විදෙස්ගත ශ්‍රමිකයින්ට හිමිවන තීරුබදු සහන ඉහළට

(ඩයනා උදයංගනී)

බැංකු පද්ධතිය හරහා මෙරටට මුදල් එවන විදෙස්ගත ශ්‍රමිකයන් සඳහා තීරු බදු සහනය ඉහළ දැමීමටත්, විදුලියෙන් ක්‍රියාකරන වාහනයක් මිලදී ගැනීම සඳහා අවස්ථාව දීමටත් අමාත්‍ය මණ්ඩල අනුමැතිය හිමිවූ බව කම්කරු හා විදෙස් රැකියා අමාත්‍ය මනුෂ නානායක්කාර මහතා අද (2) පැවසීය.

රට තුළ පවතින විදේශ විනිමය අර්බුදයට පිළියමක් වශයෙන් විගමනික ශ්‍රමිකයින් විසින් මෙරටට සිදුකරනු ලබන ප්‍රේෂණයන් වැඩිකිරීම සඳහා මෙම දිරි ගැන්වීම සිදුකරන බව අමාත්‍යවරයා සඳහන් කළේය.

අමාත්‍ය මනූෂ නානායක්කාර මහතා මේ බව පැවසුවේ රජයේ ප්‍රවෘත්ති දෙපාර්තමේන්තුවේ දී පැවති කැබිනට් තීරණ දැනුම්දීමේ මාධ්‍ය හමුව අමතමිනි.

ඒ අනුව විදෙස් ගත වී සිටි කාලය දවස් 90ට අඩු නම් ඩොලර් 187.50ක්, දින 90ත් 365ත් අතර නම් ඩොලර් 625ක් සහ දවස් 365ට වැඩි නම් ලබාදුන් ඩොලර් 1750ක තීරු බදු සහනය ඒ අයුරින්ම ලබාදෙන අතර, මෙරටට විදෙස් මුදල් එවූ ශ්‍රමිකයන් වෙත එවන මුදල් ප්‍රමාණය අනුව වැඩි තීරුබදු සහනයක් ලබාදීමට කටයුතු කරන බව අමාත්‍යවරයා සඳහන් කළේය.

අවම වශයෙන් ඩොලර් 2,400ක් එවා ඇති අයට විදෙස්ගතව සිටි කාලය දින 90ට අඩු නම් ඩොලර් 787ක්, දින 90ත් 365ත් ඩොලර් 1225 ක් සහ දින 365ට වැඩි 2350ක සහනයක් ලෙසත්, ඩොලර් 4,800ක් එවා ඇත්නම්, දින 90ට අඩු අයට ඩොලර් 1,175 ක්, දින 90ත් 365ත් අතර නම් ඩොලර් 1,585 ක් සහ 365ට වැඩි 2710 ක සහනයක් හිමිවන බව කී ඇමතිවරයා ඩොලර් 7200ක් එවා ඇත්නම් පිළිවෙලින් ඩොලර් 1627, 2065, 3190 ලෙසත්, ඩොලර් 12,000ක් එවා ඇත්නම් පිළිවෙලින් ඩොලර් 2587, 3025, 4150ක් සහ ඩොලර් 24,000ක් හෝ ඊට වඩා එවා ඇත්නම් පිළිවෙලින් ඩොලර් 4985, 5425, 6550 ලෙසත් ලබාදෙන තීරුබදු සහනය ඉහළ නංවා ඇතැයි ප්‍රකාශ කළේය.

එමෙන්ම ඩොලර් 3000 කට වඩා එවන අයට විදේශ විනිමය එවන අය වෙනුවෙන් එවපු මුදලෙන් අඩක වටිනාකමකින් යුත් විදුලි යතුරු පැදියක් ආනයනය කළ හැකි අතර, ඩොලර් 20,000 සිට 65000ක උපරිමය දක්වා විද්‍යුත් වාහන ගෙන්වීමට අවසර දෙන බව ඇමතිවරයා කීවේය.

මේ ගෙන්වන වාහන 300-500 අතර ධාවන පරාසසයක විය යුතු මෙන්ම සූර්ය බල පද්ධතිය මගින් ආරෝපනය කළ යුතු අතර එය තමන් විසින් ම සකස් කර ගැනීමට හෝ ගෙන්වා ගැනීමට කටයුතු කළ යුතු බවත්, ජාතික විදුලි පද්ධතියෙන් මෙම වාහන ආරෝපණය කිරීමට නොදෙන බවත් නානායක්කාර මහතා පැවසීය.

