2024 නොවැම්බර් මස 19 වන අඟහරුවාදා
(ඩයනා උදයංගනී)
ශ්‍රී ලංකා වෛද්‍ය සභාවේ කටයුතු පිළිබඳව සොයාබැලීම සඳහා සෞඛ්‍ය අමාත්‍ය පවිත්‍රා වන්නිආරච්චි මහත්මිය විසින් පංච පුද්ගල විශේෂඥ කමිටුවක් පත් කරනු ලැබ ඇත.
වෛද්‍ය සභාවේ ක්‍රියාකලාපය සම්බන්ධයෙන් විවිධ පාර්ශ්වයන්ගෙන් තමන්ට පැමිණිලි ලැබී ඇති බවත් ඒ සම්බන්ධයෙන් සොයාබැලීම සඳහා මෙම කමිටුව පත් කළ බවත් සෞඛ්‍ය අමාත්‍යවරිය පැවසුවාය.
විශේෂඥ වෛද්‍ය මහාචාර්ය හේමන්ත පෙරේරා, රාගම වෛද්‍ය පීඨයේ හිටපු පිඨාධිපති මහාචාර්ය ප්‍රෂාන්ත විජේසිංහ, විශේෂඥ වෛද්‍ය මෛත්‍රී චන්ද්‍රරත්න, විශේෂඥ වෛද්‍ය දර්ශන සිරිසේන යන මහත්වරුන් සහ විශේෂඥ වෛද්‍ය අනුලා විජේසුන්දර මහත්මිය මෙම කමිටුවේ සාමාජිකයෝ වෙති.
මේ වන විට වෛද්‍ය සභාවේ ස්වාධීනත්වයට බලපෑම් ඇතිව තිබෙන බවත්, එම බලපෑම් ඉවත් කරන නැවතත් ස්වාධීන ආයතනයක් බවට පත් කරන ලෙසත් තමන් වෙත පැමිණිලි කළ පාර්ශව ඉල්ලා ඇතැයි ද ඇමැතිවරිය කීවාය.
ජාත්‍යන්තරය පිළිගත් විදේශීය විශ්ව විද්‍යාල කිහිපයක ලියාපදිංචිය අහෝසි කිරීම සම්බන්ධයෙන් ඇති වූ සිද්ධි, වෛද්‍ය සභාව තුළ පුරප්පාඩු වී ඇති නියෝජිතයින් පත් කිරීම සඳහා පැවැත්විය යුතු නිලවරණය දිගින් දිගටම කල්දැමීම, වෛද්‍ය සභාවේ ලියාපදිංචි වීමට අවශ්‍ය අවම අධ්‍යාපන සුදුසුකම්වත් සපුරා නොමැති වෛද්‍යවරුන් එහි ලියාපදිංචියට කටයුතු කිරීම, විදෙස් වෛද්‍ය උපාධිය ලබාගත් ශිෂ්‍යයින්ගේ වෛද්‍ය උපාධිය ලියාපදිංචි කිරිම සඳහා පවත්වනු ලබන ඊ.ආර්.පී.එම් විභාගය කල්දැමීම සහ වෛද්‍ය සභාව තුළ එහි විෂය පථයට හා පවතින නීතිවලට පරිබාහිර පැමිණිලි විභාග කිරීම ආදී වශයෙන් තමා වෙත වෛද්‍ය සභාවට එරෙහි පැමිණිලි ගණනාවක් ලැබී ඇතැයි ද ඇමති පවිත්‍රා වන්නිආරච්චි මහත්මිය පැවසුවාය.
ශ්‍රී ලංකාවේ වෛද්‍ය සභාව ප්‍රඥප්තියක් මගින් ස්ථාපිත කළ ස්වාධීන ආයතනයක් බවත් එහි ප්‍රධානතම වගකීම රෝගී අයිතිවාසිකම් සුරකිමින් ගුණාත්මක වෛද්‍ය සේවයක් පවත්වා ගැනීම, වෛද්‍ය අධ්‍යාපනයේ ප්‍රමිතිය ආරක්ෂා කිරීම හා වෛද්‍යවරුන් නියාමනය කිරීම බවත් ඇය කීවාය.
