(අංජුල මහික වීරරත්න සහ සුජිත් හේවාජුලිගේ)

ආණ්ඩුක්‍රම ව්‍යවස්ථාවේ 13 වැනි සංශෝධනය ශක්තිමත් කිරීමට අදාල සියලු යෝජනා පාර්ලිමේන්තුවට ඉදිරිපත් කිරීම සඳහා  ජනාධිපති රනිල් වික්‍රමසිංහ මහතා පාර්ලිමේන්තුවේ දී  හෙට (9) විශේෂ ප්‍රකාශයක්  කරයි.

13 වන ව්‍යවස්ථා සංශෝධනයට අදාලව  බලය බෙදීම සම්බන්ධයෙන් ජනාධිපතිවරයා එහිදී  විස්තර කිරීමට නියමිතය.

ව්‍යවස්ථාවේ 13 වැනි සංශෝධනය ශක්තිමත් කිරීමට අදාල අණ පනත් ගෙන ඒම ගැන ජනාධිපති රනිල් වික්‍රමසිංහ මහතා  මෙහිදී පැහැදිලි කිරීමට ද නියමිතය. පොලිස් බලතල හැර අනෙකුත් බලතල බෙදා ගන්නේ කෙසේද යන කාරණය ගැන  ජනාධිපතිවරයා මෙම ප්‍රකාශයේදී  කරුණු පැහැදිලි කරනු ඇත.