(බිමල් ශ්‍යාමන් ජයසිංහ )

හිටපු ජනාධිපති මෛත්‍රිපාල සිරිසේන මහතාගේ දියණිය පදිංචි බත්තරමුල්ල ,වික්‍රමසිංහ පුර දෙමහල් නිවස කඩා රුපියල් ලක්ෂ 30 කට ආසන්න  දේපළ තොගයක් සොරා ගෙන ගොස් ඇතැයි තලංගම පොලිසිය කියයි

 සොරාගෙන තිබූ දේපළ අතර නිවසේ අල්මාරියේ තිබූ රුපියල් 1,50,000/= ක මුදලක් , රන් ආලේපිත ඔටුවෙකුගේ පිළිමයක්  ,ස්මාර්ට් අත් ඔරලෝසුවක් , රන් ආලේපිත සිංගප්පූරු කාසි 8 ක් ,  වීයලි ආහාර ද්‍රව්‍ය හා  පාසල් පොත් බෑගයක්  ඒ අතර වන බව පොලිසිය සඳහන් කරයි.

හිටපු ජනාධිපති මෛත්‍රීපාල සිරිසේන මහතාගේ දියණියගේ සැමියා කොළඹ නිවසට පැමිණි අවස්ථාවේදී  නිවස සොරුන් විසින් කඩා ඇති බව දැක පොලිසියට ඒ බව පැමිණිලි කර තිබූ බව උසස් පොලිස් නිලධාරියෙක් පැවසීය.

නිවසට ඇතුළු යම් පුද්ගලයකු හෝ කීප දෙනෙකු මුල්තැන්ගෙයි වීදුරු දොර කඩා ඇතුළු වී  නිවසේ තිබූ දේපළ සොරාගෙන ගොස් ඇති බවට  හිටපු ජනාධිපති මෛත්‍රීපාල සිරිසේන මහතාගේ දියණියගේ ව්‍යාපාරික සැමියා පොලිසියට  පැමිණිලි කර ඇතැයි උසස් පොලිස් නිලධාරියා වැඩිදුරටත් පැවසීය