(සුජිත් හේවාජුලිගේ සහ අංජුල මහික වීරරත්න)
මුදල් වාසිය පමණක් සලකා ගුණාත්මක නොවන පාඨමාලා පවත්වාගෙන ගිය ආයතන 811ක් අත්හිටුවා ඇති බව පොදු ව්යාපාර පිළිබද පාර්ලිමේන්තු කාරක සභාවේ තෘතීක කාර්මික අධ්යාපන ආයතනවලට අදාළ අනුකමිටුව පවසයි.
එම වංචනික ආයතන පුවත්පත් දැන්වීම් මඟින් ප්රසිද්ධ කර මුද්රා තැබීම සඳහා නෛතික පියවර ගන්නැයි අනු කමිටුව නිලධාරීන්ට නිර්දේශ කළේය.
එන්.වී.කියු සහතික දෙන පාඨමාලා නිසි පරිදි නියාමනය කිරීමේ අවශ්යතාව මෙහිදී අවධාරණය කෙරිණ.
එසේම සියලුම වෘත්තීය පුහුණු ආයතන සහ සම්පත් ඒකරාශී කිරීමට පොදු වැඩපිළිවෙලක් සකස් කිරීම කඩිනම් කරන්නැයි අනු කමිටුව අධ්යාපන අමාත්යාංශ ලේකම්වරයාට නිර්දේශ කළේය.
ඉහළ වැටුප් සහිත ඇතැම් විදේශීය රැකියා සදහා විශාල ඉල්ලුමක් පවතින බැවින් ගුණාත්මක බවින් යුතු පුහුණු ශ්රමිකයන් බිහිකිරීම සදහා සියලු ආයතන ඒකාබද්ධව ක්රියාත්මකවීමේ අවශ්යතාව අනුකමිටුව අවධාරණය කළේය.
මෙම කරුණු අනාවරණය වූයේ තෘතීක හා වෘත්තීය පුහුණු කොමිෂන් සභාව ඇතුළු වෘත්තීය පුහුණු ආයතනවලට ලබා දුන් නිර්දේශ ක්රියාත්මක වීමේ ප්රගතිය සාකච්ඡා කිරීම සදහා පොදු ව්යාපාර පිළිබඳ පාර්ලිමේන්තු කාරක සභාව විසින් පත්කරන ලද අනුකමිටුව එහි සභාපති පාර්ලිමේන්තු මන්ත්රී මධුර විතානගේ මහතාගේ ප්රධානත්වයෙන් රැස් වූ අවස්ථාවේදීය.
අධ්යාපන අමාත්යාංශය, තෘතීක හා වෘත්තීය අධ්යාපන කොමිෂන් සභාව, ජාතික ආධුනිකත්ව සහ කාර්මික පුහුණු කිරීම් අධිකාරිය, වෘත්තීය පුහුණු අධිකාරිය, ජර්මානු කාර්මික අභ්යාස ආයතනය ඇතුළු ආයතනවල ප්රධානීහු මෙම සාකච්ඡාවට කැඳවනු ලැබ සිටියහ.
ඇතැම් වෘත්තීය පුහුණු ආයතනවල කාර්ය සහ අරමුණු ඒකාකාරීවීම ගැටලුවක් බැවින් යම් පොදු වැඩපිළිවෙලක අවශ්යතාව මෙහිදී සාකච්ඡා විය.
අපොස සාපෙළ සහ උසස් පෙළ විභාග අවසන් කළ සිසුන් සම්බන්ධ කරගනිමින් නව වැඩපිළිවෙළක් ආරම්භ කර ඇති බවත් මෙහි නියමු ව්යාපෘතියක් සැප්තැම්බර් මාසයේ ක්රියාත්මක කෙරෙන බවත් අධ්යාපන අමාත්යාංශ ලේකම්වරයා එහිදී පැවසීය.
එසේම මෙවැනි ව්යාපෘති විවිධ රජයේ යටතේ වෙනස් නොවන ලෙස පොදු ප්රතිපත්තියක් සැකසීමේ අවශ්යතාව කමිටුව අවධාරණය කළේය.
2024 වසරේ ආර්ථික විද්යාව සඳහා නොබෙල් ත්යාගය, ඇමරිකා එක්සත් ජනපදයේ ආර්ථික විද්යා හා දේශපාලන විද්යාඥයන් වන ඩේරියන් ආසේමෝගුලුස්, සයිමන් ජොන්සන් සහ ජේම
අයිස්වලින් සමන්විත යුරෝපා නමැති චන්ද්රයාගේ රහස් සෙවීමට ඇමෙරිකාවේ නාසා ආයතනය ‘ක්ලිපර්’ නමැති රොබෝ ගවේෂණ යානය පිටත් කර හැරියේය.
මන්නාරම, වෙඩිතලතීවු ප්රදේශයේ ශ්රී ලංකා රජයේ අනුමැතිය ඇතිව ඉන්දියාවේ අදානි සමාගම විසින් ඉදිකිරීමට යෝජිත ‘සුළං විදුලි බලාගාර’ ව්යාපෘතිය පිළිබඳව ය
තෙල්දෙණිය පොලිසිය අත්අඩංගුවට ගත් සැකකරුවකුගේ ලිංගයට නයි මිරිස් දියකර වත් කිරීමේ සිද්ධියට අදාලව තරුණයකු ගොනු කර ඇති මූලික අයිතිවාසිකම් පෙත්සමේ තෙල්
අඩක් වැඩ නිම කළ දෙමහල් නිවෙසක උඩුමහලේ පිටුපස අනාරක්ෂිත කොටසින් පහළට වැටී උපාධිධාරී තරුණියක මියගොස් ඇතැයි තලංගම පොලිසිය කියයි.
විශ්ව විද්යාල කොමිෂන් සභාවේ සභාපතිවරයා ඇතුළු සියලු සමාජිකයින් අද (14) පස්වරුවේ ඉල්ලා අස්වී තිබේ.
ඔබ භාවිත කරනුයේ කුඩා යතුරු පැදියක් හෝ අධි සුඛෝපභෝගී මෝටර් රියක් හෝ වේවා එහි බැටරියට හිමිවනුයේ ප්රධාන අංගයකි. වාහනයක් කරදර වලින් තොරව සිත්සේ භාවිත කර
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
හොර පාඨමාලා පැවැත්වූ ආයතන 81 ක් තහනම්
ravin Sunday, 06 August 2023 04:39 PM
පාර්ලිමේන්තුව, විහිළු සපයන ආයතනයක් නේද? හැමදාම මුද්රිත ප්රවෘත්ති අනුව නම් මාර වැඩ කොටසක් කෙරෙන තැනක්ලු... හැබැයි රට හැමදාම පල්ලට... නිදහස ලැබුණු දා සිට ඔය කමිටුවලින් සොයාගත්ත දේවල්වලට නිසි අයුරින් නීතිය ක්රියාත්මක වූවා නම් මේක සුරලොවක් නේද?
චන්දන Monday, 07 August 2023 08:01 AM
ආණ්ඩුව එදා ඉඳලම කලේ හොරකමට ඉඩ දෙන එක. මේකටත් වෙන්නෙ ඒ ටිකමයි. . මාස 3න් ඩිප්ලෝමා දෙන ආයතන තියෙනව. සම්පූර්ණයෙන්ම නීති විරෝධීයි. මේව අමාත්යංශවලට පේන්නෙ නැත්ද?