීම. නවත්වාගෙන සිටිම තහනම් කිරීම. එම ක්‍රියාවන් අධීක්ෂණය සදහා සිවිල් නිලධාරින් යොදවා එම නීති කඩකරන බස් රථවලට උපරිම දඩකොලයක් එම අවස්ථාවේ නැතිව සාක්ෂියක් සමග නිවසට එවීම. එවිට වෙනදාට පැය දෙකක් පමණ යන බස් ගමනට පැය බාගෙන් යා හැකි වීමෙන් කාර් රථවල යන මිනිසුනුත් බස් වල යාමට පටන් ගැනීම. එවිට තවත් රථවාහන ප්‍රමාණයක් මාර්ගයෙන් අඩුවීම. එවිට ඉන්ධන සදහා වැයවන ඩොලර් ප්‍රමාණයක් ඉතිරිවීම. සියලුම මිනිසුන්ගේ කාලය ඉතිරිවීම. වාහන අඩුවීමෙන් කාබන්ඩයොක්සයිඩ් ප්‍රමාණය අඩුවීම. බලන්න කරනවනම් එක පොඩි දෙයයි කරන්න තියෙන්නෙ.

: 1 79

KUMARASENA VIDANAPATHIRANA Wednesday, 13 November 2024 03:56 PM

මොනොරේල් හොඳම විසඳුම් වලින් එකකි. මාලඹේ සිට කොටුව දක්වා අත්හැර දමා තිබූ මොනොරේල් ව්‍යාපෘතිය ඔවුන් නැවත ආරම්භ කිරීමට යන බව මට ආරංචි විය.

: 1 46

නිමල් Wednesday, 13 November 2024 04:02 PM

2024 දී සම්පූර්ණ කිරීමට නියමිතව තිබූ MRT රේල් project එක අතුරුදන් කළ වුන් මෙයට වග කිව යුතුයි.

: 0 21

Lokka Wednesday, 13 November 2024 04:30 PM

මුලින්ම ඔය ගුවන් පාලම සැලසුම් කලෙ HSBC බැංකුව ලඟ ඉඳලා ආයුර්වේද හංදිය වෙනකම් ඉදි කරන්න. යහපාලනෙන් අනවශ්‍ය වියදම් කියලා පාලම කොට කළා.. අන්තිමට මාර්ග තදබදය වැඩි වුණා...

: 2 17

Hemal Wednesday, 13 November 2024 04:43 PM

බස් මංතීරු නීතිය ක්‍රියාත්මක කරන්න ගොඩාක් විසඳුම් ලැබේවි..!

: 1 7

ලලිත් පුෂ්පකුමාර Wednesday, 13 November 2024 07:03 PM

ඕක අයුර්වේද වටරවුමට ගේන්න තිබ්බා. කොහේද පලපුරුදු අයගේ අක්‍රමිකතාවක් නිසා පාලම කොට වුණා කියලා තමයි අවට ප්‍රදේශවාසීන් කියන්නේ...!

: 1 15

ඔබේ අදහස් එවන්න

දියත

ලංකාදීප ඡන්ද ප්‍රතිඵල විශේෂ අතිරේකය සෙනසුරාදා

2024 නොවැම්බර් මස 14 741 0

මහ මැතිවරණ ප්‍රතිඵල 2024 ඡන්ද ප්‍රතිඵල විශේෂ අතිරේක සෙනසුරාදා පත්‍රය සමඟ

ආදර්ශ ඡන්ද පත්‍රිකා සමඟ අයෙක් අල්ලයි

2024 නොවැම්බර් මස 14 4 0

ත්‍රිකුණාමල දිස්ත්‍රික්කයට තරග වදින අපේක්ෂකයෙකුට ඡන්දය හා මනාපය සලකුණු කළ ආදර්ශ ඡන්ද පත්‍රිකා 125 ක් සන්තකයේ තබාගෙන යතුරුපැදියක ගමන් කර සිටි අයෙකු අද (1

බිත්තර සහ කුකුළු මස් මිල ඉහළට

2024 නොවැම්බර් මස 14 106 0

එතනෝල් නිෂ්පාදනය සදහා ඉතා විශාල ලෙස බඩඉරිගු තොග යොදා ගන්නා බැවින් බිත්තර සහ කුකුළු මස් මිල අධික ලෙස ඉහළ ගොස් ඇතැයි සමස්ත ලංකා බිත්තර නිෂ්පාදකයන්ගේ

අද විනිමය අනුපාතය: 14 නොවැම්බර් 2024

2024 නොවැම්බර් මස 14 19 0

සංස්කෘතිය හරහට දඹාන උපනායක ඡන්දය එපා වේ

2024 නොවැම්බර් මස 14 858 0

2024 මහ මැතිවරණය වෙනුවෙන්, දඹාන ආදිවාසී ගම්මානයේ දඹාන කනිෂ්ඨ විද්‍යාලයේ ඡන්දය ප්‍රකාශ කිරීමට ගිය ආදිවාසී උප නායක ගුණබන්ඩියලා ඇත්තන් ඇතුළු පවුලේ පිරිස ඡ

මැතිවරණ රාජකාරියට ආ නිලධාරියා හදිසියේ මරුට

2024 නොවැම්බර් මස 14 623 0

නිකවැරටිය මැතිවරණ කොට්ඨාසයට අයත් ,කොබෙයිගනේ ප්‍රදේශයේ ඡන්ද මධ්‍යස්ථානයක මැතිවරණ රාජකාරි සඳහා පැමිණි නිලධාරීයකු එම ඡන්ද මධ්‍යස්ථාන වැසිකිලියක්