( රොමේෂ් මධුෂංක)

වව්නියාව මහකච්චිකොඩිය ප්‍රදේශයේදී ගෙවී ගිය සතියක කාලය තුලදී වනඅලි පහරදීම හේතුවෙන් මරණ දෙකක් සිදුවීම හේතුවෙන් ආරක්ෂාව ඉල්ලා මහකච්චකොඩිය ගම්වාසීන් විරෝධතාවක නිරත වූහ.

වන අලි පහරදීමෙන් මිය ගිය කාන්තාවගේ සිරුරද ඊයේ (02) සවස අවසන් කටයුතු සිදුකිරීමට පෙර මාර්ගයේ තබා මහකච්චකොඩිය ප්‍රධන මාාර්ගය අවහිර කරමින් ගම්වාසීන් මෙලෙස විරෝධතාවයේ නිරත වූහ.

විරෝධතාවයේ නිරත වූ ගම්වාසීණ් වැඩිදුරටත් පවසා සිටියේ,

‘ගෙවුනු සතිය තුලදී මහකච්චකොඩිය පිරප්පම්මඩුව ප්‍රදේශයේදී සහ සැලලිහිණිගම ප්‍රදේශයේදී වනඅලි පහරදීමෙන් මරණ දෙකක් සිදුවුනද වනජීවි නිලධාරීන් හෝ රජයේ බලධාරීන් මෙතෙක් කිසිදු පියවරක ගොන නොමැති අතරම ගම්වාසීණ් ඉතා බියෙන් දහවල් කාලයේදී මාර්ගයන්හි ගමන් කිරීමෙන් වැලකී සිටින බවටය.

එමෙන්ම අසල රක්ෂිතයට දිවයිනේ වෙනත් ප්‍රදේශයන්හි සිට වනඅලින් රැගෙනවිත් මුදාහැරීම නිසා මේ වන විට වනඅලි ගහනය වැඩි වී ගම්වදින බවටත් වහාම ගම්මානයන් ආවරණය වන පරිදි අලි වැටක් ලබා දීමට හෝ වනඅලින් පලව හැරීමට පියවරක් ගත යුතු බවට ගම්වාසීන් වැඩිදුරටත් පැවසූහ.

පොලීසිය මැදිහත්වී මෙයට විසදුමක් ලබා දීමට කටයුතුකරන බව පැවසීමත් සමඟ ඔවුහු විරෝධතාව නවතා දැමීය.