(යොහාන් භාසුර)
නියඟය සහ උඩවලව ජලාශයට ජලය මුදාහැරීම හේතුවෙන් සමනළ වැව ජලාශයේ ජල ධාරීතාව විදුලි නිෂ්පාදනයට ප්රමාණවත් නොවන බැවින් එහි විදුලි ජනනය හෙට (16) සිට අත්හිටුවන බව විදුලිබල හා බලශක්ති අමාත්ය කංචන විජේසේකර මහතා අද (15) පැවසීය.
මෙම තත්වය හේතුවෙන් සමනළ වැව ජලාශයෙන් ජාතික විදුලි පද්ධතියට එකතු වන මෙගාවොට් 120 ක විදුලිය ප්රමාණය අහිමිවන අතර ඒ අනුව පෞද්ගලික අංශයෙන් මෙගාවොට් 100 ප්රමාණයක් මිලදී ගැනීමට නියමිතය.
එම අහිමිවන විදුලි ප්රමාණය සපුරාගැනීමට පෞද්ගලික අංශයෙන් විදුලිය මිලදීගන්නා බවත් විදුලිබල හා බලශක්ති අමාත්ය කංචන විජේසේකර මහතා කීය.
ඒ අනුව ශ්රී ලංකාව තුළ ඇති පෞද්ගලික විදුලි බලාගාර හතරට විදුලි මිලදී ගැනීමට යෝජනා ඉදිරිපත් කිරීමෙන් පසුව ඇඹිලිපිටිය සහ මාතර පිහිටි දැවිතෙල් බලාගාර දෙකෙන් විදුලිය සැපයීමට ඉදිරිපත් වී ඇති බවත් එම බලාගාරවලට දැවිතෙල් ඛනිජ තෙල් සංස්ථාව හරහා දී සේවකයන් ලබාගෙන විදුලිය ජනනය කරන බවත් අමාත්යවරයා සඳහන් කළේය.
ලංකා විදුලිබල මණ්ඩල සතු සියලුම විදුලිබලාගාර උපරිම ධාරිතාවයෙන් ක්රියාත්මක කර පෞද්ගලික මිලදී ගැනීම්වලින් තොරව විදුලිය සැපයීමට උත්සහ කළ ද පවතින තත්වය අනුව පෞද්ගලික මිලදී ගැනීම්වලට යෑමට සිදුවූ බවත් නියඟයේ බලපෑම හෝ වෙනත් හේතූන් මත විදුලි ඉල්ලුම ද ඉහළ ගොස් ඇති බවත් අමාත්යවරයා කීය.
මෙම වසරේ ජල විදුලියෙන් ගිගාවොට් 4,200 ත් 4,500 ත් ප්රමාණයක් නිෂ්පාදනය කළ හැකි යැයි මහජන උපයෝගිතා කොමිසමේ හිටපු සභාපතිවරයා පැවසුව ද වර්තමාන නියන් තත්වයත් සමඟ මෙම වසරේ ජල විදුලියෙන් ජනනය කළ හැක්කේ ගිගාවොට් 3,800 ත් 4,000 ත් අතර ප්රමාණයක් බව කී අමාත්යවරයා ඔක්තෝබර් මස වර්ෂාව ලැබෙන තෙක් ජල විදුලියෙන් විශාල විදුලියක් බලාපොරොත්තු විය නොහැකි බව ද සඳහන් කළේය.
විදුලිබල මණ්ඩල සතු විදුලි බලාගාරවල විදුලි ඒකකයක් නිෂ්පාදනයට වැය වන පිරිවැයට වඩා අඩු මුදලකට පෞද්ගලික බලාගාර විදුලිය සැපයීමට සූදානම් බව කී අමාත්යවරයා සඳහන් කළේ එහිදී විදුලි ඒකකයක් රුපියල් 52 ත් 58 ත් අතර මිලට ලැබෙන බවත්ය.
මෙම වසරේ මාර්තු මාසයේ ද පෞද්ගලික අංශයෙන් විදුලිය මිලදී ගැනීමට අනුමැතිය ලැබුණ ද විදුලිබල මණ්ඩලය සතු බලාගාර කළමනාකරණය කරමින් එම මිලදී ගැනීම නොකළ බවත් මේ අවස්ථාව වන විට කිසිඳු විදුලි කප්පාදුවක් සැළසුම් කර නොමැති බවත් අමාත්යවරයා පැවසීය.
සුරාබදු බලපත්ර නොමැතිව බත්තරමුල්ල හා තලවතුගොඩ ප්රදේශයේ පවත්වාගෙන ගිය රාත්රී සමාජ ශාලා තුනක් වටලා රටබීම ලීටර 793 ක් අත් අඩංගුවට ගත් බව පාදුක්ක සුරාබ
මහ මැතිවරණය සම්බන්ධයෙන් දේශපාලන පක්ෂ ලේකම්වරුන් සහ මැතිවරණ කොමිෂන් සභාවේ සාමාජිකයන් අතර හමුවක් හෙට (15) පැවැත්වීමට නියමිතය.
රටේ වර්තමානයේ ක්රියාත්මක වෙන්නේ හිටපු ජනාධිපති රනිල් වික්රමසිංහ මහතා ක්රියාත්මක කළ සමාජ ආර්ථික වැඩපිළිවෙලම බව හිටපු අමාත්ය වෛද්ය රමේෂ් පතිර
එක්සත් ජාතීන්ගේ සංවර්ධන වැඩසටහනේ (UNDP) සහකාර මහලේකම් කන්නි විග්නරාජා මහත්මිය අද (14) ජනාධිපති කාර්යාලයේදී ජනාධිපති අනුර කුමාර දිසානායක මහතා හමු වූවාය.
සභාවර 5ක දී දින 390ක් රැස්වී තිබෙන නවවැනි පාර්ලිමේන්තු කාල සීමාව තුළ ආණ්ඩුක්රම ව්යවස්ථා සංශෝධන, අනුප්රාප්තික ජනාධිපති ඡන්දයෙන් තෝරා පත්කර ගැනීම, විශ
මාස හයක සිර දඬුවමට එරෙහිව සීමා සහිත මෙන්ඩිස් සමාගමේ අධ්යක්ෂවරුන් වන අර්ජුන ඇලෝසියස් සහ ඇන්තනී රන්දෙව් යන මහත්වරුන් ඉදිරිපත් කළ ඇප ඉල්ලීම ප්රතික්ෂ
ඔබ භාවිත කරනුයේ කුඩා යතුරු පැදියක් හෝ අධි සුඛෝපභෝගී මෝටර් රියක් හෝ වේවා එහි බැටරියට හිමිවනුයේ ප්රධාන අංගයකි. වාහනයක් කරදර වලින් තොරව සිත්සේ භාවිත කර
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
සමනළ වැව ජලාශයෙන් විදුලි නිෂ්පාදනය අත්හිටුවයි