ඒ සදහා වන චක්‍රෙල්ඛනය ඉදිරියේ දී නිකුත් කරන බව ද ඇමතිවරයා කීවේය.

විදේශගත ශ්‍රී ලාංකිකයන් මුදල් ප්‍රමාණය ජූලි මස සිට යම් ප්‍රමාණයකින් ඉහළ ගොස් ඇතැයි කී ඇමතිවරයා මේ හේතුවෙන් තෙල්, ගෑස්, බෙහෙත් ගැනීමට අවස්ථාව හිමිවූ බව ද සඳහන් කළේය.

අදහස් (23)

විදෙස්ගත ශ්‍රමිකයින්ට හිමිවන තීරුබදු සහන ඉහළට

pathirana Tuesday, 02 August 2022 12:50 PM

විදේශ රටවල් ඉන්නේ හරක් කියලා හිතාගෙනද මන්දා. විදුලි වාහන ගේන්න අවසර ගෙනාව එකට අපි බදු ගෙවන්න ඕනෙ අපේම විදුලියෙන් ඒක චාජ් කරගන්න ඕනේ... අනේ අපි අහුවෙයි ඕවට...

: 6 22

Prabha Tuesday, 02 August 2022 01:01 PM

මරු කොන්දේසි ටික... ඔන්න අපි සල්ලි දාන්න පටන් ගත්තා...

: 2 19

mangala Tuesday, 02 August 2022 01:02 PM

පටන් ගැන්මක් වශයෙන් හොඳයි. නමුත් තව දියුණු කරන්න පුළුවන්... තීරුබදු සහන වැඩි වෙන්න.. වැඩිවෙන්න හැමෝම ඩොලර් එවන එක බැංකු මගින්ම කරයි.

: 4 14

senaTuesday, 02 August 2022 01:57 PM

පටන් ගැන්මක් වශයෙන් නෙමෙයි කොහොමත් හොද නෑ. විදේශ රටක අවුරුද්දක් දෙකක් ඉදලා එන කෙනෙකුට ඩොලර් 1000-2000 හොදටම ඇති ගෙදරකට අවශ්‍ය විදුලි බඩු ගන්න. ඊට පස්සේ මනුස්සයාට වාහන ගන්න නැත්නම් තමන්ගේ කියලා සුළු ව්‍යාපාරයක් පටන් ගන්න අවශ්‍ය උපකරන ගන්න එක. වාහනයක් වෙන්නත් පුලුවන්, වඩු මඩුවක් දාගන්න බඩු එහෙමත් නැත්නම් ගරාජ් එකක් වෙල්ඩින් වැඩ පොළක් දාගන්න අවශ්‍ය දේවල් වගේ දෙයක්. මහපොලවේ යතාර්ථය දන්නේ නැති ඇමතිවරු පත් උනාම රටටවත් මහ ජනයටවත් වැඩක් නෑ.

: 0 10

ලුම්බිණි Tuesday, 02 August 2022 01:10 PM

පළමුවෙන්ම තීරුබදු රහිත වාහන ගෙන්වීමට දැනට දෙන බලපත්‍ර ක්‍රමය නවතන්න. මේ තුළින් විදේශ විනිමය විශාල වශයෙන් ඉතුරු කරගත හැකියි...

: 2 16

Saman Tuesday, 02 August 2022 01:17 PM

ලංකාවේ ඉඳලා අන්තර්ජාලයෙන් මුදල් හොයන අයට මේක දෙන්න. ඔවුන් තමයි මේ රටේ නියම පුරවැසියෝ... ද්විත්ව පුරවැසියන්ට කිසීම පිළිගැනීමක් හෝ සදාචාරයක් හෝ අයිතිවාසිකමක් මේ රටේ නොලැබිය යුතුයි...

: 12 4

Sandaruwan PereraTuesday, 02 August 2022 04:39 PM

ඈ... ඔවුන් එවන්නේ සල්ලි නෙවෙයිද එතකොට...?

: 0 0

Thisath Tuesday, 02 August 2022 01:19 PM

ලංකාවේ ඉඳලා අන්තර්ජාලයෙන් මුදල් හොයන අයට මේකදෙන්න.

: 7 2

Perera Tuesday, 02 August 2022 01:54 PM

ඔය හොර තක්කඩි ඉන්නකන් අපි ලංකාවට සල්ලි එවන්නේ නෑ.

