සැප වාහන ගැන ජනපති නියමයෙන් පරික්ෂණයක්

(අංජුල මහික වීරරත්න)

පසුගිය රජයයන් විසින් භාවිත කළ අතිසුඛෝපභෝගී වාහන අත්‍යවශ්‍ය සේවා වලට පමණක් යොදා ගන්නා ලෙස ජනාධිපති අනුර කුමාර දිසානායක මහතා අදාළ නිලධාරීන්ට උපදෙස් ලබාදී ඇති බව ජනාධිපති පෞද්ගලික ලේකම් ආනන්ද විජේපාල මහතා පැවසීය.

අදාල වාහන සම්බන්ධව විධිමත් පරීක්ෂණයක් සිදුකිරීමට ජනාධිපතිවරයා අපරාධ පරීක්ෂණ දෙපාර්තමේන්තුවට උපදෙස් ලබාදුන් බවද ජනාධිපති පෞද්ගලික ලේකම්වරයා වැඩිදුරටත් පැවසීය.

ජනතාවගේ බදු මුදල් මෙලෙස නාස්ති කිරීම කණගාටුවට කරුණක් බැවින් මේ සම්බන්ධව පූර්ණ සමාලෝචනයක් කර ඉදිරි ක්‍රියාමාර්ග සම්බන්ධව ජනතාව දැනුවත් කිරීමට පියවර ගන්නා බවද ආනන්ද විජේපාල මහතා සඳහන් කළේය.

ජනාධිපති පෞද්ගලික ලේකම් ආනන්ද විජේපාල මහතා මේ බව කීවෙි ගාලුමුවදොර භූමිය ඇතුළු ස්ථාන කිහිපයක නවතා ඇති වාහන සම්බන්ධව ගනු ලැබූ ඉදිරි ක්‍රියාමාර්ග පිළිබඳව දැනුවත් කිරීම වෙනුවෙන් ඊයේ (26) එම පරිශ්‍රයේ පැවති මාධ්‍ය සාකච්ඡාවේදීය.

ගාලුමුවදොර පරිශ්‍රය ඇතුළු තවත් ස්ථාන කිහිපයකම වාහන 107 ක් ගාල් කර ඇති අතර ඒවා විවිධ අවස්ථාවලදී පසුගිය ආණ්ඩු විසින් විවිධ තනතුරු ඇති කරමින් තම හිතවතුන්ට ලබාදී තිබූ ඒවා බව ද විජේපාල අවධාරණය කළේය.

විවිධ ආයතනවලින් ලබාගත් වාහන 59ක් ජනාධිපති කාර්යාලය හරහා තම හිතවතුන්ට ලබාදී ඇති බවත්, වාහන ආනයනය කිරීම තහනම් කළ කාලසීමාව තුළ පමණක් ජනාධිපති කාර්යාලයට වාහන 16ක් ගෙන්වා ඇති බව අනාවරණය වී ඇති බවත් ජනාධිපති පෞද්ගලික ලේකම්වරයා සඳහන් කළේය.

තවද ජනාධිපති කාර්යාලය සතුව පවතින වාහන 833ක් අතරින් වාහන 29ක් අතුරුදන්ව ඇති බවද විජේපාල මහතා සඳහන් කළේය.

අදහස් (8)

සැප වාහන ගැන ජනපති නියමයෙන් පරික්ෂණයක්

pakeer Thursday, 26 September 2024 08:53 PM

රනිල්,චන්ද්‍රිකා,සජියා එකතු වෙලා එන්න හදන්නේ ආයෙක් මුන්ට ඕනැ රට හදන්න නෙමෙයි .. බලයට ඇවිත් රට කන්න

: 6 65

සෙනෙවිරත්න Friday, 27 September 2024 06:42 AM

කවුරු ආවත් හැඳිගෑවිලාම යනවා, අන්න කුජීත කල්ලිය ඩිලීට්ට එකතු වෙනවාලු, අනේ පව් වෙච්චි දෙයක්, හිරේ යන්න කලින් එහෙමවත් කරලා බලමු...

: 1 1

JayasekaraFriday, 27 September 2024 11:27 AM

ඔව් ඇත්ත . එකමිටට අල්ලලා ගෙදර යවන්න ඕන . අපේ ගොන් සිංහලයෝ මේ පාර ඔලුව පාවිච්චි කරන්න ඕන

: 0 3

pj Friday, 27 September 2024 02:39 AM

වාහන එහෙම හංගන්නේ නැතිව ප්‍රසිද්ධියෙන්ම මෙහෙම තැනක ගල් කිරීම ගැන ඔවුන්ට ස්තූති කළ යුතුයි....

