2025 අප්‍රේල් මස 18 වන සිකුරාදා
(ඩයනා උදයංගනී)
හදිසියේ නව ව්‍යවස්ථාවක් ගෙනැවිත් උතුරේ ජනතාව තුළ ශ්රී ලංකා නිදහස් පක්ෂය කෙරෙහි ඇති විශ්වාසය බිඳ දැමීමට දෙමළ ජාතික සන්ධාන පාර්ලිමේන්තු මන්ත‍්‍රී එම්. ඒ සුමන්දිරන් මහතා උත්සාහ කරන බව ශ්රී ලංකා නිදහස් පක්‍ෂයේ තරුණ පෙරමුණේ සභාපති ශාන්ත බණ්ඩාර මහතා පැවසීය.
රටට නොගැළපෙන රට බෙදන ව්‍යවස්ථාවක් ඉදිරිපත් කර එයට ශ්රී ලංකා නිදහස් පක්ෂය විරුද්ධ වූ පසු උතුරේ ජනතාව තුළ පක්ෂය කෙරෙහි වෛරයක් ඇතිකරවීම ඔවුන්ගේ උත්සාහය බව ද සභාපතිවරයා සඳහන් කළේය.
ඔහු මේ බව පැවසුවේ කොළඹ ඩාර්ලි පාරේ පිහිටි ශ්රී ලංකා නිදහස් පක්ෂ මූලස්ථානයේදී අද (7) පැවති මාධ්‍ය හමුවක් අමතමිනි.
ශ්රී ලංකා නිදහස් පක්‍ෂයේ අර්බුද ඇති බව ඇතැමුන් පැවසුවත් එවැනි අර්බුදයක් නැතැයි ද හෙතෙම කීවේය.
මාධ්‍ය හමුවේදී වැඩිදුරටත් අදහස් දැක්වූ ශාන්ත බණ්ඩාර මහතා මෙසේ ද කියා සිටියේය.
‘‘නව ව්‍යවස්ථාවක් සඳහා ශ්රී ලංකා නිදහස් පක්‍ෂයේ යෝජනා නිමල් සිරිපාල ද සිල්වා මහතා ඇතුළු කමිටුවක් මගින් සකස් කර මේ වන විටත් ලබා දී තිබෙනවා. වෛරයක් පිරිමැහීමට මෙන් ඇතැමුන් උත්සාහ කරන පරිදි රටට නිදහස ලැබුණු පෙබරවාරි 4 වැනිදාට ව්‍යවස්ථාවක් ගේන්න බැහැ.
එයට අවශ්‍ය පසුබිමවත් මෙතෙක් සැකසී නැහැ. එ.ජා.පය හා ජනතා විමුක්ති පෙරමුණ හා එක්ව දෙමළ ජාතික සන්ධානයට පාර්ලිමේන්තුවේ තුනෙන් දෙකක බලයක් ගන්නත් බැහැ. සුමන්දිරන් මහතා උත්සාහ කරන්නේ නව ව්‍යවස්ථාවක් ගෙනඒමට නොව එයට ඡන්දය නොදෙන ශ්රී ලංකා නිදහස් පක්ෂය ගැන උතුරේ ජනතාව තුළ වෛරයක් ඇතිකිරීමටයි.
මේ වන විට උතුරේ ජනතාවගේ ජනප‍්‍රියම නායකයා වී සිටින මෛත‍්‍රීපාල සිරිසේන මහතා ගැන ඇති විශ්වාසනීයත්වය ඒ අයුරින් බිඳ දමන්නට අසීරුයි. සමස්ත ජනතාවටම ගැළපෙන ව්‍යවස්ථාවකට සහයදීමට අපි සූදානම්. එසේ නොමැතිව රට බෙදන ව්‍යවස්ථාවකට අපි සහය දෙන්නේ නැහැ.‘‘
ශ්රී ලංකා නිදහස් පක්‍ෂයේ තරුණ පෙරමුණේ ලේකම් එරික් වීරවර්ධන මහතා මෙහිදී මෙසේ පැවසීය.
‘‘ව්‍යවස්ථා හැදුවා කියා රට හදන්න බැහැ. දැන් ව්‍යවස්ථාවක් ගැන කියමින් මේ රටේ ජනතාවගේ ප‍්‍රශ්න අමතක කරන්න හදනවා. එය කාලය හා මුදල් නාස්ති කිරීමක්. ඊට පෙර රටේ ජනතාවගේ ප‍්‍රශ්න විසඳිය යුතුයි. ලෝකේ රටවල් හදා තිබෙන්නේ ව්‍යවස්ථාවලින් නෙවෙයි. රටවල් හදලයි ගැළපෙන ව්‍යවස්ථා හදන්නේ. මේ වන විට 19 වැනි සංශෝධනය සම්මත කර තිබෙනවා.