වෛද්‍ය සභාව ගන්නා තීන්දු තීරණ වල අවසන් වගකීම පැවරෙන්නේ සෞඛ්‍ය අමාත්‍යවරයාට බව කී පවිත්‍රා වන්නිආරච්චි මහත්මිය ඉහත පැමිණිලි සම්බන්ධයෙන් අධ්‍යයනය කර ස්වාධීන වාර්තාවක් ලබාදිම සදහා මෙම විශේෂඥ කමිටුවක් පත් කළ බව ද කීවාය.
මීට අමතරව ඒ සම්බන්ධයෙන් වෛද්‍ය සභාවෙන් ද වාර්තාවක් ඉල්ලා ඇතැයි කී ඇමැතිනි එම වාර්තාවන් ලැබුණු පසු අධ්‍යයනය කර වෛද්‍ය සභාවේ ස්වාධීනත්වය වෙනුවෙන් අවශ්‍ය පියවර ගැනීමට බලාපොරොත්තු වන බව ද ප්‍රකාශ කළාය.
සෞඛ්‍ය අමාත්‍යංශයට අයත් රෝහල් සහ ආයතන සදහා රුපියල් මිලියන 31.08ක මුදලක් වැයකොට ස්ථාපිතකර තිබු ඇගිලි සලකුණු යන්ත්‍ර 213ක් භාවිතයට නොගෙන නිෂ්ක්‍රියව පවත
හම්බන්තොට පවුල් සෞඛ්‍ය සේවිකාවකට ලිංගික අතවර කිරීමේ සිද්ධියක් සම්බන්ධයෙන් සෞඛ්‍ය රියදුරෙක් හම්බන්තොට මූලස්ථාන පොලීසිය මගින් අත් අඩංගුවට ගෙන ඇත.
‘ජී20’ සමුළුවට සහභාගී වීමට බ්‍රසීලයේ රියෝ දි ජිනැයිරෝ බලා යන අතරතුරේ, ඇමෙරිකා ජනාධිපති ජෝ බයිඩන්, ඇමසන් වැසි වනාන්තරය නැරැඹීමට ගියේය.
ඉරානයට සහ සෞදි අරාබියට පළා යාමේ අදහසින් , සිය වීසා කාළය ඉක්මවා , නීතිවිරෝධී ලෙස මෙරට රැදී සිටි බංගලදේශ ජාතිකයන් 08 දෙනෙකු , කටුනායක පොලිසියේ දූෂණ මර්දන අං
දිවයිනේ බොහෝ ප්‍රදේශවල තව දුරටත් පවතින අධික වර්ෂාව හේතුවෙන් දිස්ත්‍රික්ක හතරක ප්‍රාදේශීය ලේකම්කොට්ඨාස නවයකට නාය යෑමේ අනතුරු ඇඟවීම ජාතික ගොඩනැගිල
2024 නොවැම්බර් මස 05
384
0
වසර විසිපහක විශිෂ්ට ඉතිහාසයක් සහිත BMS කැම්පස් ආයතනය නවෝත්පාදනයන් පෝෂණය කරමින් අනාගත නායකයින් නිර්මාණය කරමින් සහ හැඩගස්වමින් විශිෂ්ට ආයතනයක් බවට මේ ව
2024 ඔක්තෝබර් මස 18
648
0
සියපත ෆිනෑන්ස් පීඑල්සී දීප ව්‍යාප්ත ශාඛා ජාලයේ 51 වැනි ශාඛාව කලූතර දිස්ත‍්‍රික්කයේ අර්ධ නාගරික ජනාකීර්ණ නගරයක් වූ මතුගම නගරයේදී පසුගියදා විවෘත කෙරිණ.
ඔබ භාවිත කරනුයේ කුඩා යතුරු පැදියක් හෝ අධි සුඛෝපභෝගී මෝටර් රියක් හෝ වේවා එහි බැටරියට හිමිවනුයේ ප‍්‍රධාන අංගයකි. වාහනයක් කරදර වලින් තොරව සිත්සේ භාවිත කර
වෛද්‍ය සභාවේ කටයුතු ගැන හොයන්න පංච පුද්ගල කමිටුවක්
dasun Thursday, 17 September 2020 05:32 AM
මේ කමිටුව වෛද්‍ය සභාවේ කටයුතු ගැනත් හොයනවද.?