(විමුක්ති එස් රුද්රිගු)
ශ්රී ලංකාව නවවැනි විධායක ජනාධිපතිවරයා ලෙස තේරී පත්වූ අනුර කුමාර දිසානායක මහතාට සුබ පැතුම් එක් කරන බවත් මෙරට බහුතරයක් අනුර කුමාර දිසානායක මහතා වෙත තැබූ විශ්වාසය ගැන සිහි තබා ගනිමින් ආණ්ඩුක්රම ව්යවස්ථාව සහ ප්රජාතන්ත්රවාදී සම්ප්රදායයන් රකිනු ඇතැයි දැඩිව බලාපොරොත්තු වන බවත් ලංකා සභාව ජනපති පදවි ප්රාප්තිය පිළිබඳ සුබ පැතුම් පණිවුඩයක් නිකුත් කරමින් ප්රකාශ කළේය.
මෙරට ජනතාවට සාමාන්ය පරිදි ජීවිත ගත කිරීමට හැකිවන පරිදි සුමට බල හුවමාරුවක් සහ සිවිල් ජන ජීවිතය ඉක්මනින් යථා තත්වයට පත් කිරීමක් අපේක්ෂා කරන බවද ලංකා සභාව පැවැසුවේය. තමාට ඡන්දය නොදුන් ජනතාව ඇතුළු මේ රටේ සියලුම ජනතාවගේ ජනාධිපතිවරයා තමා බව නව ජනාධිපතිතුමා මතක තබා ගත යුතු බවත් එම පිරිසට වාර්ගික සහ ආගමික සුළුතරයක් මෙන්ම සමාජයේ කොන්වී සිටින බොහෝ අයද ඇතුළත් බවද මතක තබා ගත යුතු බවත් ලංකා සභාව ප්රකාශ කළේය.
බියෙන් හා තැතිගැනීමෙන් තොරව තම ඡන්ද බලය භාවිත කිරීමට ජනතාවට අවස්ථාව ලැබුණු සාමකාමී, සන්සුන් හා සාධාරණ මැතිවරණයක් ලෙස මෙවර මැතිවරණය ඉතිහාසයට එක්වීම ප්රශංසනීය බවත් නිදහස් හා සාධාරණ මැතිවරණයක් සහතික කිරීම සඳහා කටයුතු කළ සියලුම පාර්ශවවලට ස්තුතිය පළ කරන බවත් ලංකා සභාව පැවැසුවේය.
මැතිවරණ සමය සහ මැතිවරණ දිනය මෙරට ජනතාවගේ පරිණතභාවයට සහ රටේ අඛණ්ඩ ප්රජාතන්ත්රවාදී සම්ප්රදායට සාක්ෂියක් වූ බවද ලංකා සභාව ප්රකාශ කළේය.මෙවර මැතිවරණයේදී පොලිතින් භාවිතයේ, විශාල පුවරු සහ පෝස්ටර් භාවිතයේ කැපී පෙනෙන අඩුවීමක් දක්නට ලැබුණු බවද ලංකා සභාව පැවැසුවේය.
නව ජනාධිපතිවරයාට ලැබුණු ජනවරමින් පැහැදිලිව පෙන්නුම් කරන්නේ ඥාති සංග්රහය, ගජ මිතුරුකම්, දූෂණය සහ මැතිවරණ ආසන්නයේදී අවස්ථාවාදී දේශපාලනඥයන්ගේ පැතිමාරුවීම් ජනතාව ප්රතික්ෂේප කිරීමක් බවද ලංකා සභාව ප්රකාශ කළේය. අධික ණය බර නිසාත් ලාභදායි ආර්ථික ක්රියාකාරකම් සඳහා අවස්ථාව නොමැති කම නිසාත් මෙරට ජනතාව ජීවිතය ගැට ගසා ගැනීම සඳහා අඛණ්ඩ අරගලයක නිරතවන බවද ලංකා සභාව පැවැසුවේය.
නව පරිපාලනය කැපවීමෙන් සහ කඩිනමින් යුතුව සිය වැඩකටයුතු ආරම්භ කර රටේ මූලික ප්රශ්නවලට ඉතාමත් ඉක්මනින් විසඳුම් සෙවීමේ අභියෝගය සමග පොරබදනු ඇතැයි බලාපොරොත්තු වන බවත් දැන් කතාවන් ක්රියාත්මක කිරීමට කාලය බවත් ලංකා සභාව ප්රකාශ කළේය.
කොළඹ රදගුරු දුෂාන්ත රුද්රිගු සහ කුරුණෑගල රදගුරු නිශාන්ත ප්රනාන්දු පියතුමන්ලාගේ අත්සනින් යුතුව මෙම සුබ පැතුම් පණිවුඩය ලංකා සභාව නිකුත් කර තිබිණි.
මෙරට ඇති වූ දරුණුතම ආර්ථික අර්බුදයෙන් පසුව ශ්රී ලංකාවේ ආර්ථිකය නැවත ධනාත්මක මාවතක් කර රැගෙන ඒමට උපකාරී වූ දුෂ්කර ජයග්රහණ ඉදිරියට ගෙන යාම සඳහා ජනාධි
තිරප්පනය සහ කැකිරාව යන පොලිස් වසම්තුල සිදුවූ රිය අනතුරු දෙකකින් යුද හමුදා සෙබළෙකු සහ කාන්තාවක් ජීවිතක්ෂයට පත්ව ඇති බව පොලිසිය පවසයි.
වෙළඳපොලේ බිත්තරයක සිල්ලර මිල විශාල වශයෙන් පහල ගොස් තිබේ.
බදුල්ලේ සිට මහනුවර බලා ධාවනය වු දුම්රියක් දෙමෝදර දුම්රිය ස්ථානය ආසන්නයේදී අද (24) දහවල් පීලි පැනීමකට ලක්ව ඇතැයි නාවලපිටිය දුම්රිය පාලක මැදිරිය පවසය
රනිල් වික්රමසිංහ හිටපු ජනාධිපතිවරයා නැවත මැතිවරණ වලට ඉදිරිපත් වන්නේ නැතැයි එක්සත් ජාතික පක්ෂ නියෝජ්ය නායක රුවන් විජයවර්ධන මහතා පැවසීය.
ඉදිරි මහමහැතිවරණයේ දී කටයුතු කළ ආකාරය සම්බන්ධයෙන් සාකච්ඡා කිරීම සඳහා සියලුම ආසන සංවිධායකවරුන් අද (24) කොළඹට කැඳවා ඇතැයි සමගි ජන බලවේගය පවසයි.
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
ලංකා සභාවෙන් ජනපතිට සුභ පැතුම්