(ශාන්ත චන්ද්‍රසිරි)

කොට පැටවීම සඳහා  භාවිතා කරනු ලබන ලොරි රථයක් (බුම් යන්ත්‍රයක්) නානුඔය, රදැල්ල, වංගිඔය වත්තේ පහළ කොටසේදී මාර්ගයෙන් ඉවතට පැන අඩි 200 ක පමණ ප්‍රපාතයකට අද  (23) පෙරළීයාමෙන් එහි ගමන් ගත් එක් අයෙකු මියගොස් තවත් පුද්ගලයන් තුන්  දෙනෙකු තුවාල ලබා ඇතැයි නානුඔය පොලීසිය පවසයි.

මියගිය පුද්ගලයාගේ අනන්‍යතාවය මෙතෙක් අනාවරණය වී නොමැති බව පොලීසිය කියයි. 

තුවාල ලැබුවන්ගෙන් දෙදෙනෙකු බරපතල තුවාල ලබා ඇති බවත්, තුවාල ලැබුවන් සියල්ලම  ප්‍රතිකාර සඳහා නුවරඑළිය මහ රෝහල වෙත ඇතුලත් කොට ඇතැයි පොලීසිය සඳහන් කරයි.

වතුයායේ කපන ලද ගස් තොගයක් ලොරි රථවලට පැටවීමට භාවිතා කිරීම  සඳහා මෙම  රථය රැගෙන යමින් සිටියදී වතු මාර්ගයෙන් ඉවතට පැන අනතුරට ලක්ව ඇති බව පොලීසිය  සිදු කරන ලද මූලික පරීක්ෂණයේදී අනාවරණය වී ති‌‌බේ. 

නානුඔය පොලීසිය මෙම අනතුර සම්බන්ධයෙන් වැඩිදුර  පරීක්ෂණ සිදු කරනු ලබයි.