( හිරාන් ප්‍රියංකර ජයසිංහ)

මහකුඹුක්කඩවල කිවුල තරුණ ව්‍යාපාරයෙ දරුවන් තිදෙනෙකුගේ පියකු තම වගාව ඉත්තෑවන්ගෙන් ආරක්ෂා කර ගැනිමට යොදා තිබු විදුලි කම්බියක පැටලි විදුලි සැර වැදිමෙන් මරණයට පත්ව ඇති බව මහකුඹුක්කඩවල පොලිසිය කියයි.

මෙසේ මරණයට පත්වි ඇත්තේ කිවුල තරුණ ව්‍යාපාරයෙ පදිංචි 66 හැවිරිදි බි.එම් .ජයසෝම නැමති  අයෙක් බව පොලිසිය කියයි.

අක්කර පහකට ආසන්න ඉඩමක වගා කටයුතු කර ඇති මෙම තැනැත්තා එම ඉඩම තුළ වු අක්කර කාලකට ආසන්න ප්‍රමානයන වගාකර තිබු එළවළු ඇතුළු දෑ ආරක්ෂා කර ගැනිම සදහා නිවසේ සිට අදින ලද විදුලි රැහැනක පැටලිමේන් මරණයට පත්වි ඇති බව පොලිසිය කියයි.

ඉත්තෑවන් ඇතුළු වන සතුන්ගෙන් දිගින් දිගටම වගාවට සිදුවන හානිය ඉවසා ගත නොහැකිව ඉතා අකමැත්තේන් මෙම විදුලි රැහැන යොදා තිබු බවත් එය අලුයම ඉවත් කිරීමට අමතක විමේන් පසු ඒ හරහා ගමන් කරමින් සිටියදී එකවර විදුලි සැර වැදි ඇති බව කියයි.

මෙම සිදුවිමට මුහුණ පෑ තැනැත්තා තම බිරිද සමග අලුත් අවුරුද්දට අවශ්‍ය කළමනා රැගෙන ඒමට මදුරන්කුලියට යාමට සුදානම් වි එය මදකට ප්‍රමාද කර ඉඩමේ වැඩක නිරතව සිටියදී මෙසේ ඔහු යෙදු විදුලි රැහැනේ පැටලි ඇති බව කියයි.

සිද්දිය සම්බන්ධව මහකුඹුක්කඩවල පොලිස්ථානාධිපති පොලිස් පරික්ෂක මායා රන්ජන් මහතාගෙ උපදෙස් මත විමර්ශණ කටයුතු අරඹා ඇති බව පොලිසිය කියයි.