වන අලි නවගත්තේගම වනසති

(හිරාන් ප්‍රියංකර ජයසිංහ)

නවගත්තේගම, කුරුකැටියාව ගම්මානයට අද(06) කඩා වැදුණු වන අලි රංචුවක් ගම්වැසියන්ගේ නිවාස කඩා බිඳදැමීම හේතුවෙන් තම ජීවිත දැඩි අවදානමක පවතින බව ජනතාව පවසති.

තනියා නමින් හැඳින්වෙන වන අලියා අද වියපත් යුවළක් පදිංචිව සිටි නිවසක් සම්පූර්ණයෙන් වනසා දමා ඇති බව නවගත්තේගම අඩවි වන ජීවි කාර්යාලය පවසයි. වියපත් යුවළ විහාරස්ථානයේ කඨින පිංකමට සහභාගී වී සිටීම හේතුවෙන් ඔවුන්ගේ ජීවිතවලට හානි සිදුව නැත.

සතියකට ආසන්න කාලයක් තුළදී තනියා නමැති අලියා නිවාස 3කට හානි කර ඇති අතර, වනඅලි වී සහ සහල් සොයමින් සැරිසරන බව ද ජනයා කියති.

ඒ පිළිබඳව නිවසේ හිමිකරු වන 76 හැවිරිදි ඩබ්ලියු. පී. ටී. ගණිතා මහතා පවසන්නට වූයේ මෙවැන්නකි.

“මේ ගෙවල් 1982 දී හිටපු ජනාධිපති ආර්. ප්‍රේමදාස මහත්තයා ලංකාවේ ඉදිකරන්න ගත්ත ගෙවල්. දෙවන උදා ගම්මානයේ නිවාස 100ක් තිබෙනවා. මේ අලි කරදර නිසා නිවාස ගොඩක් කැඩී ගිහින්. අපි අන්ත අසරණ වෙලා. නිවසේ නොසිටි නිසා අපේ ජීවිත බේරුණා” යැයි ඔහු පැවසීය.

නවගත්තේගම ප්‍රාදේශීය ලේකම් හර්ෂණ ජයසිරි මහතා මෙසේ කීය.

“ නවගත්තේගම ප්‍රාදේශීය ලේකම් බල ප්‍රදේශයට අයිති ග්‍රාම නිලධාරි වසම් 19 ක ගම්මාන 67 කට මේ වනවිට වන අලි කරදරය බරපතලම විදියට බලපාලා. වන අලි වගාවන් වනසනවා. කඩන නිවාස ප්‍රමාණයත් වැඩිවෙලා. මෙය ලොකු තර්ජනයක්. වන අලි පහරදීම නිසා මරණ දෙකක් සිදුවෙලා. අලි කඩපු නිවාසවලට වන්දි ඉල්ලා අපිට විශාල අයදුම්පත් සංඛ්‍යාවක් ලැබිලා තිබෙනවා. අපි පුළුවන් තරම් ජනතාවට සහන සලසන්න කටයුතු කරනවා” යැයි ඔහු පැවසීය.

අදහස් (7)

වන අලි නවගත්තේගම වනසති

rasiika Wednesday, 06 November 2019 11:15 AM

අලි මන්තරේ වහා දියව්...

: 0 6

බද්රානි Wednesday, 06 November 2019 11:23 AM

අලින්ට කරදරයක් වෙලා නැද්ද? වනසතුන්ට අයිති රටක්. සත්තුන්ටත් වඩා අන්ත මිනිස්සු රැලක් අයිතිකරගෙන සිටින භූමියක් තමයි ලංකාව කියන්නේ.

: 2 129

kamani Wednesday, 06 November 2019 11:25 AM

පව් අනේ අලි ටික.

: 1 13

PradeepWednesday, 06 November 2019 01:01 PM

කමනිටත් මේ වගේ දෙයක් වුනොත් තේරෙයි අලි පව් කියලා... ඇත්ත අලි පව් තමයි. එතකොට මේ අහිංසක මිනිස්සු... මේ දෙක බැලන්ස් කරන්න ඕන. එ්කට තමයි රටකට නිසි පාලකයෙක් ඉන්න ඕනෑ. අලි මන්තරවලින් අලි එලවන්න හදන පාලකයොත් එක්ක කොහොමද මේවට උත්තර හොයන්නේ..? විදුලි වැටවල් මේකට විසඳුම නෙමෙයි. නමුත් වෙනත් සාර්ථක ක්‍රම තියනවා අපේ අය ක්‍රියාත්මක නොකළාට. අවාසනාවකට රට ගැන, ජනතාව ගැන හරි විදියට හිතන පාලකයෙක් මේ දක්වා අපේ රටේ බිහිවෙලා නෑ.