: 6 10

uk ranTuesday, 02 August 2022 05:22 PM

ඔය අනුර කුමාර ජනාධිපති වෙනකන් ඉන්නවද සල්ලි එවන්න. මේ කපේදී ඒක වෙන්නේ නෑ. ඔයා පවු...

: 0 2

SUNIL MILANO Tuesday, 02 August 2022 01:55 PM

Pathirana, Prabha කිසිම දෙයක් තේරුම් ගන්නේ නැතිව මැටිමෝල්ලු වගේ කතා කරන්න එපා. COMMENT'S දාන්න ඉස්සරවෙලා පොඩ්ඩක් තේරුම් ගන්න. මේ ක්‍රමයෙන් රටට විදේශ විනිමය ලැබෙනවා. අනිත් පැත්තෙන් විදේශ ශ්‍රමිකයන්ට හොදයි. මේ ගොඩක් අය දන්නේ නෑ දැනට අවුරුදු 42කට පෙර විදේශ විනිමය $5000ක් ලංකාවට ගෙනාවම DUTY FREE වාහනයක් ගේන්න පුලුවන් බව.

: 4 6

Harsha Tuesday, 02 August 2022 02:18 PM

විකාර... පාර්ලිමේන්තුවේ අය ප්‍රායෝගික යෝජනා අරගෙන එනවා.. ඇත්තෙන්ම මේවා කාලය කා දැමීමක්...

: 4 2

harsha Tuesday, 02 August 2022 02:22 PM

ඇයි බං මේ හරක්ට තේරෙන්නෙ නැත්තෙ ඩොලර් එවන්නේ නැති එකට හේතුව? ප්‍රශ්නෙ විසඳන්නේ නැතුව ගොං ආතල් දෙනවා.

: 7 7

Bamunuarachchi Tuesday, 02 August 2022 02:37 PM

මට බොහොම සන්තෝසයි... මම මේ යෝජනා කලේ බොහොම ඉස්සර. ඩොලර් ලක්ෂ 2 වඩා ඒවා ඇති අයට වාහන ගෙන්වා ගැනීමට බලපත්‍රයක් දෙන්න. මගේ අනික් යෝජනාව තමයි වී රජයට විකිනු ගොවියන්ට පමණක් පොහොර සහනාධාරය දෙන්න. ජාතික විදුලි පද්ධතියෙන් මෙම වාහන ආරෝපණය කිරීමට නොදෙන බවත් නානායක්කාර මහතා පැවසීය.

: 0 1

de silva Tuesday, 02 August 2022 03:24 PM

අලුත් ජන්දෙකින් අලුත් පාර්ලිමේන්තුවක් පත්කරගත්තට පස්සේ අපි කොන්දේසි විරහිතව මුදල් එවනවා. හොරුන්ට, මිනීමරුවොන්ට අනුග්‍රාහය දක්වන්න අපි කැමති නෑ.

: 0 0

fairoos Tuesday, 02 August 2022 03:29 PM

අහුවෙන්න එපා මෙයාලාගේ ගැටවලට...

: 4 4

ukranTuesday, 02 August 2022 05:24 PM

ඔයා හිතන් ඉන්නේ තම්බි කාවහරි ලංකාව පාලනය කරාවි කියලද? අනුර කුමාර එක්ක. ඔයාලා පවු...

: 0 1

ganegoda Tuesday, 02 August 2022 03:40 PM

හොරුන්ට බදුගෙවනවට වැඩිය හොඳයි... නොගෙවා ඉන්න එක... අද වෙනකන් මේ බදු සල්ලිවලින් සුඛෝපභෝගී ජීවිත ගතකරනවා හැරෙන්න රටට සිදුවන සුගතියක් නම් නැහැ.

: 1 2

Ajantha Tuesday, 02 August 2022 04:30 PM

කවදා ඉඳන්ද එවපු සල්ලි ප්‍රමාණය ගණන් කරන්නේ...? ලංකාවට එනකොට ගේන්න ඕනෑද? ගැසට් එක එනකම් ඉන්න වෙයි, වගේ ඔක්කෝම විස්තර බලන්න...

: 0 0

chinthaka Tuesday, 02 August 2022 04:44 PM

දැන් පවතින රජයත්, ජනාධිපතිත් බලයේ සිටිනකම් අපි ශතයක්වත් මුදල් ලංකාවට එවන්නේ නැහැ. අපි ලෝක ප්‍රජාවටත් කියනවා ශතයක්වත් ලංකාවට දෙන්න එපා මේ මිනීමරු කණ්ඩායම බලයේ සිටිනකම්. ජි එස් ටි ප්ලස් එකත් නවත්වන්න කියලා අපි දැනටමත් යුරෝපා සංගමයෙන් ඉල්ලලා තිබෙනවා. අලුත් රජයක්, අලුත්ම නායකයෙක් පත්වුණාට පසු අපි ලංකාවට සල්ලි පොම්ප කරනවා. අරගලයට ජයවේවා...!

