හිටපු අමාත්‍ය හරීන් ප්‍රනාන්දු මහතා බදුල්ල පොලීසිය මගින් අත්අඩංගුවට ගෙන තිබේ.

 පසුගිය 11 වැනිදා පැවැත්වූ පෙළපාලියක් හා එහිදී කළහකාරී ලෙස හැසිරීමේ සිද්දිය සම්බන්ධයෙන් ප්‍රකාශයක් ලබා දීමට හිටපු ඇමැතිවරයා අද(20) උදෑසන බදුල්ල පොලීසියට ගොස් තිබිණි.

 ප්‍රකාශ සටහන් කර ගැනීමෙන් අනතුරුව මෙම අත්අඩංගුවට ගැනීම සිදු කළ බව පොලීසිය කියයි. හිටපු ඇමැතිවරයා  බදුල්ල අධිකරණයට ඉදිරිපත් කිරීමට නියමිතය.

( ප්‍රසන්න පද්මසිරි)

මැතිවරණ නිහඩ කාලයේදී බදුල්ල නගරයේ නිති විරෝධි පොළපාලියක් පැවැත්වීමේ සිද්ධියක් සම්බන්ධයෙන් ප්‍රකාශයක් ලබා දීම සඳහා හිටපු ඇමැති හරීන් ප්‍රනාන්දු මහතා බදුල්ල පොලීසිට ගොස් තිබේ.

හිටපු ඇමැතිවරයා ආධාරකරුවන් පිරිසක්  සමඟ අත්පත්‍රිකා බෙදා හරිමින් රතිඤ්ඤා දල්වමින් පෙළපාළියේ ගමන් කරමින් සිටියදී ජනතාවගෙන් ලැබුණු පැමිණිලි මත පසුගිය 11 වැනිදා මැතිවරණ ආරවුල් නිරවුල් කිරීමේ මධ්‍යස්ථානය  සහ බදුල්ල පොලිසිය  මගින්  පෙළපාලිය විසුරුවා හරිනු ලැබීය.

එහිදී හිටපු අමාත්‍ය හරීන් ප්‍රනාන්දු මහතා සහ  පොලිස් නිලධාරින් අතර ඇතිවූ සංවාදයක් හේතුවෙන් එහි නොසන්සුන් තත්වයක්ද  ඇතිවී තිබිණි.  හිටපු ඇමැතිවරයා ඇද සිටි ටී ෂර්ටය පවා ගලා දමමින් එම අවස්ථාවේ නොසන්සුන් අයුරින් හැසිරෙනු දකින්නට ලැබිණි.

මේ වන විට හරීන් ප්‍රනාන්දු මහතාගෙන් සිද්ධිය සම්බන්ධයෙන් ප්‍රකාශ සටහන් කරගනිමින් පවතින බව පොලීසිය කියයි.