: 1 5

kamal Wednesday, 06 November 2019 11:42 AM

මෙවැනි මිනිස් ජීවතවලට තර්ජනයක් වන අලින්ට වෙඩි තැබීමට අවසර දිය යුතුයි...

: 24 3

H.M.Anurasiri Herath Thursday, 07 November 2019 06:08 AM

badrani, ඔයා මෙම වන අලි ගැටලුවට සජීවීව මුහුණ දීල නැහැ. මුහුණ දුන්න අපි විතරයි මේ දුක දන්නේ. ඔයාගේ ගෙයත් කැඩුවනම් ඔයාට තේරෙයි.

: 1 4

Kumar Friday, 08 November 2019 02:53 AM

මෙවැනි දේ සිදුවන්නේ අලි වෙසෙන ප්‍රදේශවල අනවසරයෙන් නිවාස තැනීමයි. ඔය කියන ප්‍රදේශයේ 80 වර්ශයේත් අලි සිටියා. සේරුවේ පෙනෙන නිවාස වැඩිකලකට පෙර නිර්මාණය කල නිවසක් නොවෙන බව පෙනෙනවා.

: 0 1

ඔබේ අදහස් එවන්න

දියත

ඌව - සබරගමු ආණ්ඩුකාරවරුත් ඉල්ලා අස්වෙ

2024 සැප්තැම්බර් මස 23 0 0

ඌව ආණ්ඩුකාරය අනුර විදානගමගේ සහ සබරගමුව ආණ්ඩුකාර නවීන් දිසානයක මහත්වරු සිය ධූරවලින් ඉල්ලා අස්වීමේ ලිපි බාරදුන්හ.

මධ්‍යම ආණ්ඩුකාර ඉල්ලා අස්වේ

2024 සැප්තැම්බර් මස 23 446 0

මධ්‍යම පලාත් ආණ්ඩුකාර නීතීඥ ලලිත් යූ ගමගෙ මහතා ආණ්ඩුකාර ධූරයෙන් ඉල්ලා අස්වීමේ ලිපිය බාරදී ඇත් බව මධ්‍යම පළාත් ආණ්ඩුකාර කාර්යාලයේ ප්‍රකාශකයෙක් පැවසී

මිරිහානේ පහරදීමකින් අයෙක් මරුට

2024 සැප්තැම්බර් මස 23 448 0

නුගේගොඩ, උඩහමුල්ල දුම්රියපොළ මාර්ගයේ දී දියණියගේ පෙම්වතාගේ ඥාතියකු විසින් තියුණු ආයුධයකින් කළ පහරදීමකින් පුද්ගලයකු මියගොස් ඇති බව මිරිහාන පොලිසිය

ජනපති ලේකම් ධූරයට සනත් කුමානායක

2024 සැප්තැම්බර් මස 23 3765 0

සනත් නන්දික කුමානායක මහතා ජනාධිපති ලේකම් ධූරයට පත්කර තිබේ. කුමානායක මහතා කැළණිය විශ්වි විද්‍යාලයේ උපාධිධාරියෙකි.

සතුට සමරා රතිඤ්ඤා දැල්වූ පුද්ගලයෙක් රෝහලේ

2024 සැප්තැම්බර් මස 23 936 0

ජාතික ජන බලවේගයේ නායක අනුර කුමාර දිසානායක මහතා ජනපති වීමේ සතුට සමරා රතිඤ්ඤා දල්වමින් සිටි පුද්ගලයකු බරපතල තුවාල ලබා රෝහල් ගත කර ඇතැයි හොරණ මූලස්ථාන ප

මිලියන 120,000 ක භාණ්ඩාගාර බිල්පත් වෙන්දේසියක්

2024 සැප්තැම්බර් මස 23 2312 1

රුපියල් මිලියන එක්ලක්ෂ විසි දහසක් වටිනා භාණ්ඩාගාර බිල්පත් වෙන්දේසියක් අනිද්දා (25 ) දා පවත්වන බව ශ්‍රී ලංකා මහ බැංකුව පවසයි.