: 1 1

වර්ණකුලසූරිය Tuesday, 02 August 2022 04:47 PM

රටේ සිටින ගව සම්පත ගැන අවබෝධයක් ඇති ඔබතුමන්ලා තවදුරටත් එම සම්පත රවටන්න යාමක් තමයි පෙනෙන්නට ඇත්තේ...!

: 0 1

de silva Tuesday, 02 August 2022 06:03 PM

අපට අවශ්‍ය තීරු බදු සහනවත්, විදුලි වාහනවත් නොවෙයි, මේ හොරු ටික ගෙදර යවන්න. අපි තව අවුරුදු 2ක් ඉවසලා හොරු ටික ගෙදර ගියාට පස්සේ රට හදමු

: 2 1

BamunuarachchiWednesday, 03 August 2022 07:13 PM

හොරු ටික ගෙදර ගියාට පස්සේ රට හදමුලු. කව්ද හදන්නේ? ඕක දැනගන්නයි අපි මේ වලිකන්නේ? මේ ගොල්ලෝ එළවලා කවුද රට හදන්නේ? ජෙප්පෝ ටිකද රට හදන්නේ?

: 0 0

ඔබේ අදහස් එවන්න

දියත

පුනරුද යුගය අරඹන්න සහය දුන්නාට ස්තුතියි

2024 නොවැම්බර් මස 15 153 0

පුනරුද යුගය ඇරැඹීමට සහාය දුන් සැමට ස්තුතිය පළ කරන බව ජනාධිපති අනුර දිසානායක මහතා එක්ස් පණිවිඩයක් නිකුත් කරමින් පවසයි.

මත් කරල් ගෝනි 27ක් කල්පිටියේ මුහුදු තීරයක

2024 නොවැම්බර් මස 15 154 0

ඉන්දියාවේ සිට නීති විරෝධී ලෙස මුහුදු මගින් මෙරටට ගෙන්වන ලද මත් කරල් ගෝනි 27 ක්,කල්පිටිය පොලිස් බළ ප්‍රදෙශයට අයත්,මුසල් පිටිය කළපු තීරයේ සඟවා තිබිය දී සො

මල්ලීගේ පොලු පහරින් අයියා මරුට

2024 නොවැම්බර් මස 15 484 0

ජංගම දුරකතනයක් අස්ථානගතවීමේ සිද්ධියකට ඇතිවූ බහින්බස්වීමක් දුරදිගයාමෙන් පොල්ලකින් පහරදී සිය වැඩිමල් සහෝදරයා ඝාතනය කළැයි කියන සිද්ධියක් සම්බන්ධයෙ

දිගාමඩුල්ලම ජාජබට

2024 නොවැම්බර් මස 15 687 0

2024 ජනාධිපතිවරණයේ දී දිගාමඩුල්ල දිස්ත්‍රික්කයේ සමස්ත ප්‍රතිඵලය අනුව ලබාගත් ඡන්ද ප්‍රමාණය : සජිත් ප්‍රේමදාස 200384, ජාතික ජනබලවේගය නියෝජනය කරමින් අනුර කු

අවසර නැතිව සැප රියෙන් ඡන්ද ගණින තැනට ගිහින් කුඩුවේ

2024 නොවැම්බර් මස 15 1802 0

පාර්ලිමේන්තු මැතිවරණයේ නිල ඡන්ද ගණන් කිරීමේ අවස්ථාවේදී කුරුණෑගල කාර්මික විද්‍යාලයේ පැවති ඡන්ද මධ්‍යස්ථානයට පොලිස් අණ නොතකා ඇතුළු වූ සුඛෝභෝගී ජීප්

ගම්පහම ජාජබට

2024 නොවැම්බර් මස 15 3035 0

2024 ජනාධිපතිවරණයේ ගම්පහ දිස්ත්‍රික්කයේ සමස්ත ප්‍රතිඵලය අනුව ලබාගත් ඡන්ද ප්‍රමාණය : ජාතික ජනබලවේගය නියෝජනය කරමින් අනුර කුමාර දිසානායක 809410, සජිත් ප්‍රේම