BT Monday, 25 July 2022 02:29 PM

වැල්දොඩම් වැලේ කොළවලද වටිනා පෝෂණ ගුණ සහ ඖෂධීය ගුණ තිබෙන බැවින් ඒ පිළිබඳවද අවධානය යොමු කර, දේශීය වෙළෙඳපොලට සැපයීමට කටයුතු කළ යුතුයි. වැල්දොඩම් කොළ විටමින් 'ඒ', විටමින් 'සී' සහ නයසින් අඩංගු වන අතර, දිනකට නිර්දේශිත විටමින් සී ප්‍රමාණයෙන් 36%ක් ලබාගත හැක. එබැවින්, කෝවිඩ් වසංගතය නැවතත් වර්ධනය වෙමින් පවතින මෙම දිනවල, ප්‍රතිශක්තිය වර්ධනය කරගැනීමට වැල්දොඩම් කොළ සලාදයක් හෝ මැල්ලුමක් හෝ අනුභව කිරීම කාලෝචිතයි. තවද වැල්දොඩම් කොළ සලාද සහ මැල්ලුම් අනුභව කිරීමෙන් අධික රුධිර පීඩනයද පාලනය කළ හැකිය. නමුත් එසේ කිරීමේදී අධික රුධිර පීඩනය සඳහා වෙනත් ඖෂධද භාවිතා කරන්නේ නම්, ඒවායේ මාත්‍රා ප්‍රමාණය අඩු කර භාවිතා කළ යුතු බව පැවසේ. බ්‍රසීලයේ ඇමසන් වනයේ වෙසෙන ගෝත්‍රික ජනතාව බාහිර රෝග පීඩා සඳහාද වැල්දොඩම් කොළ යොදාගනිති. සම තැලුණු විට හෝ සීරුණු විට හෝ වැල්දොඩම් කොළයක් පාෙඩි කර, තැලුණු ස්ථානය මත තැබීමෙන් වේදනාව අඩු කරගැනීම එවැනි එක් ප්‍රතිකර්මයකි. හිසරදවලට පිළියමක් වශයෙන්ද එලෙසම නළල මත තැබීම ප්‍රතිඵලදායක බව පැවසේ...