අද ලංකාවේ පුහුණුවක් නැති එකම ආයතනය පාර්ලිමේන්තුවයි. මන්ත‍්‍රීවරුන්ට රටේ ප‍්‍රශ්නවලට පිළිතුරු සෙවීම ගැන පුහුණුවක් දෙන වැඩපිළිවෙළක් රටට අවශ්‍යයි. මම පාර්ලිමේන්තුවට ගොස් මන්ත‍්‍රීවරයෙක්ගේ වගකීම් දැනගත්තේ විදෙස් පුහුණුවක් ලබලයි.
මේ රටේ බදු මුදලින් නඩත්තු වන මන්ත‍්‍රීවරුන් ජනතාවගේ ප‍්‍රශ්න විසඳිය යුතුයි. ඒ වගේම දැන් කළ යුත්තේ මැතිවරණයක් පවත්වා රට ස්ථාවර කරගැනීමයි. දකුණේ උතුරේ වෙනසක් නැතිව ජනතාවගේ ප‍්‍රශ්න විසඳීමට ව්‍යවස්ථාවකින් හැකියාව ලැබෙන්නේ නැහැ. දැන් අවශ්‍ය ව්‍යවස්ථාවක් නොව රටේ ප‍්‍රශ්න විසඳීමයි.
ශ්රී ලංකා නිදහස් පක්ෂ තරුණ පෙරමුණේ සංවිධායක ලේකම් දේශප‍්‍රිය රත්නායක, මාධ්‍ය සම්බන්ධීකාරක ලකිඳු ගජසෙන්, ක‍්‍රීඩා අධ්‍යාපන අංශ භාර සජිත් මෙන්ඩිස් යන මහත්වරුන්ද මෙම මාධ්‍ය හමුවට සහභාගී වූහ.
ජාතික ජන බලවේගයේ පළාත් පාලන ආයතන වලට මහා ආණ්ඩුවෙන් ඇස් පියාගෙන මුදල් වෙන් කරන බවට ජනාධිපතිවරයා කර ඇති ප්‍රකාශය සම්බන්ධයෙන් ලැබී ඇති පැමිණිලි සම්බන්
පවුල් ආරවුලක් දුරදිග යාමෙන් හිගුරක්ගොඩ කිරිමැටිය ප්‍රදේශයේ පුද්ගලයෙකු සිය බිරිදට පොරොවකින් පහරදී ඝාතනය කර ඇතැයි හිගුරක්ගොඩ පොලිසිය කියයි.
මහරගම අපේක්ෂා රෝහල සඳහා වන පරිත්‍යාග ගිණුමේ රුපියල් කෝටි හතළිහකට වැඩි මුදලක් තිබූ නමුත් පසුගිය වසර දෙකේදී මෙම අරමුදල් කිසිදු ඵලදායි කාර්යයක් සඳහා භ
පසුගිය ජනවාරි 1 වැනිදා සිට අප්‍රේල් 15 වැනිදා දක්වා කාලයේදී මෙරටට සංචාරකයන් 816,191 ක් පැමිණ ඇතැයි සංචාරක සංවර්ධන අධිකාරිය නිකුත් කළ නවතම දත්ත වාර්තාවල දැක්
ජනාධිපති අනුර කුමාර දිසානායක මහතා සිරි දළදා දැක්මේ සමාරම්භක අවස්ථාවට සහභාගී වීම සඳහා මහනුවර ශ්රී දළදා මාලිගාවේ දළදා සමිඳුන් වැඩ සිටින සුගන්ධ මණ්ඩප
“සිරි දළදා වන්දනාව” සමාරම්භක අවස්ථාවට සහභාගී වන ලෙස ජනතාව නොමඟ යවන ව්‍යාජ ආරාධනා පත්‍රයක් ප්‍රචාරය වෙමින් පවතින බව ජනාධිපති කාර්යාලය පවසයි.
හේලීස් ෆෙන්ටන්ස් ලිමිටඩ් හි කළමනාකාර අධ්‍යක්ෂක හසිත් ප්‍රේමතිලක මහතා සහ හේලීස් සෝලාහි අධ්‍යක්ෂක/ප්‍රධාන විධායක නිලධාරී රොෂේන් පෙරේරා මහතා සමඟ කතාබ
2025 අප්‍රේල් මස 10
382
0
අප්‍රේල් 01, 2025 කොළඹ දීග ශ්රී ලංකා ඉන්ෂුවරන්ස් ලයිෆ් 2024 වසර විශිෂ්ට ලෙස නිමා කළ අතර, රුපියල් බිලියන 30.7 ක බදු ගෙවීමට පෙර ලාභයක් වාර්තා කරන ලදී.
2025 අප්‍රේල් මස 09
1130
0
ඇමරිකානු තානාපතිනී ජූලි චන්ග් මැතිනිය ඉකුත් අප්‍රේල් මස හතර වැනිදා ශ්රී ලංකාවේ උසස් අධ්‍යාපනයේ හැරවුම් ලක්ෂයක් සනිටුහන් කළ NSBM හරිත සරසවියට පැමිණියා
ව්‍යවස්ථාවක් ගෙනැවිත් උතුරේ ජනතාව - ශ්‍රීලනිපය අතර විශ්වාසය බිඳින්න හදනවා