: 0 0

ඉදුමල් Friday, 27 September 2024 05:42 AM

මේ වාහන ප්‍රසිද්ධ වෙන්දේසියේ විකුණලා අඩු ඉන්ධන භාවිතාවක් ඇති මිල අඩු කර මිලදී ගෙන රාජ්‍ය නිලධාරීන්ට ලබාදිය යුතුයි

: 0 0

සෙනෙවිරත්න Friday, 27 September 2024 06:37 AM

සමහරු වැරදි වැටහීමක ඉන්නව මේ ලේකම්ල ගනිපු වාහන ගෙනත් දෑව කියල, ඒක නෙවෙයි මේ,හිටපු ජනාධිපතිල සේරම තම විධායක බලය යොදවා හිතවතුන්ට ඕන දෙයක් කරගැනීමට පූජා කල වාහන මේ, සේරටම වැටහෙනව ඇති හරි විදියට ගනිපු කිසිවෙකු මෙහෙම වාහන බාර දීමට කලබල නොවිය යුතු බව, වෙන රජයන් මාරු වෙනකොට මෙහෙම දෙයක් නූනෙ ගනිපු අය දන්නව වෙනසක් නොවන බව. මේවට තෙල් නඩත්තු රජයෙ ජනාධිපති අරමුදලින්, වැය ශීර්ෂ දමා වරින් වර මේ අරමුදලට මුදල් ගන්නෙ මේවට, ඉඳහිට වකුගඩුවකට හදවතට ගානක් දීල ෂේප් එකේ මේ අය තම පන්තිය රැක ගත්ත , ඒකයි උනේ, පොදු ජනතාවට බලය ලද වහාම මේ කල්ලිය සලිතවී ඇත. උතුරත් දකුනත් මේ සත්‍ය තේරුම් ගනිමින් පවතී,

: 1 1

සෙනෙවිරත්න Friday, 27 September 2024 06:41 AM

මම දුටුවා අර සජිත්ගේ වේදිකාවේ අනුරලාට අවලාද නැගූ නලීන් බණ්ඩාර කියනවා එන් පී පියට කුරුණෑගල අපේක්ෂකයන් දහ අටක් හොයාගන්න බැරි කතාවක්, මෙන්න මේ අයගේ බුද්ධිය ,තමන්ගේ ආසන කුජීත වෙලා දිස්ත්‍රික්කයම පරාද වෙලා තවමත් හිතන්නේ එහෙමයි. සජිත් ලඟ ඉන්නේ මොළේ නොවැඩුණු අය නායකයා වගේමයි.

: 1 1

Sanath pragchnadeeptha Friday, 27 September 2024 07:38 AM

කළ යුතුම ක්‍රියාවන්.

: 0 0

ඔබේ අදහස් එවන්න

දියත

අයවැය එන දවස ටක්කෙටම කියයි

2024 නොවැම්බර් මස 26 73 0

2025 වර්ෂය සඳහා වන අයවැය සකස් කිරීම සඳහා කැබිනට් අනුමැතිය ලැබී ඇත.

චීනයට එන්නැයි ජනපතිට ආරාධනයක්

2024 නොවැම්බර් මස 26 19 0

චීනයේ නිල සංචාරයකට සහභාගී වන ලෙස ජනාධිපති අනුර දිසානායක මහතාට ආරාධනයක් ලැබී ඇතැයි කැබිනට් මාධ්‍ය ප්‍රකාශක වෛද්‍ය නලින්ද ජයතිස්ස මහතා පැවසීය.

අර්ජුන් මහේන්ද්‍රන්ට නොතීසි

2024 නොවැම්බර් මස 26 286 0

2015 වසරේ ශ්‍රී ලංකා මහා බැංකු භාණ්ඩාගාර බැඳුම්කර නිකුත් කිරීමෙන් දූෂණය නම් වරද සිදු කර ඇතැයි කියන හිටපු මහ බැංකු අධිපති අර්ජුන මහේන්ද්‍රන් මහතාට පෙබරව

අර්චුනා රාමනාදන්ට වරෙන්තු

2024 නොවැම්බර් මස 26 1185 0

පාර්ලිමේන්තු මන්ත්‍රී වෛද්‍ය අර්චුනා රාමනාදන්ට යාපනය ජ්‍යේෂ්ඨ පොලිස් අධිකාරී හරහා වරෙන්තු නිකුත් කිරීමට කොළඹ අතිරේක මහෙස්ත්‍රාත් මංජුල රත්නායක මහ

E 8 ගැන සීඅයිඩියට පැමිණිල්ලක්

2024 නොවැම්බර් මස 26 381 0

E8 වීසා ක්‍රමවේදය සම්බන්ධව අපරාධ පරීක්ෂණ දෙපාර්තමේන්තුවට පැමිණිල්ලක් ගොනු කර ඇති බව කැබිනට් ප්‍රකාශක අමාත්‍ය නලින්ද ජයතිස්ස මහතා පැවසීය.

මහ ඔය පොළොන්නරුව පාරේ පාලමක් ගිලා බසි

2024 නොවැම්බර් මස 26 132 0

අම්පාර මහඔය පොළොන්නරුව ප්‍රධාන මාර්ගයේ අරලගංවිල බෝගස් හන්දිය ප්‍රදේශයේ අද(26 )උදෑසන පාලමක් කැඩී සම්පූර්ණයෙන්ම ගිලා බැසීම හේතුවෙන් එහි ගමනාගමන කටයුතු