වාහන ආදායම් බලපත් ගැනීමේදී බස්නාහිරට තිබූ දෝෂයක් ඉවත් කරයි

(අංජුල මහික වීරරත්න)

වාහන ආදායම් බලපත්‍ර ලබා ගැනීමේදී බස්නාහිර පළාත ද අනෙකුත් පළාත් සමග සම්බන්ධ කරන්නැයි ප්‍රවාහන මහා මාර්ග වරාය හා සිවිල් ගුවන් සේවා අමාත්‍ය විජිත හේරත් මහතා උපදෙස් ලබා දී තිබේ.

වාහන ආදායම් බලපත්‍ර ලබා ගැනීමේදී පළාත් අන්තර් සබඳතාවයක් නොමැති වීම නිසා ජනතාව මුහුණ දෙන ගැටළුවට විසැඳුම් ලෙස මෙම පියවර ගෙන ඇත.

බස්නාහිර පළාතේ පදිංචි කරුවකුගේ වාහනයක් වෙනත් පළාතක ලියාපදිංචි වී ඇති අවස්ථාවක එම පළාතෙන් ආදායම් බලපත්‍රය ලබා ගැනීම කාලය, ශ්‍රමය, ධනය වැය වන ඉතා දුෂ්කර කටයුත්තක් බවට ජනතාවගෙන් ලැබුණු පැමිණිලි සලකා බලා ඉහත පියවර ගත් බව අමාත්‍යාංශය සඳහන් කරයි.

එම නිසා බස්නාහිර පළාත ද හැකි ඉක්මනින් අනෙකුත් පළාත් සමඟ සම්බන්ධ කරන්නැයි අමාත්‍ය විජිත හේරත් මහතා බස්නාහිර පළාත් ආණ්ඩුකාරවරයාට උපදෙස් දී ඇත.

අදහස් (3)

වාහන ආදායම් බලපත් ගැනීමේදී බස්නාහිරට තිබූ දෝෂයක් ඉවත් කරයි

Nilantha Friday, 18 October 2024 07:15 PM

වෙනත් පළාතක ලියාපදිංචි වාහනයක් අරගෙන අලුත් අයිතිකරු පවරා නොගෙන මුල් අයිතිකරුගේ නමින්ම තියෙන වෙලාවට තමයි ඔය ගැටළුව ඇති වෙන්නේ.. එම ගැටළුව වාහනය පවරා ගත්තාම අහෝසි වෙනවා... මේ ඇමැතිවරයා ක්ෂණික විසඳුමක් දෙනවා මිස එයින් රජයට සිදුවන පාඩුව ගැන නොසිතා ගත් තීරණයක් මේක. වාහන තමන්ගේ නමට පවරා නොගෙන රජයට පාඩු කරමින් සිටීම අනුමත කිරීමක් මේ ඇමතියා කරලා තියෙනවා... තවත් විදියකින් කියනවා නම් මිනිස්සු කරන වරදක් අනුමත කිරීම තමයි ඇමැතිවරයා කරලා තියෙන්නේ...

: 3 7

Athula Friday, 18 October 2024 08:19 PM

මේවාට තමයි කියන්නේ කොතරම් ගුණ කළත් දුදනෝ නොවෙති.. සුදනන් කියලා ඇයි දෙයියනේ උඹලා වගේ කුහකයෝ උපදින්නේ ලංකාවේම...

: 5 5

Wijekon Friday, 18 October 2024 09:05 PM

කුහකයෝ කියන්නේ තමන්ගේ යුතුකම මගහැර තමන්ගේ මල්ල පුරවාගෙන කටයුතු කිරීම තමයි. වාහනයක් පවරාගැනීම සඳහා රජයට මුදලක් ගෙවන්න ඕනෑ... ඒක මගහැරීම තමයි කුහකකම කියන්නේ යම්විදියකින් වාහනයක් පවරා නොගෙන පාවිච්චියට ගැනීම වරදක් වෙනවා. ඒකට අනුබල දීමත් වරදක් වෙනවා. සාමාන්‍යයෙන් රජයේ සේවකයින්ට වුණත් රජයට පාඩුවක් වෙන්න කටයුතු කරන්න අවසරයක් නැහැ. එහෙම නම් පාලකයින්ටත් එහෙම්ම තමයි...

: 0 0